ନୂଆଦିଲ୍ଲୀ:ଭାରତର ଉତ୍ପାଦନ କ୍ଷେତ୍ରକୁ ଅଧିକ ପ୍ରତିଯୋଗିତାମୂଳକ କରିବା ଏବଂ ବିଦେଶୀ ପୁଞ୍ଜିନିବେଶକୁ ଆକର୍ଷିତ କରିବା ଲକ୍ଷ୍ୟରେ କେନ୍ଦ୍ର ସରକାର ଦେଶର କର ବ୍ୟବସ୍ଥାରେ ବଡ଼ ପରିବର୍ତ୍ତନ ଆଣିବାକୁ ଯୋଜନା କରୁଛନ୍ତି।
ଏହି ପ୍ରସ୍ତାବିତ ସଂସ୍କାରTaxation and Other Laws (Amendment) Bill, 2026ମାଧ୍ୟମରେ ଲୋକସଭାରେ ଉପସ୍ଥାପିତ ହୋଇପାରେ। ଏହା ଜୁନ୍ ମାସରେ ଜାରି ହୋଇଥିବା ଇନକମ୍ ଟ୍ୟାକ୍ସ ଅର୍ଡିନାନ୍ସକୁ ପ୍ରତିସ୍ଥାପିତ କରିବ।
ପ୍ରସ୍ତାବ ଅନୁସାରେ ମୋବାଇଲ୍ ଫୋନ୍, ଲାପଟପ୍, ଟାବଲେଟ୍, ସର୍ଭର, ୱେୟାରେବଲ୍ ଡିଭାଇସ୍ ଏବଂ ସେମାନଙ୍କ ସମ୍ବନ୍ଧୀୟ ଇଲେକ୍ଟ୍ରୋନିକ୍ସ ଉପକରଣ ଉତ୍ପାଦନ କରୁଥିବା କମ୍ପାନୀଙ୍କୁ୨୦୪୦-୪୧ ଆର୍ଥିକ ବର୍ଷ ପର୍ଯ୍ୟନ୍ତ କର ରିହାତିଦିଆଯାଇପାରେ।
ଏହା ଭାରତକୁ ବିଶ୍ୱର ଏକ ପ୍ରମୁଖ ଇଲେକ୍ଟ୍ରୋନିକ୍ସ ଉତ୍ପାଦନ କେନ୍ଦ୍ରରେ ପରିଣତ କରିବାରେ ସହାୟକ ହେବ।
ବିଦେଶୀ ପୋର୍ଟଫୋଲିଓ ନିବେଶକ (FPI) ଏବଂ ବିଶ୍ୱସ୍ତରୀୟ ଫଣ୍ଡ ମ୍ୟାନେଜରମାନଙ୍କ ପାଇଁ ନିବେଶ ସମ୍ବନ୍ଧୀୟ ଅନେକ କର ସର୍ତ୍ତକୁ ସହଜ କରାଯିବ। ଏଥିରେ ସର୍ବନିମ୍ନ ନିବେଶକ ସଂଖ୍ୟା, ଫଣ୍ଡ ଆକାର, ବିବିଧ ନିବେଶ ଏବଂ ସହଯୋଗୀ ସଂସ୍ଥାରେ ନିବେଶ ନିୟମକୁ କୋହଳ କରାଯିବ।
ରିଅଲ୍ ଇଷ୍ଟେଟ୍ ଇନଭେଷ୍ଟମେଣ୍ଟ ଟ୍ରଷ୍ଟ (REIT) ଏବଂ ଇନଫ୍ରାଷ୍ଟ୍ରକ୍ଚର ଇନଭେଷ୍ଟମେଣ୍ଟ ଟ୍ରଷ୍ଟ (InvIT)କୁ ମିଳୁଥିବା ଡିଭିଡେଣ୍ଡ ଆୟ ଉପରେ ପୁଣିଥରେ କର ଛାଡ଼ ଦେବାର ପ୍ରସ୍ତାବ ରହିଛି।
ଦେଶର ଡିଜିଟାଲ୍ ଭିତ୍ତିଭୂମିକୁ ମଜବୁତ କରିବା ପାଇଁ ଡାଟା ସେଣ୍ଟର ସମ୍ବନ୍ଧୀୟ କର ନିୟମକୁ ମଧ୍ୟ ସରଳ କରାଯିବ। ଭାରତୀୟ କମ୍ପାନୀ ଦ୍ୱାରା ପରିଚାଳିତ ଲିଜ୍ ଡାଟା ସେଣ୍ଟରକୁ ନୂଆ ସୁବିଧା ମିଳିବାର ପ୍ରସ୍ତାବ ରହିଛି।
ବିଦେଶୀ ପ୍ରତିଷ୍ଠାନଗତ ନିବେଶକ (FII) ଓ Bank for International Settlements ପାଇଁ ସରକାରୀ ସିକ୍ୟୁରିଟିରୁ ମିଳୁଥିବା ସୁଧ ଏବଂ ପୁଞ୍ଜି ଲାଭକୁ କରମୁକ୍ତ କରିବାର ପ୍ରସ୍ତାବ ରହିଛି।
ବିଶେଷଜ୍ଞଙ୍କ ମତରେ, ଏହି ସଂସ୍କାର ଦେଶର ନିବେଶ ପରିବେଶକୁ ଆହୁରି ଆକର୍ଷଣୀୟ କରିବା ସହ ଭାରତର ଉତ୍ପାଦନ ଓ ଡିଜିଟାଲ୍ ଅର୍ଥନୀତିକୁ ଦୀର୍ଘମିଆଦି ଲାଭ ଦେବ।
ସେପ୍ଟେମ୍ବରର ଏହି ସପ୍ତାହ ଜ୍ୟୋତିଷ ଦୃଷ୍ଟିରୁ...
ଆତ୍ମରକ୍ଷା ପାଇଁ ଆରମ୍ଭ ହୋଇଥିବା ଲଢ଼ୁଆ କ୍ରୀଡ଼ାର ଯାତ୍ରା ଏ...
ସାନୋରେ ଭାରତ ଓ ଜାପାନ ମଧ୍ୟରେ ଖେଳାଯାଇଥିବା ଐତିହାସିକ ପ୍...
ନିଶିନ୍: ଏସୀୟ କ୍ରୀଡ଼ା ୨୦୨୬ର ମହିଳା କ୍ରିକେଟ୍ ଫାଇନାଲ୍&...
କ୍ରିକେଟ୍‌ପ୍ରେମୀଙ୍କ ଅପେକ୍ଷାରେ ବର୍ଷା ପାଣି ପକାଇଦ...
