ଜଗତସିଂହପୁର, ଅଗଷ୍ଟ ୨୦: ଜଗତସିଂହପୁର ଜିଲ୍ଲାରେ ସରକାରୀ ରାସନ ବ୍ୟବସ୍ଥାକୁ ନେଇ ଉଠିଛି ସଙ୍ଗିନ ଅଭିଯୋଗ। PDS ମାଧ୍ୟମରେ ହିତାଧିକାରୀଙ୍କୁ ମିଳୁଥିବା ଚାଉଳର କିଛି ଅଂଶ ଡିଲରଙ୍କୁ କମ୍ ଦରରେ ବିକ୍ରି କରାଯାଇ ପରେ ଅଧିକ ଦରରେ ବଜାରରେ ପୁଣି ବିକ୍ରି ହେଉଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ପୂର୍ବରୁ ରାଜ୍ୟ ସରକାରଙ୍କ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା ଅଧୀନରେ ପ୍ରତ୍ୟେକ ହିତାଧିକାରୀଙ୍କୁ ୫ କିଲୋ ଚାଉଳ ମିଳୁଥିଲା। ଏହା ସହ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ ଆଉ ୫ କିଲୋ ଚାଉଳ ମିଳିବାରୁ ଜଣେ ବ୍ୟକ୍ତି ପିଛା ମୋଟ ୧୦ କିଲୋ ଚାଉଳ ପାଉଥିବା କୁହାଯାଇଛି।
ଅଭିଯୋଗ ଅନୁସାରେ, କିଛି ହିତାଧିକାରୀ ନିଜର ଆବଶ୍ୟକତା ପାଇଁ ଆବଶ୍ୟକ ଚାଉଳ ରଖି ବଳକା ଚାଉଳକୁ କିଲୋ ପିଛା ୨୨ରୁ ୨୫ ଟଙ୍କା ଦରରେ ଡିଲରଙ୍କୁ ବିକ୍ରି କରୁଛନ୍ତି।
ପରେ ଡିଲର ଓ ମିଲରମାନେ ଏହି ଚାଉଳକୁ ଅଧିକ ଦରରେ ବଜାରରେ ବିକ୍ରି କରୁଥିବା ଅଭିଯୋଗ ହୋଇଛି। ଏହାର ବଜାର ଦର କିଲୋ ପିଛା ୬୦ ଟଙ୍କାରୁ ଅଧିକ ରହୁଥିବା ଅଭିଯୋଗ ଆସିଛି। ଫଳରେ ସରକାରୀ ରାସନ ବଣ୍ଟନ ବ୍ୟବସ୍ଥାର ନିରୀକ୍ଷଣ ଓ ସ୍ୱଚ୍ଛତାକୁ ନେଇ ପ୍ରଶ୍ନ ଉଠିଛି।
କଞ୍ଜ୍ୟୁମର ପ୍ରୋଟେକ୍ସନ ଫୋରମ୍ର ରାଜ୍ୟ ସମ୍ପାଦକ ଗୋବିନ୍ଦ ଓଝାଙ୍କ ଅଭିଯୋଗ ଅନୁସାରେ, ହିତାଧିକାରୀମାନେ ପ୍ରତି ତିନି ମାସରେ ଚାଉଳ ପାଉଛନ୍ତି ଏବଂ ଅତିରିକ୍ତ ଚାଉଳକୁ କମ୍ ଦରରେ ବିକ୍ରି କରୁଛନ୍ତି। ପରେ ଏହାକୁ ଅଧିକ ଲାଭରେ ପୁନଃ ବିକ୍ରି କରାଯାଉଛି।
ଘଟଣା ସମ୍ପର୍କରେ ଜଗତସିଂହପୁର ଜିଲ୍ଲା ଯୋଗାଣ ଅଧିକାରୀ ଜିତ୍ରାୟ ଚରଣ ଟୁଡୁ କହିଛନ୍ତି ଯେ, ହିତାଧିକାରୀମାନେ ଡିଲରଙ୍କୁ ଚାଉଳ ବିକ୍ରି କରୁଥିବା ନେଇ ବିଭାଗ ପୂର୍ବରୁ ଅବଗତ ନଥିଲା। ତେବେ ଏଭଳି ଅନିୟମିତତାର ପ୍ରମାଣ ମିଳିଲେ ସମ୍ପୃକ୍ତ ହିତାଧିକାରୀଙ୍କ ରାସନ କାର୍ଡ ବାତିଲ କରାଯିବ ବୋଲି ସେ କହିଛନ୍ତି।
ବର୍ତ୍ତମାନ ଯୋଗାଣ ବିଭାଗର ଅଧିକାରୀମାନେ ଘଟଣାର ଯାଞ୍ଚ କରୁଛନ୍ତି। ଅଭିଯୋଗ ମିଳିବା ଏବଂ ଅନିୟମିତତା ପ୍ରମାଣିତ ହେଲେ ନିୟମ ଅନୁସାରେ ଉଚିତ ପଦକ୍ଷେପ ନିଆଯିବ ବୋଲି ବିଭାଗ ପକ୍ଷରୁ କୁହାଯାଇଛି।
ଆଗାମୀ ଇଣ୍ଡିଆନ୍‌ ସୁପର୍‌ ଲିଗ୍‌ (ISL)...
ଭାରତୀୟ ମହିଳା ଡବଲ୍ସ ଯୋଡ଼ି ଗାୟତ୍ରୀ ଗୋପୀଚାନ୍ଦ ଓ ତ୍ରିସ...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଡୋର ଷ୍ଟାଡିୟମ୍ ଏବେ BWF ବି...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ଲିଓନେଲ୍‌ ମେସି ପୁଣିଥରେ ଗୋଲ୍‌ ସ୍କୋରରେ ଫେରି...
