ତାମିଲ ସିନେମାର ବହୁ ପ୍ରତୀକ୍ଷିତ ଫିଲ୍ମ **‘ଜନ ନାୟଗନ’**କୁ ନେଇ ଦୀର୍ଘଦିନର ଅପେକ୍ଷାର ଅବସାନ ଘଟିଛି। କେନ୍ଦ୍ରୀୟ ଚଳଚ୍ଚିତ୍ର ପ୍ରମାଣନ ବୋର୍ଡ (CBFC) ପକ୍ଷରୁ‘A’ ସାର୍ଟିଫିକେଟ୍ମିଳିବା ପରେ ନିର୍ମାତାମାନେ ଫିଲ୍ମର ରିଲିଜ୍ ତାରିଖକୁ ଆନୁଷ୍ଠାନିକ ଭାବେ ଘୋଷଣା କରିଛନ୍ତି।

KVN Productionsପକ୍ଷରୁ ପ୍ରକାଶିତ ଏକ ନୂଆ ପୋଷ୍ଟରରେ ସି. ଜୋସେଫ ବିଜୟଙ୍କୁ ପୋଲିସ୍ ୟୁନିଫର୍ମରେ ହାତରେ ତଳୱାର ଧରିଥିବା ଦେଖିବାକୁ ମିଳିଛି। ଏହି ନୂଆ ଲୁକ୍ ପ୍ରକାଶ ପାଇବା ପରେ ଫିଲ୍ମକୁ ନେଇ ପ୍ରଶଂସକଙ୍କ ଉତ୍ସାହ ଆହୁରି ବଢ଼ିଯାଇଛି।

ପୂର୍ବରୁ ଫିଲ୍ମଟି ଜୁଲାଇ ୨୪ରେ ମୁକ୍ତି ପାଇବ ବୋଲି ଚର୍ଚ୍ଚା ହେଉଥିଲା। କିନ୍ତୁ ସମସ୍ତ କଳ୍ପନାଜଳ୍ପନାର ଅବସାନ ଘଟାଇ ନିର୍ମାତା ସଂସ୍ଥା ସ୍ପଷ୍ଟ କରିଛି ଯେ‘ଜନ ନାୟଗନ’ ୨୩ ଜୁଲାଇରେ ବିଶ୍ୱବ୍ୟାପୀ ପ୍ରେକ୍ଷାଳୟରେ ମୁକ୍ତିଲାଭ କରିବ।

ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତିଏଚ୍. ବିନୋଥ। ଫିଲ୍ମରେ ବିଜୟଙ୍କ ସହପୂଜା ହେଗଡେ, ବବି ଦେଓଲ, ମମିଥା ବୈଜୁ, ପ୍ରକାଶ ରାଜ ଏବଂ ନାରାଇନମୁଖ୍ୟ ଭୂମିକାରେ ଅଭିନୟ କରିଛନ୍ତି। ସଙ୍ଗୀତ ନିର୍ଦ୍ଦେଶନାର ଦାୟିତ୍ୱ ନେଇଛନ୍ତିଅନିରୁଦ୍ଧ ରବିଚନ୍ଦ୍ରନ।

ବିଜୟ ସକ୍ରିୟ ରାଜନୀତିରେ ପୂର୍ଣ୍ଣ ସମୟ ଦେବା ପୂର୍ବରୁ ଏହା ତାଙ୍କର ଶେଷ ଫିଲ୍ମ ବୋଲି କୁହାଯାଉଛି। ସେହି କାରଣରୁ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ବ୍ୟାପକ ଉତ୍ସାହ ଦେଖାଯାଉଛି। ଖବର ଅନୁସାରେ, ତାମିଲନାଡୁରେ ପ୍ରାୟ୧,୦୦୦ଟି ପ୍ରେକ୍ଷାଳୟରେଏହି ଫିଲ୍ମ ରିଲିଜ୍ ହେବାର ସମ୍ଭାବନା ରହିଛି।