ଭେନେଜୁଏଲାରେ କାର୍ଯ୍ୟରତ ଭାରତୀୟ ନାବିକ ରାକେଶ ଚୌହାନଙ୍କ ମୃତ୍ୟୁକୁ ନେଇ ଏକ ଗୁରୁତର ବିବାଦ ସୃଷ୍ଟି ହୋଇଛି। ପ୍ରାୟ ଏକ ମାସ ପରେ ତାଙ୍କ ମୃତଦେହ ଭାରତରେ ପହଞ୍ଚିବା ପରେ ପରିବାର ପକ୍ଷରୁ ଶରୀରର ଅନେକ ଗୁରୁତ୍ୱପୂର୍ଣ୍ଣ ଅଙ୍ଗ ନଥିବା ଅଭିଯୋଗ କରାଯାଇଛି। ଏହି ଘଟଣାକୁ ନେଇ ସମ୍ପୂର୍ଣ୍ଣ ତଦନ୍ତ ଦାବି ଜୋର ଧରିଛି।
ମୃତ ନାବିକ ରାକେଶ ଚୌହାନ ଉତ୍ତର ପ୍ରଦେଶର ଦେଓରିଆ ଜିଲ୍ଲାର ବାସିନ୍ଦା ଥିଲେ। ସେ ପତ୍ନୀ, ଛଅ ମାସର ପୁଅ, ବାପା ଓ ଭାଇଙ୍କ ସହ ମୁମ୍ବାଇରେ ରହୁଥିଲେ। ୨୦୨୫ ନଭେମ୍ବରରେ ସେ ମର୍ଚ୍ଚାଣ୍ଟ ନେଭିରେ ମେରାଇନ୍ ଫିଟର ଭାବେ ଯୋଗ ଦେଇ ଭେନେଜୁଏଲାରେ କାର୍ଯ୍ୟରତ ଥିଲେ।
ପରିବାର ସୂଚନା ଅନୁଯାୟୀ, ମେ ୭ ତାରିଖରେ ରାକେଶଙ୍କ କାର୍ଯ୍ୟରତ କମ୍ପାନୀ ପକ୍ଷରୁ ଫୋନ୍ କରି କୁହାଯାଇଥିଲା ଯେ ସେ ଜାହାଜରେ ଖସି ପଡ଼ି ଗୁରୁତର ଆହତ ହୋଇଛନ୍ତି। ପରଦିନ ତାଙ୍କ ମୃତ୍ୟୁ ହୋଇଥିବା ସୂଚନା ଦିଆଯାଇଥିଲା। କମ୍ପାନୀର ଦାବି ଥିଲା ଯେ, ଚିକିତ୍ସାଧୀନ ଅବସ୍ଥାରେ ହୃଦଘାତ ଯୋଗୁଁ ତାଙ୍କର ମୃତ୍ୟୁ ଘଟିଥିଲା।
ତେବେ ମୃତଦେହ ଭାରତକୁ ଆସିବା ପରେ ପରିବାର ଲୋକ ଦାବି କରିଛନ୍ତି ଯେ ଶବ ବ୍ୟବଚ୍ଛେଦରେ ରାକେଶଙ୍କ ଶରୀରରୁ ମସ୍ତିଷ୍କ, ହୃତପିଣ୍ଡ, ଯକୃତ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଅଙ୍ଗ ନଥିବା ଜଣାପଡ଼ିଛି। ପରିବାରର ଅନୁମତି ବିନା କିପରି ଏଭଳି ଅଙ୍ଗ ବାହାର କରାଗଲା ତାହାକୁ ନେଇ ସେମାନେ ପ୍ରଶ୍ନ ଉଠାଇଛନ୍ତି।
ଏହାସହ ମୃତଦେହ ହସ୍ତାନ୍ତର ସମୟରେ ଭୁଲ୍ ନାମରେ ରସିଦ ଦିଆଯାଇଥିବା ଏବଂ ରାକେଶ ଯେଉଁ ଜାହାଜରେ କାମ କରିବାକୁ ଚୁକ୍ତି କରିଥିଲେ, ସେହି ଜାହାଜ ପରିବର୍ତ୍ତେ ଅନ୍ୟ ଜାହାଜରେ ତାଙ୍କୁ ନିଯୁକ୍ତ କରାଯାଇଥିବା ଅଭିଯୋଗ ମଧ୍ୟ ଉଠିଛି।
ଏହି ଘଟଣାକୁ ନେଇଫେଡେରେସନ୍ ଅଫ୍ ସିଫେରର୍ସ ୟୁନିଅନ୍ସ ଅଫ୍ ଇଣ୍ଡିଆ (FSUI)ଗଭୀର ଚିନ୍ତା ପ୍ରକାଶ କରିଛି। ଶବ ବ୍ୟବଚ୍ଛେଦ ରିପୋର୍ଟ, ଭେନେଜୁଏଲା କର୍ତ୍ତୃପକ୍ଷଙ୍କ ସୂଚନା ଓ ମୃତଦେହ ପରିବହନ ପ୍ରକ୍ରିୟାକୁ ନେଇ ସଂଗଠନ ପ୍ରଶ୍ନ ଉଠାଇବା ସହ ନିରପେକ୍ଷ ତଦନ୍ତ ଦାବି କରିଛି।
ରାକେଶଙ୍କ ପତ୍ନୀ ରଞ୍ଜନା ଚୌରସିଆ ଭେନେଜୁଏଲାସ୍ଥିତ ଭାରତୀୟ ଦୂତାବାସ ସହ ଯୋଗାଯୋଗରେ ରହିଥିବାବେଳେ ସମ୍ପୃକ୍ତ ଜାହାଜ କମ୍ପାନୀ ବିରୋଧରେ କଠୋର କାର୍ଯ୍ୟାନୁଷ୍ଠାନ ଓ ପରିବାରକୁ ଉଚିତ କ୍ଷତିପୂରଣ ଦେବାକୁ ଦାବି କରିଛନ୍ତି।
ଚଳିତ ବର୍ଷ ଆରମ୍ଭରେ ରେକର୍ଡ ସ୍ତରକୁ ପହଞ୍ଚିଥିବା ସୁନା ଦର...
କେନ୍ଦ୍ର ଗୃହମନ୍ତ୍ରୀଅମିତ ଶାହଆସନ୍ତାଜୁଲାଇ ୩ ତାରିଖରେ ଓଡ...
ଓଡ଼ିଶାରଜଗତସିଂହପୁର ଜିଲ୍ଲାରେ ସଡ଼କ ଭିତ୍ତିଭୂମିର ବିକାଶ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ବ୍ୟକ୍ତିଗତ ଅଧିକାର ଓ ପ୍ରତିଷ୍ଠା ସୁରକ୍ଷା ପାଇଁ ସାଂସଦ ରା...
ଓଡ଼ିଶାରେଟାଟା ପାୱାରପରିଚାଳିତ ବିଦ୍ୟୁତ ବିତରଣ କମ୍ପାନୀ (...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମ...
ରାଷ୍ଟ୍ରାୟତ୍ତନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍...
ଉତ୍ତରପ୍ରଦେଶ କଂଗ୍ରେସ ସଭାପତି ଅଜୟ ରାୟ ଅଯୋଧ୍ୟା ଗସ୍ତକୁ...
ସମାଜବାଦୀ ପାର୍ଟିର ଜାତୀୟ ଅଧ୍ୟକ୍ଷ ଏବଂ ଉତ୍ତର ପ୍ରଦେଶର ପ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
