ଓଡ଼ିଶାରେ ଲଗାତାର ପ୍ରବଳ ବର୍ଷା ଯୋଗୁଁ କେନ୍ଦୁଝର ଜିଲ୍ଲା ଯୋଡ଼ାରେ ଫ୍ଲାସ୍ ଫ୍ଲଡ୍ ସୃଷ୍ଟି ହୋଇଛି। ପାହାଡ଼ରୁ ହଠାତ୍ ଲାଲ୍ ରଙ୍ଗର ପାଣି ତଳକୁ ଆସି ଯୋଡ଼ା ପୌରପାଳିକାର ୩ ନମ୍ବର ୱାର୍ଡସ୍ଥିତ କୁନ୍ଦୁରୁନାଳା ବସ୍ତିରେ ପଶିଛି। ଏଥିରେ ପ୍ରାୟ ୧୦ଟି ପରିବାର ପାଣି ଘେରରେ ରହିଛନ୍ତି।
ବର୍ଷାଜଳ ଜମି ରାସ୍ତାରେ ଆଣ୍ଠୁଏ ପାଣି ହୋଇଥିବାରୁ ଲୋକଙ୍କ ଯାତାୟାତ ପ୍ରଭାବିତ ହୋଇଛି। ବନ୍ୟାଜଳ ଅନେକ ଘରେ ପଶିଯିବାରୁ ପରିବାରଗୁଡ଼ିକ ଘର ଭିତରେ ରହି ନିଜ ଜିନିଷପତ୍ର ସୁରକ୍ଷିତ ରଖିବାକୁ ବାଧ୍ୟ ହୋଇଛନ୍ତି। ରାସ୍ତାରେ ପାଣି ଜମିଥିବାରୁ ଯାନବାହନ ଚଳାଚଳ ମଧ୍ୟ ବାଧାପ୍ରାପ୍ତ ହୋଇଛି।
ସ୍ଥାନୀୟ ବାସିନ୍ଦାଙ୍କ କହିବା ଅନୁସାରେ, ଜମିଥିବା ପାଣି ନିଷ୍କାସନ ପାଇଁ ଏପର୍ଯ୍ୟନ୍ତ ଉପଯୁକ୍ତ ବ୍ୟବସ୍ଥା କରାଯାଇନାହିଁ। ବର୍ଷା ଜାରି ରହିଥିବାରୁ ବସ୍ତିର ପରିସ୍ଥିତି ଆହୁରି ଜଟିଳ ହେଉଛି।
ପାଣି ଜମି ରହିବାରୁ ଲୋକଙ୍କ ସାଧାରଣ ଜୀବନଯାପନ ପ୍ରଭାବିତ ହୋଇଛି। ପିଲାମାନେ ସ୍କୁଲ୍ ଯାଇପାରୁନଥିବା ବେଳେ ଲୋକଙ୍କୁ ଆବଶ୍ୟକୀୟ ସାମଗ୍ରୀ ଆଣିବାରେ ମଧ୍ୟ ସମସ୍ୟା ହେଉଛି।
ଜଣେ ସ୍ଥାନୀୟ ବାସିନ୍ଦା କହିଛନ୍ତି, “ପିଲାମାନେ ସ୍କୁଲ୍ ଯାଇପାରୁନାହାନ୍ତି। ଆବଶ୍ୟକୀୟ ସାମଗ୍ରୀ ମଧ୍ୟ ମିଳୁନାହିଁ। ଏପର୍ଯ୍ୟନ୍ତ ସରକାରଙ୍କ ପକ୍ଷରୁ କୌଣସି ସହାୟତା ମିଳିନାହିଁ।”
ଅନ୍ୟ ଜଣେ ବାସିନ୍ଦା କହିଛନ୍ତି, “ଆମେ ରୋଷେଇ କରିପାରୁନାହୁଁ। ପିଇବା ପାଣି ମଧ୍ୟ ମିଳୁନାହିଁ। ସରକାରୀ ସହାୟତାକୁ ଅପେକ୍ଷା କରିଛୁ।”
ସ୍ଥାନୀୟ ଲୋକେ ତୁରନ୍ତ ପାଣି ନିଷ୍କାସନ ସହ ଉନ୍ନତ ଡ୍ରେନେଜ୍ ବ୍ୟବସ୍ଥା କରିବାକୁ ପ୍ରଶାସନକୁ ଦାବି କରିଛନ୍ତି। ଭବିଷ୍ୟତରେ ପ୍ରବଳ ବର୍ଷା ସମୟରେ ଏଭଳି ଜଳବନ୍ଦୀ ସ୍ଥିତି ଯେପରି ନହୁଏ, ସେଥିପାଇଁ ସ୍ଥାୟୀ ସମାଧାନ ଦାବି କରାଯାଇଛି।
କଲମ୍ବୋର ସିଂହଳୀଜ୍ ସ୍ପୋର୍ଟ୍ସ କ୍ଲବ୍‌ରେ ଭାରତ ଓ ଶ୍...
ଭାରତୀୟ ଲେଗ୍-ସ୍ପିନର କର୍ଣ୍ଣ ଶର୍ମା ଅନ୍ତର୍ଜାତୀୟ ଓ ଭାରତ...
ପାକିସ୍ତାନର ପୂର୍ବତନ କ୍ରିକେଟ୍ ଅଧିନାୟକ ତଥା ପୂର୍ବତନ ପ୍...
ଇଂଲଣ୍ଡର ଦ୍ରୁତ ବୋଲର ବ୍ରାଇଡନ୍ କାର୍ସଙ୍କୁ ନେଇ ଏକ ଘଟଣାର...
ଭାରତ ଓ ଶ୍ରୀଲଙ୍କା ମଧ୍ୟରେ କଲମ୍ବୋରେ ଚାଲିଥିବା ଦ୍ୱିତୀୟ...
