ବୟସ ବଢ଼ିବା ସହ ଅନେକ ଲୋକଙ୍କ ପାଇଁ ଛୋଟ ବଟନ୍‌, ଜଟିଳ ସ୍ମାର୍ଟଫୋନ୍ ଇଣ୍ଟରଫେସ୍ ଓ ଅଧିକ ଫିଚର୍ ବ୍ୟବହାର କରିବା କଷ୍ଟକର ହୋଇଥାଏ। ଏହାକୁ ଧ୍ୟାନରେ ରଖି HMD ନୂଆ 2660 Flip Senior Edition ଫ୍ଲିପ୍ ଫୋନ୍ ଘୋଷଣା କରିଛି।

ଏହି ଫୋନ୍‌ରେ 2.8 ଇଞ୍ଚର QVGA ମୁଖ୍ୟ ଡିସ୍ପ୍ଲେ ସହ ବାହାର ପଟେ 1.77 ଇଞ୍ଚର ଦ୍ୱିତୀୟ ଡିସ୍ପ୍ଲେ ରହିଛି। ବଡ଼ physical keypad ଥିବାରୁ ନମ୍ବର ଡାଏଲ୍ କରିବା ଓ ଫୋନ୍ ଚାଳନା କରିବା ବୟସ୍କଙ୍କ ପାଇଁ ଅପେକ୍ଷାକୃତ ସହଜ ହେବ। ଫୋନ୍‌ଟି 4G LTE ଓ 4G VoLTE ସପୋର୍ଟ କରେ।

ଏହି ଫୋନ୍‌ର ବିଶେଷ ଆକର୍ଷଣ ହେଉଛି ‘Mary’ ନାମକ AI companion। ଏହାକୁ ଫୋନ୍‌ରେ ସିଧାସଳଖ ଇଣ୍ଟିଗ୍ରେଟ୍ କରାଯାଇଛି। ବ୍ୟବହାରକାରୀ ଫୋନ୍‌ର ମେନୁରୁ Maryକୁ ଚୟନ କରି କଲ୍ ବଟନ୍ ଦବାଇ କଥା ହୋଇପାରିବେ। AI ସାଥୀ ସାଧାରଣ ବିଷୟରେ ଆଲୋଚନା, କାହାଣୀ କହିବା ଓ ମେମୋରି ଗେମ୍‌ ଭଳି କାର୍ଯ୍ୟରେ ସହାୟତା କରିପାରେ।

ଫୋନ୍‌ରେ VGA rear camera ଓ LED flash ଦିଆଯାଇଛି। ଏଥିସହ 48MB RAM, 128MB internal storage ଓ microSD ମାଧ୍ୟମରେ 32GB ପର୍ଯ୍ୟନ୍ତ storage ବଢ଼ାଇବାର ସୁବିଧା ରହିଛି। 1,450mAh removable battery, USB Type-C, Bluetooth, wireless FM radio ଓ 3.5mm headphone jack ମଧ୍ୟ ମିଳୁଛି।

ଫୋନ୍‌ର ଓଜନ ପ୍ରାୟ 136.4 ଗ୍ରାମ। ଏହାର UK ମୂଲ୍ୟ £79.99 ରଖାଯାଇଛି ଏବଂ Cosy Black ରଙ୍ଗରେ ଉପଲବ୍ଧ ବୋଲି ରିପୋର୍ଟ ହୋଇଛି।

ବୟସ୍କଙ୍କ ପାଇଁ ସରଳ ଫୋନ୍ ବ୍ୟବହାର ଓ AI ଆଧାରିତ ସହାୟତାକୁ ଏକାଠି କରିବା ଏହି ଫୋନ୍‌ର ମୁଖ୍ୟ ବିଶେଷତା।