ଓଡ଼ିଶାରେ ବନ୍ୟା ବିପର୍ଯ୍ୟୟର ଯନ୍ତ୍ରଣା ଏବେ ବି ଥମିନଥିବା ବେଳେ ଜଗତସିଂହପୁର ଜିଲ୍ଲାରେ ପୁଣି ଥରେ ବନ୍ୟାଜଳ ପଶିବାରୁ ଲୋକଙ୍କ ଦୁର୍ଦ୍ଦଶା ବଢ଼ିଛି। ସଦ୍ୟ ସ୍ୱାଭାବିକ ଜୀବନକୁ ଫେରୁଥିବା ଶହ ଶହ ପରିବାର ପୁଣିଥରେ ବନ୍ୟାଜଳ ଘେରରେ ପଡ଼ିଛନ୍ତି।
ସୋମବାର ତିର୍ତ୍ତୋଲ ବ୍ଲକର ଅନେକ ଗାଁରେ ନୂଆ ବନ୍ୟାଜଳ ପ୍ରବେଶ କରିଛି।କୋଟକଣା ଆଦିବାସୀ ସାହି, ତିର୍ତ୍ତୋଲ ଆଦିବାସୀ ସାହି, ମଣିଜଙ୍ଗାର ଗୋପାଳସାହି, ହରିପୁରସମେତ ଆଖପାଖର ଅନେକ ଗାଁ ପ୍ରଭାବିତ ହୋଇଛି।
ପୂର୍ବ ବନ୍ୟା ପରେ ଅନେକ ପରିବାର ନିଜ ଘର ସଫା କରି ପୁଣିଥରେ ରହିବା ଆରମ୍ଭ କରିଥିଲେ। କିନ୍ତୁ ଏବେ ପୁଣି ବନ୍ୟାଜଳ ଘରେ ପଶିବାରୁ ସେମାନଙ୍କ ଚିନ୍ତା ବଢ଼ିଯାଇଛି। କିଛି ଘରେ ପ୍ରାୟ୩ ଫୁଟ୍ ଉଚ୍ଚର ପାଣିପଶିଥିବାରୁ ଘର ଭିତରେ ରହିବା ଅସମ୍ଭବ ହୋଇପଡ଼ିଛି।
ଜଣେ ପ୍ରଭାବିତ ଗ୍ରାମବାସୀ କହିଛନ୍ତି, ଗତକାଲି ପର୍ଯ୍ୟନ୍ତ ରାସ୍ତାରେ ପାଣି ନଥିଲା। କିନ୍ତୁ ସନ୍ଧ୍ୟା ସୁଦ୍ଧା ହଠାତ୍ ପାଣି ବଢ଼ିବାକୁ ଲାଗିଥିଲା। ଆଗକୁ ଆହୁରି କେତେ ପାଣି ଆସିବ ତାହା ଜଣାପଡ଼ୁନଥିବାରୁ ଅନେକ ଲୋକ ବନ୍ଧ ଉପରେ ଆଶ୍ରୟ ନେଇଛନ୍ତି। ପୂର୍ବ ବନ୍ୟା ପରେ ଘର ସଫା କରିଥିବା ବେଳେ ପୁଣି ପାଣି ପଶିବା ଦ୍ୱାରା ସମସ୍ୟା ଆହୁରି ବଢ଼ିଯାଇଛି।
ସ୍ଥାନୀୟ ରିପୋର୍ଟ ଅନୁସାରେ, ଆଦିବାସୀ ସାହିର ପ୍ରାୟ୨୫୦ ଜଣ ଲୋକଏହି ବନ୍ୟାରେ ପ୍ରଭାବିତ ହୋଇଛନ୍ତି। ପାଣି ବଢ଼ିବାରୁ ଅନେକ ପରିବାର ନିଜ ଘର ଛାଡ଼ି ସୁରକ୍ଷିତ ସ୍ଥାନକୁ ଯାଇଛନ୍ତି।
ଅନ୍ୟପକ୍ଷରେ, ଜିଲ୍ଲା ପ୍ରଶାସନ ପକ୍ଷରୁ ସ୍ଥିତିର ସମୀକ୍ଷା କରାଯାଇ ପ୍ରଭାବିତ ପରିବାରଙ୍କୁ ତୁରନ୍ତ ରିଲିଫ୍ ଯୋଗାଇ ଦିଆଯାଉଛି। ବିଶେଷ କରି ଲୋକଙ୍କ ତତ୍କାଳ ଆବଶ୍ୟକତା ପୂରଣ ପାଇଁଶୁଖିଲା ଖାଦ୍ୟବଣ୍ଟନ କରାଯାଉଛି।
ପୁଣିଥରେ ବନ୍ୟା ଫେରିବା ପରେ ଜଗତସିଂହପୁରବାସୀ ତୁରନ୍ତ ରିଲିଫ୍ ଓ ପୁନର୍ବାସ ସହାୟତା ପାଇଁ ଆଶା ରଖିଛନ୍ତି। ପାଣି ଆହୁରି ବଢ଼ିଲେ ସ୍ଥିତି ଗମ୍ଭୀର ହେବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ପରିସ୍ଥିତି ଉପରେ ନଜର ରଖାଯାଇଛି।
ଚେନ୍ନାଇ: ତାମିଲନାଡୁର ଶାସକ ଦଳ DMK କଂଗ୍ରେସ ବିରୋଧରେ ଗୁ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ସଂସଦରେPublic Examinations (Amendment) Bill, 2026ପା...
ଭୁବନେଶ୍ୱର: ବନ୍ୟା ପରିସ୍ଥିତିକୁ ନେଇ ଚାଉଳ ବଣ୍ଟନରେ କୌଣସ...
ନୂଆଦିଲ୍ଲୀ: ୨୦୨୦ ମସିହାରେ ଘଟିଥିବା ଦିଲ୍ଲୀ ସାମ୍ପ୍ରଦାୟି...
ବିଶ୍ୱର ଅନ୍ୟତମ ଶ୍ରେଷ୍ଠ ପର୍ବତାରୋହୀ ଭାବେ ପରିଚିତ ନେପାଳ...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସୋସିଆଲ୍ ମିଡି...
ସ୍ପେନ୍‌ର ଉତ୍ତର ଆଫ୍ରିକାସ୍ଥିତ ସ୍ୱୟଂଶାସିତ ଅଞ୍ଚଳ...
ଦକ୍ଷିଣ-ପଶ୍ଚିମ ଜାପାନର କ୍ୟୁଶୁ ଦ୍ୱୀପରେ ଭୟଙ୍କର ଭୂମିକମ୍...
