ଭାରତୀୟ ରେଳ କ୍ୟାଟରିଂ ଏବଂ ପର୍ଯ୍ୟଟନ ନିଗମ (IRCTC) ଭକ୍ତମାନଙ୍କ ପାଇଁ ‘ସପ୍ତ ଜ୍ୟୋତିର୍ଲିଙ୍ଗ ମହାଯାତ୍ରା’ ନାମରେ ଏକ ବିଶେଷ ଧାର୍ମିକ ପର୍ଯ୍ୟଟନ ପ୍ୟାକେଜ ଘୋଷଣା କରିଛି। ଏହି ଯାତ୍ରା ‘ଭାରତ ଗୌରବ ଡିଲକ୍ସ AC ଟୁରିଷ୍ଟ ଟ୍ରେନ୍’ ମାଧ୍ୟମରେ ପରିଚାଳିତ ହେବ।

ଏହି ୧୧ ଦିନିଆ ଯାତ୍ରା୨୫ ସେପ୍ଟେମ୍ବର ୨୦୨୬ରୁ ଆରମ୍ଭ ହୋଇ୫ ଅକ୍ଟୋବର ୨୦୨୬ରେ ଦିଲ୍ଲୀକୁ ଫେରିବ। ଟ୍ରେନ୍ଟି ଦିଲ୍ଲୀ ସଫଦରଜଙ୍ଗ ରେଳ ଷ୍ଟେସନରୁ ଯାତ୍ରା ଆରମ୍ଭ କରି ମଧ୍ୟପ୍ରଦେଶ, ଗୁଜରାଟ ଓ ମହାରାଷ୍ଟ୍ରର ପ୍ରସିଦ୍ଧ ୭ଟି ଜ୍ୟୋତିର୍ଲିଙ୍ଗ ଦର୍ଶନ କରାଇବ।

ଯାତ୍ରା ମାର୍ଗ

ଦିଲ୍ଲୀ ସଫଦରଜଙ୍ଗ → ଉଜ୍ଜୟିନ → ମହୁ → ଦ୍ୱାରକା → ଓଖା → ବେରାଭଳ → ଖଡକି → ଛତ୍ରପତି ସମ୍ଭାଜୀନଗର → ନାଶିକ ରୋଡ୍ → ଦିଲ୍ଲୀ ସଫଦରଜଙ୍ଗ।

ଦର୍ଶନୀୟ ସ୍ଥାନ

• ଉଜ୍ଜୟିନ – ମହାକାଳେଶ୍ୱର ଜ୍ୟୋତିର୍ଲିଙ୍ଗ, ମହାକାଳ କରିଡୋର, ରାମଘାଟ
• ଓଁକାରେଶ୍ୱର – ଓଁକାରେଶ୍ୱର ଜ୍ୟୋତିର୍ଲିଙ୍ଗ
• ଦ୍ୱାରକା – ଦ୍ୱାରକାଧୀଶ ମନ୍ଦିର, ରୁକ୍ମିଣୀ ମନ୍ଦିର, ନାଗେଶ୍ୱର ଜ୍ୟୋତିର୍ଲିଙ୍ଗ, ବେଟ୍ ଦ୍ୱାରକା
• ସୋମନାଥ – ସୋମନାଥ ମନ୍ଦିର, ସମୁଦ୍ରତଟ, ଭାଲ୍କା ତୀର୍ଥ
• ପୁଣେ – ଭୀମାଶଙ୍କର ଜ୍ୟୋତିର୍ଲିଙ୍ଗ
• ଛତ୍ରପତି ସମ୍ଭାଜୀନଗର – ଘୃଷ୍ଣେଶ୍ୱର ଜ୍ୟୋତିର୍ଲିଙ୍ଗ ଓ ଏଲୋରାର କୈଳାସ ମନ୍ଦିର
• ନାଶିକ – ତ୍ର୍ୟମ୍ବକେଶ୍ୱର ଜ୍ୟୋତିର୍ଲିଙ୍ଗ ଓ ପଞ୍ଚବଟୀ

ଭଡ଼ା

ଏହି ପ୍ୟାକେଜର ଆରମ୍ଭିକ ମୂଲ୍ୟ₹୮୮,୮୧୦(ଟ୍ରିପଲ୍ ଶେୟାରିଂ) ରହିଛି। ସିଙ୍ଗଲ୍ ଅକ୍ୟୁପେନ୍ସି ସୁପିରିଅର AC-I କୁପେର ସର୍ବାଧିକ ଭଡ଼ା₹୧,୩୪,୨୫୫ରହିଛି।

ପ୍ୟାକେଜରେ କ’ଣ ରହିଛି?

• ଚୟନିତ ଶ୍ରେଣୀରେ ଟ୍ରେନ୍ ଯାତ୍ରା
• ୩-ତାରକା ହୋଟେଲରେ ରହଣି
• ସମ୍ପୂର୍ଣ୍ଣ ନିରାମିଷ ଭୋଜନ
• AC ଗାଡ଼ିରେ ସ୍ଥାନୀୟ ଯାତାୟାତ ଓ ଦର୍ଶନ
• ଟ୍ରାଭେଲ୍ ଇନସୁରାନ୍ସ
• IRCTC ଟୁର୍ ମ୍ୟାନେଜରଙ୍କ ସେବା

IRCTC ସୂଚନା ଅନୁଯାୟୀ, ‘ଭାରତ ଗୌରବ ଟ୍ରେନ୍’ ଯୋଜନା ଅଧୀନରେ ପ୍ରାୟ୩୩% ରିହାତିମଧ୍ୟ ଏହି ପ୍ୟାକେଜରେ ଅନ୍ତର୍ଭୁକ୍ତ ରହିଛି।

ବୁକିଂ କେମିତି କରିବେ?

ଇଚ୍ଛୁକ ଯାତ୍ରୀମାନେ IRCTC Tourismର ଅଧିକୃତ ୱେବସାଇଟ୍ରେ ଯାଇ ଅନଲାଇନ୍ ବୁକିଂ କରିପାରିବେ।