କୋରାପୁଟ ଜିଲ୍ଲାର ଜୟପୁରରୁ ଆସିଛି ଏକ ପ୍ରେରଣାଦାୟକ ସଫଳତାର କାହାଣୀ। ଜୟପୁର ବ୍ଲକ୍ କାର୍ଯ୍ୟାଳୟରେ ପିଅନ୍ ଭାବେ କାମ କରୁଥିବା ଉମା ମହେଶ୍ୱରୀ ହିକୋକାଙ୍କ ତିନି ସନ୍ତାନ ଓଡ଼ିଶା ସିଭିଲ୍ ସର୍ଭିସ୍ ପରୀକ୍ଷା ଉତ୍ତୀର୍ଣ୍ଣ ହୋଇ ଓଏଏସ୍ ଅଧିକାରୀ ହେବାରେ ସଫଳ ହୋଇଛନ୍ତି। ବର୍ଷକାଳ ଧରି ଦୁଃଖ, ଅଭାବ ଓ ସଂଘର୍ଷ ସହ ଲଢ଼ି ଆସୁଥିବା ଏହି ପରିବାର ପାଇଁ ଏହା ଗର୍ବ ଓ ଖୁସିର ମୁହୂର୍ତ୍ତ ଆଣିଛି।
ସମ୍ପ୍ରତି ପ୍ରକାଶିତ ଓଡ଼ିଶା ସିଭିଲ୍ ସର୍ଭିସ୍ ପରୀକ୍ଷାରେ ଉମା ମହେଶ୍ୱରୀଙ୍କ ବଡ଼ ପୁଅ ସ୍ୱାଧୀନ ହିକୋକା ୧୪୬ତମ ର୍ୟାଙ୍କ ହାସଲ କରି ସଫଳତା ଅର୍ଜନ କରିଛନ୍ତି। ଏହା ପୂର୍ବରୁ ୨୦୨୧ ମସିହାରେ ତାଙ୍କ ଝିଅ ଓଏଏସ୍ ପରୀକ୍ଷାରେ ସଫଳ ହୋଇଥିବା ବେଳେ ଗତବର୍ଷ ଛୋଟ ପୁଅ ସଂଗ୍ରାମ ମଧ୍ୟ ଏହି ପରୀକ୍ଷା ଉତ୍ତୀର୍ଣ୍ଣ ହୋଇଥିଲେ। ଏବେ ତିନି ସନ୍ତାନ ଓଏଏସ୍ ଅଧିକାରୀ ହେବା ପରେ ପରିବାରର ଖୁସି କହିବାକୁ ଶବ୍ଦ ନାହିଁ।
ଉମା ମହେଶ୍ୱରୀ କହିଛନ୍ତି ଯେ, ୨୦୧୨ ମସିହାରେ ସ୍ୱାମୀଙ୍କ ଦେହାନ୍ତ ପରେ ସମଗ୍ର ପରିବାରର ଦାୟିତ୍ୱ ତାଙ୍କ ଉପରେ ଆସିପଡ଼ିଥିଲା। ଅନେକ କଷ୍ଟ ସହି ସେ ସନ୍ତାନମାନଙ୍କୁ ପଢ଼ାଇଥିଲେ। ତାଙ୍କ ଝିଅ ପ୍ରଥମେ ଓଏଏସ୍ ହେବା ପରେ ଦୁଇ ପୁଅଙ୍କ ମଧ୍ୟରେ ମଧ୍ୟ ସିଭିଲ୍ ସର୍ଭିସ୍ ପ୍ରତି ଆଗ୍ରହ ବଢ଼ିଥିଲା।
ସ୍ୱାଧୀନ ହିକୋକା କହିଛନ୍ତି ଯେ, ପିତାଙ୍କ ମୃତ୍ୟୁ ପରେ ପରିବାର ପାଇଁ କିଛି କରିବାର ସଂକଳ୍ପ ନେଇଥିଲେ। ଗତବର୍ଷ ଛୋଟ ଭାଇ ସଫଳ ହୋଇଥିଲେ ମଧ୍ୟ ସେ ସଫଳତା ପାଇନଥିଲେ। କିନ୍ତୁ ହାର ନମାନି ଅବିରତ ପ୍ରସ୍ତୁତି ଜାରି ରଖି ଏବର୍ଷ ସଫଳତା ଅର୍ଜନ କରିଛନ୍ତି।
ବିଜେବି କଲେଜରୁ ସ୍ନାତକ ପାସ୍ କରିଥିବା ସ୍ୱାଧୀନ କୌଣସି ବଡ଼ କୋଚିଂ ଛଡ଼ା ମୁଖ୍ୟତଃ ସ୍ୱଅଧ୍ୟୟନ ମାଧ୍ୟମରେ ପ୍ରସ୍ତୁତି କରିଥିଲେ। ପରିବାରର ଆର୍ଥିକ ସମସ୍ୟା ସତ୍ତ୍ୱେ ତିନି ଭାଇଭଉଣୀ ନିଜ ଲକ୍ଷ୍ୟରୁ ଦୂରେଇ ଯାଇନଥିଲେ।
ବର୍ତ୍ତମାନ ଝିଅ ଅତିରିକ୍ତ ଶ୍ରମ ଅଧିକାରୀ ଭାବେ କାର୍ଯ୍ୟରତ ଥିବା ବେଳେ ସଂଗ୍ରାମ ଜିଲ୍ଲା ପର୍ଯ୍ୟଟନ ଅଧିକାରୀ ଭାବେ କାମ କରୁଛନ୍ତି। ହିକୋକା ପରିବାରର ଏହି ସଫଳତା ଏବେ ସମଗ୍ର କୋରାପୁଟ ସହ ରାଜ୍ୟରେ ଚର୍ଚ୍ଚାର ବିଷୟ ହୋଇଛି।
ଭାରତୀୟ Mixed Martial Arts (MMA) ଜଗତରେ Matrix Fight...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
Nitesh Tiwariଙ୍କ ମହାକାଙ୍କ୍ଷୀ ଚଳଚ୍ଚିତ୍ର ‘Rama...
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
