ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ମଧ୍ୟରେ ଜର୍ଡାନରେ ଥିବା ଆମେରିକୀୟ ସେନା ଘାଟି ଉପରେ ଇରାନ ପକ୍ଷରୁ ମିସାଇଲ ଓ ଡ୍ରୋନ ଆକ୍ରମଣ ହୋଇଥିବା ନେଇ ଆମେରିକାର ସେଣ୍ଟ୍ରାଲ କମାଣ୍ଡ (CENTCOM) ସୂଚନା ଦେଇଛି। ଏହି ଆକ୍ରମଣରେ୨ ଜଣ ଆମେରିକୀୟ ସୈନିକଙ୍କ ମୃତ୍ୟୁହୋଇଥିବାବେଳେ ଅନ୍ୟ କେତେକ ସୈନିକ ଆହତ ହୋଇଛନ୍ତି।
ସେଣ୍ଟ୍ରାଲ କମାଣ୍ଡ ପକ୍ଷରୁ ଜାରି ବିବୃତି ଅନୁସାରେ, ଚଳିତ ସଂଘର୍ଷ ଆରମ୍ଭ ହେବା ପରଠାରୁ ଏପର୍ଯ୍ୟନ୍ତ ନିହତ ଆମେରିକୀୟ ସୈନିକଙ୍କ ସଂଖ୍ୟା୧୬ରେ ପହଞ୍ଚିଥିବାବେଳେ୪୩୦ରୁ ଅଧିକ ସୈନିକ ଆହତହୋଇଛନ୍ତି।
ପେଣ୍ଟାଗନର ସୂଚନା ଅନୁଯାୟୀ, ଗତ ୧୭ ଦିନ ଧରି ଜର୍ଡାନରେ ଇରାନର ବାଲିଷ୍ଟିକ ମିସାଇଲ ଓ ଡ୍ରୋନ ଆକ୍ରମଣକୁ ପ୍ରତିହତ କରୁଥିବା ସମୟରେ ୨ ଜଣ ଆମେରିକୀୟ ସେନା ଅଧିକାରୀ ପ୍ରାଣ ହରାଇଥିଲେ। ଏହାସହ ଜଣେ ସୈନିକ ଏବେ ମଧ୍ୟ ନିଖୋଜ ଥିବା ସୂଚନା ମିଳିଛି।
ଆକ୍ରମଣରେ ଆହତ ହୋଇଥିବା ଅନ୍ୟ ୪ ଜଣ ସୈନିକଙ୍କୁ ତୁରନ୍ତ ଜର୍ଡାନର ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।
ଏହି ଘଟଣା ପରେ ଇରାନର ସର୍ବୋଚ୍ଚ ନେତୃତ୍ୱ ପକ୍ଷରୁ ଆମେରିକାକୁ କଡ଼ା ସତର୍କ ବାର୍ତ୍ତା ଦିଆଯାଇଛି। ମୋଜତାବା ଖାମେନେଇ କହିଛନ୍ତି ଯେ, ଯଦି ଆମେରିକା ଇରାନ ଉପରେ ଆକ୍ରମଣ ଜାରି ରଖେ, ତେବେ ଏହାର କଠୋର ଜବାବ ଦିଆଯିବ ଏବଂ ଏପରି ଶିକ୍ଷା ଦିଆଯିବ ଯାହାକୁ କେବେ ଭୁଲିପାରିବ ନାହିଁ।
ଏହି ଘଟଣା ପରେ ମଧ୍ୟପ୍ରାଚ୍ୟର ସୁରକ୍ଷା ପରିସ୍ଥିତି ଓ ଆମେରିକା-ଇରାନ ମଧ୍ୟରେ ତିକ୍ତତା ଆହୁରି ବଢ଼ିବାର ଆଶଙ୍କା ସୃଷ୍ଟି ହୋଇଛି।
୨୦ ଦିନରୁ ଅଧିକ ସମୟ ଧରି ଅନଶନରେ ରହିବା ପରେ ଦିଲ୍ଲୀର ସଫଦ...
ଓଡ଼ିଶାର ଶିଳ୍ପ କ୍ଷେତ୍ରକୁ ଆଉ ଏକ ବଡ଼ ସଫଳତା ମିଳିଛି। ସମ...
ମହାରାଷ୍ଟ୍ରର ୱର୍ଦ୍ଧା ଜିଲ୍ଲା ନିକଟ ସମୃଦ୍ଧି ଏକ୍ସପ୍ରେସୱ...
ଦେଶରେ ପେଟ୍ରୋଲ ଓ ଡିଜେଲ ଦର ଲଗାତାର କିଛି ଦିନ ଧରି ସ୍ଥିର...
ଲଗାଣ ବର୍ଷାର ପ୍ରଭାବ ଏବେ ସାଧାରଣ ଲୋକଙ୍କ ରୋଷେଇ ଘର ଉପରେ...
ତ୍ରିପୁରା ପୋଲିସ ମହାନିର୍ଦ୍ଦେଶକ (ଡିଜିପି) ଅନୁରାଗ ଧଙ୍କର...
ରାଜ୍ୟରେ ସାର ଯୋଗାଣକୁ ନେଇ ଉପୁଜିଥିବା ଚିନ୍ତା ମଧ୍ୟରେ ଓଡ...
ରେଷ୍ଟୁରାଣ୍ଟଗୁଡ଼ିକ ଦ୍ୱାରା ଗ୍ରାହକଙ୍କ ବିଲ୍‌ରେ ବା...
