ବହୁଚର୍ଚ୍ଚିତକେତନ ଅଗ୍ରୱାଲ ହତ୍ୟାକାଣ୍ଡମାମଲାର ତଦନ୍ତ ଜାରି ଥିବାବେଳେ ଅଗ୍ରୱାଲ ପରିବାର ଉପରେ ପୁଣି ଦୁଃଖର ପାହାଡ଼ ଭାଙ୍ଗିପଡ଼ିଛି। ନାତି କେତନଙ୍କ ମୃତ୍ୟୁ ଶୋକ ସହି ନପାରି ତାଙ୍କର ୭୧ ବର୍ଷୀୟ ଜେଜେବାପାଦେବୀଚାନ୍ଦ ଅଗ୍ରୱାଲଙ୍କର ହୃଦଘାତରେ ପରଲୋକ ହୋଇଛି।

ପରିବାର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସେ କିଛି ଦିନ ହେବ ଅସୁସ୍ଥ ଥିବା ସହ ଡାକ୍ତରଖାନାରେ ଚିକିତ୍ସାଧୀନ ଥିଲେ। ନାତିଙ୍କ ମୃତ୍ୟୁ ପରେ ସେ ଗଭୀର ମାନସିକ ଆଘାତରେ ଥିଲେ। ନିକଟରେ କେତନଙ୍କୁ ନ୍ୟାୟ ଦାବିରେ ଆୟୋଜିତ କ୍ୟାଣ୍ଡେଲ ମାର୍ଚ୍ଚରେ ମଧ୍ୟ ସେ ଯୋଗ ଦେଇଥିଲେ।

ସେହି କ୍ୟାଣ୍ଡେଲ ମାର୍ଚ୍ଚରେ ଭାବବିହ୍ୱଳ ହୋଇ ସେ କହିଥିଲେ ଯେ ଏହା ଏକ ବଡ଼ ବିଶ୍ୱାସଘାତକତା ଏବଂ ଏହି ଘଟଣାରେ ଜଡ଼ିତ ଅଭିଯୁକ୍ତମାନଙ୍କୁ କଠୋର ଦଣ୍ଡ ମିଳିବା ଉଚିତ।

ଅନ୍ୟପକ୍ଷରେ, ହତ୍ୟାକାଣ୍ଡର ତଦନ୍ତ ସମୟରେ ପୁଲିସ ହାତରେ ମୁଖ୍ୟ ଅଭିଯୁକ୍ତସିୟା ଗୋୟଲଙ୍କ ଏକସ୍ନାପଚାଟ୍ ମେସେଜ୍ଲାଗିଛି। ସୂତ୍ର ଅନୁସାରେ, ସେ ନିଜର ଜଣେ ବାନ୍ଧବୀଙ୍କୁ ପଠାଇଥିବା ମେସେଜ୍ରେ ବିବାହ କେବେ ହେବ ନାହିଁ ବୋଲି ଉଲ୍ଲେଖ କରିଥିବା ସହ ବିବାହ ପାଇଁ ଫ୍ଲାଇଟ୍ ଟିକେଟ୍ ବୁକ୍ କରିବା ଆଳରେ ଆଧାର କାର୍ଡ ମାଗିଥିବା ଜଣାପଡ଼ିଛି।

ତଦନ୍ତକାରୀ ଅଧିକାରୀଙ୍କ ସନ୍ଦେହ ଅନୁଯାୟୀ, ଏହି ଫ୍ଲାଇଟ୍ ଟିକେଟ୍ ବୁକିଂ କେବଳ ଏକ ଯୋଜନାର ଅଂଶ ଥିଲା। ବିବାହ ପ୍ରସ୍ତୁତି ଚାଲିଥିବା ଭାବନା ସୃଷ୍ଟି କରି ହତ୍ୟା ଷଡ଼ଯନ୍ତ୍ରକୁ ଲୁଚାଇବା ପାଇଁ ଏଭଳି ପଦକ୍ଷେପ ନିଆଯାଇଥିବା ସନ୍ଦେହ କରାଯାଉଛି।

ପୁଲିସ ବର୍ତ୍ତମାନ ସିୟାଙ୍କ ସେହି ବାନ୍ଧବୀଙ୍କୁ ପଚରାଉଚରା କରିବା ପାଇଁ ପ୍ରସ୍ତୁତି ଚଳାଇଛି। ତାଙ୍କ ବୟାନ ପରେ ହତ୍ୟାକାଣ୍ଡର ଷଡ଼ଯନ୍ତ୍ର ସମ୍ପର୍କରେ ଆହୁରି ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିପାରେ।