ଭୁବନେଶ୍ୱରର ଦୟାନଦୀ କୂଳରେ ଭଗବାନ ବୁଦ୍ଧଙ୍କ ଏକ ବିଶାଳ ବାଲୁକା କଳାକୃତି ଉନ୍ମୋଚନ କରାଯାଇଛି। ଏହି କଳାକୃତି ଶାନ୍ତି, ସମ୍ପ୍ରୀତି ଓ ମାନବତାର ସନ୍ଦେଶ ବହନ କରୁଥିବା ବେଳେ ଏହାକୁ ଦେଖିବାକୁ ବହୁ ସଂଖ୍ୟକ ଲୋକଙ୍କ ଭିଡ଼ ଲାଗିରହିଛି।
ରୋଟାରୀ କ୍ଲବ୍ ଅଫ୍ ଭୁବନେଶ୍ୱରର ପ୍ରୟାସରେ ତିଆରି ହୋଇଥିବା ଏହି ବାଲୁକା କଳାକୃତିରେ ଭଗବାନ ବୁଦ୍ଧଙ୍କୁ ଶୟନ ମୁଦ୍ରାରେ ପ୍ରଦର୍ଶିତ କରାଯାଇଛି। ଦୟାନଦୀ କୂଳରେ ଧୌଳି ଶାନ୍ତି ସ୍ତୂପ ତଳେ ଏହି ବିଶାଳ କଳାକୃତି ତିଆରି ହୋଇଥିବାରୁ ଏହାର ଆକର୍ଷଣ ଆହୁରି ବଢ଼ିଛି।
ଆୟୋଜକମାନଙ୍କ ସୂଚନା ଅନୁଯାୟୀ, ଏହି ବାଲୁକା କଳାକୃତିର ଲମ୍ବ ୧୪୦ ଫୁଟ୍, ଉଚ୍ଚତା ୩୬ ଫୁଟ୍ ଏବଂ ପ୍ରସ୍ଥ ୫୦ ଫୁଟ୍। ଏହାକୁ ତିଆରି କରିବା ପାଇଁ ପ୍ରାୟ ୨୨ ଲକ୍ଷ କିଲୋଗ୍ରାମ ବାଲୁକା ବ୍ୟବହାର କରାଯାଇଛି। ପ୍ରାୟ ୩୬ ଘଣ୍ଟା ଧରି ୨୦ ଜଣ କଳାକାରଙ୍କ ଟିମ୍ ଏହି କଳାକୃତି ନିର୍ମାଣ କରିଥିଲେ। ସେଥିରେ ୬ ଜଣ ଯୁବତୀ କଳାକାର ମଧ୍ୟ ସାମିଲ ଥିଲେ।
ବାଲୁକା କଳାକାର ସୁବଳ ମହାରଣା କହିଛନ୍ତି ଯେ, ଦୟାନଦୀ କୂଳରେ ବିଶ୍ୱର ସବୁଠାରୁ ବଡ଼ ବାଲୁକା କଳାକୃତି ତିଆରି କରାଯାଇଛି। ଏହା ଶାନ୍ତି ଓ ସମ୍ପ୍ରୀତିର ସନ୍ଦେଶ ଦେଉଛି।
ଆସନ୍ତା ତିନି ଦିନ ପର୍ଯ୍ୟନ୍ତ ସାଧାରଣ ଲୋକଙ୍କ ପାଇଁ ଏହି କଳାକୃତି ଖୋଲା ରହିବ। ଭୁବନେଶ୍ୱରରେ ପ୍ରଥମଥର ପାଇଁ ଏପରି ବିଶାଳ ବାଲୁକା କଳା ଦେଖିବାକୁ ମିଳୁଥିବାରୁ ଲୋକମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖାଦେଇଛି।
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
