ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକର ପଣ୍ଡିତଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ରାତାରାତି ବିଦ୍ୟାଳୟର ସମସ୍ତ କ୍ଲାସ୍ରୁମ୍ରେ ବାହାର ପଟୁ ତାଲା ପକାଯାଇଥିବାରୁ ଶୁକ୍ରବାର ସକାଳେ ପାଠପଢ଼ା ସମ୍ପୂର୍ଣ୍ଣ ବ୍ୟାହତ ହୋଇଥିଲା।
ପ୍ରତିଦିନ ଭଳି ସକାଳ ପ୍ରାୟ ୧୦ଟାରେ ଛାତ୍ରଛାତ୍ରୀ ଓ ଶିକ୍ଷକମାନେ ବିଦ୍ୟାଳୟରେ ପହଞ୍ଚିଥିଲେ। କିନ୍ତୁ ପ୍ରତ୍ୟେକ କ୍ଲାସ୍ରୁମ୍ରେ ବାହାର ପଟୁ ଦୁଇଟି ଲେଖାଏଁ ତାଲା ପଡ଼ିଥିବା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।
ତାଲା ଖୋଲିବା ସମ୍ଭବ ନହେବାରୁ ଛାତ୍ରଛାତ୍ରୀମାନେ କ୍ଲାସ୍ରେ ପ୍ରବେଶ କରିପାରିନଥିଲେ। ଫଳରେ ସେମାନେ ସ୍କୁଲ ପରିସରରେ ବାହାରେ ରହିଥିଲେ ଏବଂ ଦିନର ପାଠପଢ଼ା ବ୍ୟାହତ ହୋଇଥିଲା। ଶିକ୍ଷକମାନେ ମଧ୍ୟ ଅସହାୟ ହୋଇପଡ଼ିଥିଲେ।
ଘଟଣା ପରେ ସ୍କୁଲ କର୍ତ୍ତୃପକ୍ଷ ସମ୍ପୃକ୍ତ ବିଭାଗୀୟ ଅଧିକାରୀଙ୍କୁ ଅବଗତ କରିଥିବା ସୂଚନା ମିଳିଛି। ତେବେ କିଏ ଏହି ତାଲା ପକାଇଛି, କେଉଁ ଉଦ୍ଦେଶ୍ୟରେ ଏଭଳି କରାଯାଇଛି ଏବଂ ଏହା ପଛରେ କାହାର ସମ୍ପୃକ୍ତି ରହିଛି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ଏହି ଘଟଣାକୁ ନେଇ ସମଗ୍ର ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ଅଭିଭାବକମାନେ ମଧ୍ୟ ଉଦ୍ବେଗ ପ୍ରକାଶ କରିଛନ୍ତି। ଘଟଣାର ନିରପେକ୍ଷ ତଦନ୍ତ କରି ଦୋଷୀଙ୍କ ବିରୋଧରେ କଠୋର ଆଇନଗତ ପଦକ୍ଷେପ ନେବାକୁ ସ୍ଥାନୀୟ ଲୋକ ଦାବି କରିଛନ୍ତି।
Red Roomରୁ ଆରମ୍ଭ ହୋଇଥିଲା କ୍ଷମତାର ଲଢ଼େଇ Ultimate...
ଭାଇରାଲ ଅଡିଓରେ କ’ଣ ଦାବି? ମନୋଜ ଜରାଙ୍ଗେ ପାଟି...
ବାତ୍ୟା ‘ଅର୍ଣ୍ଣବ’କୁ ନେଇ ପ୍ରଶାସନ ସଜାଗ: ଜ...
ଓଡ଼ିଶା ଆସିବେ ପ୍ରଧାନମନ୍ତ୍ରୀ ମୋଦୀ: ଜଟଣୀରେ RBI ଡାଟା ସ...
ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ ଘନୀଭୂତ...
‘Scout ଆପଣଙ୍କ ପାଇଁ କିଏ?’ ପ୍ରୋମୋରେ ର...
ବାଲୁକା କଳାରେ ମୋଦୀଙ୍କୁ ସ୍ୱାଗତ କଲେ ସୁଦର୍ଶନ ପଟ୍ଟନାୟକ,...
ଫ୍ୟାନ୍ସଙ୍କ ମଝିରେ ବସି ଦେଖିଲେ ଫିଲ୍ମ ରଜନୀକାନ୍ତଙ୍କ...
