କେନ୍ଦ୍ରାପଡ଼ା ଜିଲ୍ଲାର ରାଜକନିକା କମ୍ୟୁନିଟି ହେଲ୍ଥ ସେଣ୍ଟରରୁ ସ୍ୱାସ୍ଥ୍ୟ ବ୍ୟବସ୍ଥାର ଏକ ଚିନ୍ତାଜନକ ଚିତ୍ର ସାମ୍ନାକୁ ଆସିଛି। ପରିବାର ନିୟୋଜନ ଅସ୍ତ୍ରୋପଚାର ପାଇଁ ଆସିଥିବା ମହିଳାମାନଙ୍କ ମଧ୍ୟରୁ ଅନେକଙ୍କୁ ବେଡ୍ ନମିଳିବାରୁ ଚଟାଣରେ ଶୁଆଇ ଚିକିତ୍ସା ଦିଆଯାଇଥିବା ଅଭିଯୋଗ ହୋଇଛି।
ସୂଚନା ଅନୁଯାୟୀ, ରବିବାର ପ୍ରାୟ ୨୦ ଜଣ ମହିଳା ପରିବାର ନିୟୋଜନ ଅସ୍ତ୍ରୋପଚାର ପାଇଁ ରାଜକନିକା କମ୍ୟୁନିଟି ହେଲ୍ଥ ସେଣ୍ଟରକୁ ଆସିଥିଲେ। ଅସ୍ତ୍ରୋପଚାର ପରେ କେବଳ ୬ ଜଣଙ୍କୁ ବେଡ୍ ମିଳିଥିବା ବେଳେ ଅବଶିଷ୍ଟ ୧୪ ଜଣଙ୍କ ପାଇଁ ବେଡ୍ ଉପଲବ୍ଧ ନଥିଲା।
ଫଳରେ ହସ୍ପିଟାଲ କର୍ତ୍ତୃପକ୍ଷ ଚଟାଣରେ ମ୍ୟାଟ୍ ଓ ଚାଦର ବିଛାଇ ମହିଳାମାନଙ୍କୁ ଶୁଆଇ ରଖିଥିଲେ। ଅସ୍ତ୍ରୋପଚାର ପରେ ଏଭଳି ପରିସ୍ଥିତିରେ ରୋଗୀଙ୍କୁ ରଖାଯିବାକୁ ନେଇ ସେମାନଙ୍କ ପରିବାର ଲୋକ ଅସନ୍ତୋଷ ପ୍ରକାଶ କରିଛନ୍ତି ଏବଂ ହସ୍ପିଟାଲର ସ୍ୱାସ୍ଥ୍ୟ ଭିତ୍ତିଭୂମି ଉପରେ ପ୍ରଶ୍ନ ଉଠାଇଛନ୍ତି।
ଘଟଣାର ଭିଡିଓ ଓ ଫଟୋ ସାମ୍ନାକୁ ଆସିବା ପରେ ସ୍ୱାସ୍ଥ୍ୟସେବାର ମାନକୁ ନେଇ ଚର୍ଚ୍ଚା ଜୋର ଧରିଛି। ଅସ୍ତ୍ରୋପଚାର ପରେ ରୋଗୀଙ୍କୁ ପର୍ଯ୍ୟାପ୍ତ ବିଶ୍ରାମ ଓ ଚିକିତ୍ସା ସୁବିଧା ମିଳିବା ଆବଶ୍ୟକ ଥିବା ବେଳେ ବେଡ୍ ଅଭାବ ଏଭଳି ସ୍ଥିତି ସୃଷ୍ଟି କରିଛି।
ଏନେଇ ରାଜକନିକା କମ୍ୟୁନିଟି ହେଲ୍ଥ ସେଣ୍ଟରର ଭାରପ୍ରାପ୍ତ ଅଧିକାରୀ କହିଛନ୍ତି ଯେ, ହସ୍ପିଟାଲରେ ପର୍ଯ୍ୟାପ୍ତ ବେଡ୍ ନଥିବାରୁ ସମସ୍ତ ରୋଗୀଙ୍କୁ ବେଡ୍ ଯୋଗାଇବା ସମ୍ଭବ ହୋଇନଥିଲା। ବେଡ୍ ଅଭାବ ଯୋଗୁଁ ଏଭଳି ପରିସ୍ଥିତି ଉପୁଜିଥିବା ସେ ସ୍ୱୀକାର କରିଛନ୍ତି।
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ଆମେରିକାର Federal Bureau of Investigation (FBI) ମଞ୍...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
