କନ୍ଧମାଳ ଜିଲ୍ଲାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଜଣ ଯୁବକଙ୍କ ପ୍ରାଣହାନି ଘଟିଛି। ବାଲିଗୁଡ଼ା ଥାନା ଅନ୍ତର୍ଗତ ମହାସିଂହ ବ୍ରିଜ୍ ନିକଟରେ ଏକ ଅଜଣା ଗାଡ଼ି ମୋଟରସାଇକେଲକୁ ଧକ୍କା ଦେଇ ଘଟଣାସ୍ଥଳରୁ ଫେରାର ହୋଇଯାଇଥିବା ଅଭିଯୋଗ ହୋଇଛି।
ଶୁକ୍ରବାର ରାତି ପ୍ରାୟ ୧୦:୩୦ରୁ ୧୧ଟା ମଧ୍ୟରେ ଏହି ଦୁର୍ଘଟଣା ଘଟିଥିଲା। ତିନି ଯୁବକ ଗୋଟିଏ ମୋଟରସାଇକେଲରେ ବାଲିଗୁଡ଼ାରୁ ମହାସିଂହ ଅଭିମୁଖେ ଯାଉଥିବାବେଳେ ଏକ ଅଜଣା ଗାଡ଼ି ସେମାନଙ୍କୁ ଧକ୍କା ଦେଇଥିଲା।
ଧକ୍କା ଏତେ ଜୋରଦାର ଥିଲା ଯେ ଜଣେ ଯୁବକଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଅନ୍ୟ ଦୁଇଜଣ ଗୁରୁତର ଆହତ ହୋଇଥିବାରୁ ସେମାନଙ୍କୁ ତୁରନ୍ତ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଉଭୟଙ୍କର ମୃତ୍ୟୁ ଘଟିଥିଲା।
ଖବର ପାଇବା ପରେ ପୁଲିସ ସର୍ବପ୍ରଥମେ ଘଟଣାସ୍ଥଳରେ ପହଞ୍ଚିଥିଲା। ମୃତକମାନେ ସ୍ଥାନୀୟ ଅଞ୍ଚଳର ନ ହୋଇଥିବାରୁ ପ୍ରାରମ୍ଭରେ ସେମାନଙ୍କ ପରିଚୟ ଜଣାପଡ଼ିନଥିଲା।
ଘଟଣାସ୍ଥଳରେ ମୃତ ଯୁବକଙ୍କ ପର୍ସରୁ ପୁଲିସ ଏକ ଆଧାର କାର୍ଡ ଜବତ କରିଛି। ସେଥିରେ ନବରଙ୍ଗପୁର ଜିଲ୍ଲାର ଟୋଟାସାହି ଅଞ୍ଚଳର ଶୁଭମ ରାଜ ଜେନା, ପିତା ପ୍ରତାପ ଜେନାଙ୍କ ନାମ ଉଲ୍ଲେଖ ରହିଛି। ପୁଲିସ ଏହି ସୂଚନାର ସତ୍ୟତା ଯାଞ୍ଚ କରୁଥିବାବେଳେ ଅନ୍ୟ ଦୁଇ ମୃତକଙ୍କ ପରିଚୟ ମଧ୍ୟ ଖୋଜୁଛି।
ଦୁର୍ଘଟଣା ଘଟାଇଥିବା ଗାଡ଼ି ଘଟଣାସ୍ଥଳରୁ ଫେରାର ହୋଇଯାଇଛି। ଏପର୍ଯ୍ୟନ୍ତ ଗାଡ଼ିର କୌଣସି ସନ୍ଧାନ ମିଳିନଥିବାବେଳେ ପୁଲିସ ଏହାକୁ ଚିହ୍ନଟ କରିବା ସହ ଦୁର୍ଘଟଣାର ପ୍ରକୃତ କାରଣ ଖୋଜିବା ପାଇଁ ତଦନ୍ତ ଜାରି ରଖିଛି।
ପ୍ରାଥମିକ ସୂଚନା ଅନୁସାରେ, ଦୁର୍ଘଟଣା ପୂର୍ବରୁ ତିନି ଯୁବକ ମଦ୍ୟପାନ କରିଥିବା ସନ୍ଦେହ କରାଯାଉଛି। ତେବେ ପୁଲିସ ଏହାକୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ପୁଷ୍ଟି କରିନାହିଁ। ତଦନ୍ତ ରିପୋର୍ଟ ଆସିବା ପରେ ଦୁର୍ଘଟଣାର ପ୍ରକୃତ କାରଣ ସ୍ପଷ୍ଟ ହେବ।
ତାମିଲନାଡୁରେ ରାଜନୈତିକ ପରିବେଶ ମଧ୍ୟରେ ଏକ ଚର୍ଚ୍ଚିତ ଘଟଣ...
ଭାରତ-ନ୍ୟୁଜିଲାଣ୍ଡ ସମ୍ପର୍କକୁ ଆହୁରି ସୁଦୃଢ଼ କରିବା ଦିଗର...
ୟଶରାଜ୍ ସ୍ପାଇ ୟୁନିଭର୍ସର ପ୍ରଥମ ମହିଳା-କେନ୍ଦ୍ରିକ ସ୍ପାଇ...
ଅଭିନେତାଯଶଙ୍କ ବହୁ ପ୍ରତୀକ୍ଷିତ ଫିଲ୍ମ **'ଟକ୍ସିକ୍:...
ଅଭିନେତ୍ରୀ ଆଲିଆ ଭଟ୍ଟଙ୍କ ଆଗାମୀ ସ୍ପାଇ ଥ୍ରିଲର ଫିଲ୍ମ **...
ଟିଏମସିରେ ବିଭାଜନ ପରେ ପ୍ରକୃତ ଦଳ କିଏ ଏବଂ ଦଳର ନାମ ଓ ନି...
ବଲିଉଡ୍‌ର ଲୋକପ୍ରିୟ ଅଭିନେତା ଆମିର ଖାନ ତାଙ୍କ ପ୍ରେ...
ନୂଆଦିଲ୍ଲୀରେ ଆୟୋଜିତ ଭାରତ-ଜାପାନ ଶିଖର ସମ୍ମିଳନୀରେ ଏକ ଆ...
