ଆମେରିକାର ମେରିଲ୍ୟାଣ୍ଡରେ ଘଟିଥିବା ଏକ ଅସାଧାରଣ ଘଟଣା ପୁଣିଥରେ ଚର୍ଚ୍ଚାରେ ଆସିଛି। 2019 ମସିହାରେ ଏକ ପରିବାର 255 ବର୍ଷ ପୁରୁଣା, ପ୍ରାୟ 4,000 ବର୍ଗଫୁଟ୍‌ର ଐତିହାସିକ ଘରକୁ ସମ୍ପୂର୍ଣ୍ଣ ଭାବେ ଉଠାଇ ପ୍ରାୟ 50 ମାଇଲ୍ ଦୂରରେ ଥିବା ନୂଆ ସ୍ଥାନକୁ ନେଇଥିଲେ। ଘରଟିର ନାମ Galloway House ଏବଂ ଏହାକୁ Eastonରୁ Queenstown ନିକଟସ୍ଥ Wye River ଅଞ୍ଚଳକୁ ସ୍ଥାନାନ୍ତର କରାଯାଇଥିଲା।

ଏହି Georgian ଶୈଳୀର ଘରଟି 1760ରୁ 1764 ମଧ୍ୟରେ ନିର୍ମାଣ ହୋଇଥିଲା। ଦୁଇ ଶତାବ୍ଦୀରୁ ଅଧିକ ସମୟ ଧରି ଘରଟି ଟିକି ରହିଥିଲେ ମଧ୍ୟ ପରବର୍ତ୍ତୀ ସମୟରେ ଏହା ଖାଲି ପଡ଼ିଥିଲା ଏବଂ ନୂତନ ଉନ୍ନୟନ କାର୍ଯ୍ୟ ଯୋଗୁଁ ଏହା ଧ୍ୱଂସ ହେବାର ଆଶଙ୍କା ଥିଲା। Christian Neeley ଓ ତାଙ୍କ ପରିବାର ଘରଟିକୁ କିଣି ଏହାକୁ ସଂରକ୍ଷଣ କରିବାର ନିଷ୍ପତ୍ତି ନେଇଥିଲେ।

ଏହି ବିଶାଳ ପ୍ରକଳ୍ପ ପାଇଁ ମାସମାସ ଧରି ଯୋଜନା କରାଯାଇଥିଲା। ପ୍ରଥମେ ପ୍ରାୟ 400 ଟନ୍ ଓଜନର ଦୁଇମହଲା ଇଟା ଘରକୁ ଉଠାଇ ଏକ ବଡ଼ flatbed truck ଉପରେ ରଖାଯାଇଥିଲା। ତାପରେ ପ୍ରାୟ 6 ମାଇଲ୍ ସଡ଼କ ମାର୍ଗରେ Easton Pointକୁ ନିଆଯାଇଥିଲା। ଏହି ସଡ଼କ ଯାତ୍ରା ପାଇଁ କିଛି ରାସ୍ତା ବନ୍ଦ କରିବା ସହ ଅତ୍ୟନ୍ତ ସତର୍କତାରେ ଘରକୁ ଚଳାଇବାକୁ ପଡ଼ିଥିଲା।

Chesapeake Bay ଅତିକ୍ରମ କଲା ସମ୍ପୂର୍ଣ୍ଣ ଘର

Easton Point ପହଞ୍ଚିବା ପରେ ଘରଟିକୁ ଏକ ବିଶାଳ barge ଉପରେ ଚଢ଼ାଯାଇଥିଲା। ଏହି ପ୍ରକ୍ରିୟା ମଧ୍ୟ ସହଜ ନଥିଲା। Bargeର ballast ସମସ୍ୟା ହେବାରୁ ଏହା ଗୋଟିଏ ପାର୍ଶ୍ୱକୁ ଝୁକିବା ଆରମ୍ଭ କରିଥିଲା। ପରେ ଅଧିକ ସହାୟତା ନେଇ ଘରଟିକୁ ସୁରକ୍ଷିତ ଭାବେ barge ଉପରେ ଚଢ଼ାଯାଇଥିଲା। ଏହି loading ପ୍ରକ୍ରିୟା ପ୍ରାୟ 8 ଘଣ୍ଟା ନେଇଥିଲା।

ତାପରେ tugboat ସହାୟତାରେ bargeଟି Chesapeake Bay ଦେଇ ପ୍ରାୟ 50 ମାଇଲ୍ ଯାତ୍ରା କରି Queenstown ଦିଗକୁ ବଢ଼ିଥିଲା। ପାଣି ଉପରେ ସମ୍ପୂର୍ଣ୍ଣ ଦୁଇମହଲା ଘର ଯାଉଥିବା ଦୃଶ୍ୟ ଦେଖିବାକୁ ସ୍ଥାନୀୟ ଲୋକ ଏବଂ ନୌକାଚାଳକମାନେ ମଧ୍ୟ ଜମା ହୋଇଥିଲେ।

ନୂଆ ସ୍ଥାନରେ ପହଞ୍ଚିବା ପରେ ଘରଟିକୁ bargeରୁ ଓହ୍ଲାଇ ନୂତନ foundation ଉପରେ ରଖାଯାଇଥିଲା। ପରିବାରଟି ପରେ ଏହାର ଐତିହାସିକ ରୂପକୁ ରକ୍ଷା କରି ପୁନଃନିର୍ମାଣ କରିଥିଲେ। ଏହି ପ୍ରକଳ୍ପ ପାଇଁ ପ୍ରାୟ 1 million US dollars ଖର୍ଚ୍ଚ ହୋଇଥିବା ରିପୋର୍ଟରେ କୁହାଯାଇଛି।