ମୟୂରଭଞ୍ଜ ଜିଲ୍ଲାର ଅଢ଼େଇ ବର୍ଷ ପୁରୁଣା ଏକ ହତ୍ୟା ମାମଲାର ରହସ୍ୟ ଉପରୁ ପରଦା ହଟାଇଛି ଓଡ଼ିଶା କ୍ରାଇମବ୍ରାଞ୍ଚ। ଘଟଣାସ୍ଥଳରୁ ଉଦ୍ଧାର ହୋଇଥିବା ଏକ ଯୋଡ଼ା ଚପଲ ଓ DNA ପରୀକ୍ଷା ଏହି ମାମଲାର ତଦନ୍ତରେ ନିର୍ଣ୍ଣାୟକ ପ୍ରମାଣ ସାବ୍ୟସ୍ତ ହୋଇଛି।
୨୦୨୩ ନଭେମ୍ବର ୮ ତାରିଖରେ ଉଦଳା ଥାନା ଅନ୍ତର୍ଗତ ବାହୁବନ୍ଧ ସୁରେଇସାହି କାଜୁ ଜଙ୍ଗଲ ଭିତରେ ଥିବା ଏକ ପରିତ୍ୟକ୍ତ କୂଅରୁ ଏକ ପଚାଶଢ଼ା ମୃତଦେହ ଉଦ୍ଧାର ହୋଇଥିଲା। ସେତେବେଳେ ପୁଲିସ ମୃତକଙ୍କ ପରିଚୟ ଜାଣିପାରିନଥିଲା। ପରେ ମାମଲାର ତଦନ୍ତ କ୍ରାଇମବ୍ରାଞ୍ଚକୁ ହସ୍ତାନ୍ତର କରାଯାଇଥିଲା।
ଚଳିତ ବର୍ଷ ଜୁନ୍ ୧୭ରେ ସୁଖୁଆସାହି ଗ୍ରାମର ବିଶ୍ୱନାଥ ସିଂହ ନିଜ ନିଖୋଜ ବାପାଙ୍କୁ ଖୋଜିବା ସମୟରେ ଥାନାରେ ପହଞ୍ଚି ଘଟଣାସ୍ଥଳରୁ ଜବତ ହୋଇଥିବା ଚପଲକୁ ତାଙ୍କ ବାପା ଯୁବରାଜ ସିଂହଙ୍କର ବୋଲି ଚିହ୍ନଟ କରିଥିଲେ। ଏହାପରେ କ୍ରାଇମବ୍ରାଞ୍ଚ DNA ପରୀକ୍ଷା କରାଇଥିଲା, ଯାହାରୁ ମୃତଦେହଟି ୭୫ ବର୍ଷୀୟ ଯୁବରାଜ ସିଂହଙ୍କର ବୋଲି ସ୍ପଷ୍ଟ ହୋଇଥିଲା।
କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ରଙ୍କ ସୂଚନା ଅନୁଯାୟୀ, ତଦନ୍ତ ସମୟରେ ମୃତକଙ୍କ ପାଦରେ ଦୁଇଟି ଭିନ୍ନ ସାଇଜର ଚପଲ (ସାଇଜ-୪ ଓ ସାଇଜ-୫) ଥିବା ଗୁରୁତ୍ୱପୂର୍ଣ୍ଣ ସୁରାକ ମିଳିଥିଲା। ଏହାକୁ ଆଧାର କରି ତଦନ୍ତ ଆଗକୁ ବଢ଼ାଯାଇଥିଲା।
ତଦନ୍ତରୁ ଜଣାପଡ଼ିଛି ଯେ, ଯୁବରାଜ ସିଂହ ଏକ ଭୋଜିରୁ ଫେରୁଥିବା ବେଳେ ନିଖୋଜ ହୋଇଥିଲେ। ପରିବାର ପକ୍ଷରୁ ନିଖୋଜ ଅଭିଯୋଗ ଦାଖଲ କରାଯାଇନଥିଲା, କାରଣ ସେ ପୂର୍ବରୁ ମଧ୍ୟ ଅନେକଥର ଘର ଛାଡ଼ି ଯାଇ ପୁଣି ଫେରିଆସୁଥିଲେ।
ତଦନ୍ତରେ ସାମ୍ନାକୁ ଆସିଛି ଯେ, ଗୁଣିଗାରେଡ଼ି ସନ୍ଦେହରେ ଯୁବରାଜଙ୍କୁ ଦଉଡ଼ିରେ ଶ୍ୱାସରୋଧ କରି ହତ୍ୟା କରାଯାଇଥିଲା। ପରେ ପ୍ରମାଣ ଲୁଚାଇବା ପାଇଁ ମୃତଦେହକୁ ପରିତ୍ୟକ୍ତ କୂଅରେ ଫିଙ୍ଗି ଦିଆଯାଇଥିଲା।
ଏହି ମାମଲାରେ ବାଂଶାହି ଗ୍ରାମର ସନଗୌର ମୋହନ ସିଂହ, ନରହରି ସିଂହ ଓ ଜଣେ ନାବାଳକଙ୍କୁ କ୍ରାଇମବ୍ରାଞ୍ଚ ଗିରଫ କରି କୋର୍ଟ ଚାଲାଣ କରିଛି।
ଟାଟା ମାଲିକାନାଧୀନJaguar Land Rover (JLR)ବ୍ରିଟେନ୍ରେ...
ବୀମା ପଲିସି କିଣିବା ପରେ ଅନେକ ଲୋକଙ୍କ ପାଇଁ ସବୁଠୁ ବଡ଼ ସ...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ମାରୁତି ସୁଜୁକି କାର୍ କିଣିବାକୁ ଯୋଜନା କରୁଥିବା ଗ୍ରାହକଙ୍...
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
ଗୁରୁଗ୍ରାମରDLF Primus ପ୍ରକଳ୍ପକୁ ନେଇ ସୁପ୍ରିମକୋର୍ଟ କଡ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
