ଓଡ଼ିଶା କ୍ରାଇମବ୍ରାଞ୍ଚର ସ୍ପେଶାଲ ଟାସ୍କ ଫୋର୍ସ (STF) ଓଡ଼ିଶା ଓ ରାଜସ୍ଥାନ ମଧ୍ୟରେ ସକ୍ରିୟ ଥିବା ଏକ ବଡ଼ ଆନ୍ତରାଜ୍ୟ ଗଞ୍ଜେଇ ଚୋରାଚାଲାଣ ଚକ୍ରର ପର୍ଦ୍ଦାଫାଶ କରିଛି। ଏହି ମାମଲାରେ ଗଞ୍ଜାମ ଜିଲ୍ଲାର ୩ ଜଣ କଥିତ ମାଦକ ଚୋରାଚାଲାଣକାରୀଙ୍କୁ ଗିରଫ କରାଯାଇଛି।

ଗିରଫ ଅଭିଯୁକ୍ତମାନେ ହେଲେଶିବରାମ ବିଶ୍ୱାଳ (୩୮), ଶିବରାମ ପାତ୍ର (୩୩)ଏବଂକାନା ମିଟୁ ଓରଫ ମନୋରଞ୍ଜନ ସାବତ (୪୯)। ଶିବରାମ ବିଶ୍ୱାଳଙ୍କ ଘରେ ଚଢ଼ାଉ ବେଳେ STF₹୩.୮୬ ଲକ୍ଷ ନଗଦ ଟଙ୍କା, ମୋବାଇଲ ଫୋନ୍ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଦସ୍ତାବିଜଜବତ କରିଛି। ଜବତ ଟଙ୍କା ମାଦକ କାରବାରରୁ ଆସିଛି କି ନାହିଁ, ତାହାର ଯାଞ୍ଚ ଚାଲିଛି।

ଏହି ମାମଲାର ଆରମ୍ଭ ହୋଇଥିଲା ଚଳିତ ବର୍ଷଏପ୍ରିଲ ୧୮ରେ। ସେହିଦିନ ଖୋର୍ଦ୍ଧା ଜିଲ୍ଲାର ଜଟଣୀ ଥାନା ଅଧୀନପିତାପାଲି ନିକଟ ଏନଏଚ୍-୧୬ରେ STF ଏକଆଇଚର ପ୍ରୋ କଣ୍ଟେନର ଟ୍ରକ୍ଅଟକାଇଥିଲା। ସେଥିରୁ୨୨୭.୪ କିଲୋଗ୍ରାମ ଗଞ୍ଜେଇଜବତ କରାଯାଇଥିଲା, ଯାହା ଗଜପତି ଜିଲ୍ଲାର ଅଡ଼ଭା ଅଞ୍ଚଳରୁ ରାଜସ୍ଥାନକୁ ଚୋରାଚାଲାଣ ହେଉଥିବା ଅଭିଯୋଗ ଥିଲା।

ଏହି ଘଟଣାରେ ପୂର୍ବରୁ ରାଜସ୍ଥାନର ଭିଲୱାରା ଜିଲ୍ଲାରପାରସ ନାଥଙ୍କୁ ଗିରଫ କରାଯାଇଥିଲା। ତେବେ STF କେବଳ ଜବତିରେ ସୀମିତ ନରହି ସମଗ୍ର ଚୋରାଚାଲାଣ ନେଟୱର୍କର ମୂଳ ଚେର ଖୋଜିବା ପାଇଁ ତଦନ୍ତ ଜାରି ରଖିଥିଲା।

ପ୍ରଯୁକ୍ତିଗତ ବିଶ୍ଳେଷଣ, ଫିଲ୍ଡ ଇଣ୍ଟେଲିଜେନ୍ସ, ସାକ୍ଷୀଙ୍କ ବୟାନ ଏବଂ ଗୁଜରାଟ ଓ ରାଜସ୍ଥାନରୁ ସଂଗୃହୀତ ପ୍ରମାଣ ଆଧାରରେ STF ଓଡ଼ିଶାରୁ ପରିଚାଳିତ ଏହି ଚୋରାଚାଲାଣ ଚକ୍ରକୁ ଚିହ୍ନଟ କରିଥିଲା।

STFର ସୂଚନା ଅନୁସାରେ, ଗିରଫ ହୋଇଥିବା ତିନି ଜଣ ବ୍ୟବସାୟିକ ପରିମାଣର ଗଞ୍ଜେଇ ସଂଗ୍ରହ, ମହଜୁଦ ଏବଂ ବିଭିନ୍ନ ରାଜ୍ୟକୁ ଚୋରାଚାଲାଣ କରିବାରେ ସକ୍ରିୟ ଭୂମିକା ନେଉଥିଲେ।

ଏହି ରାକେଟ୍ରେ ସମ୍ପୃକ୍ତ ଅନ୍ୟ ସଦସ୍ୟଙ୍କ ପରିଚୟ, ଆର୍ଥିକ କାରବାର ଏବଂ ମାଦକ ଚୋରାଚାଲାଣର ଶେଷ ଲାଭଭୋଗୀଙ୍କ ସନ୍ଧାନ ପାଇଁ ତଦନ୍ତ ଜାରି ରହିଛି।

STF ଶିବରାମ ବିଶ୍ୱାଳ ଏବଂ କାନା ମିଟୁଙ୍କୁ ପୋଲିସ ରିମାଣ୍ଡରେ ନେବାକୁ ଆବେଦନ କରିବ। ଏଥିସହ ଅଭିଯୁକ୍ତମାନଙ୍କ ସମ୍ପତ୍ତି ଏବଂ ଆର୍ଥିକ କାରବାରର ମଧ୍ୟ ସ୍ୱତନ୍ତ୍ର ତଦନ୍ତ ଆରମ୍ଭ କରାଯାଇଛି।