ବଲାଙ୍ଗିରରେ ଇ-କମର୍ସ କୁରିଅର୍ ସେବା ମାଧ୍ୟମରେ ଗଞ୍ଜେଇ ଚୋରାଚାଲାଣ କରାଯାଉଥିବା ଏକ ରାକେଟ୍କୁ ପୋଲିସ ଠାବ କରିଛି। ଏହି ଘଟଣାରେ ୧୧୩ କେଜି ଗଞ୍ଜେଇ ଜବତ କରାଯାଇଥିବା ବେଳେ ୭ ଜଣଙ୍କୁ ଗିରଫ କରାଯାଇଛି।
ପୋଲିସର ସୂଚନା ଅନୁସାରେ, ଗିରଫ ଅଭିଯୁକ୍ତମାନେ କଳାହାଣ୍ଡି ଜିଲ୍ଲାର ମୋହନଗିରି ଅଞ୍ଚଳର ବାସିନ୍ଦା। ସେମାନେ ଏକ ଇ-କମର୍ସ କମ୍ପାନୀର କୁରିଅର୍ ନେଟୱର୍କକୁ ବ୍ୟବହାର କରି ଉତ୍ତରପ୍ରଦେଶ ସମେତ ଅନ୍ୟ ରାଜ୍ୟକୁ ଗଞ୍ଜେଇ ପଠାଉଥିବା ଅଭିଯୋଗ ହୋଇଛି।
ଅଭିଯୁକ୍ତମାନେ ଏକ ଶାଢ଼ି ସେଣ୍ଟର ନାଁରେ ଇ-କମର୍ସ କମ୍ପାନୀରେ ରେଜିଷ୍ଟ୍ରେସନ କରିଥିଲେ। ଗଞ୍ଜେଇକୁ ବକ୍ସରେ ପ୍ୟାକ୍ କରି ବଲାଙ୍ଗିରର କୁରିଅର୍ ପଏଣ୍ଟରେ ଦିଆଯାଉଥିଲା। କିନ୍ତୁ କନସାଇନମେଣ୍ଟରେ ଘରୋଇ ଉପକରଣ ଓ ଅନ୍ୟ ସାମଗ୍ରୀ ଥିବା ଦର୍ଶାଯାଉଥିଲା।
ପୋଲିସ ଅନୁସାରେ, କୁରିଅର୍ ପଏଣ୍ଟରେ ସ୍କାନର ନଥିବାର ସୁଯୋଗ ନେଇ ଅଭିଯୁକ୍ତମାନେ ଏହି କାରବାର କରୁଥିଲେ। କେବଳ କନସାଇନମେଣ୍ଟର QR କୋଡ୍ ସ୍କାନ୍ କରି ପାର୍ସଲ ପଠାଯାଉଥିଲା।
ବଲାଙ୍ଗିର ଏସ୍ପି ଅଭିଳାଷ ଜି କହିଛନ୍ତି ଯେ, ଏହା ସାଧାରଣ ଚେକ୍ପୋଷ୍ଟ କିମ୍ବା ନାକାରେ ଧରାପଡୁଥିବା ଗଞ୍ଜେଇ ଚୋରାଚାଲାଣ ମାମଲାଠାରୁ ଭିନ୍ନ। ଆଇନସମ୍ମତ କୁରିଅର୍ ଚ୍ୟାନେଲକୁ ବ୍ୟବହାର କରି ଏଭଳି ଚୋରାଚାଲାଣ କରାଯାଉଥିବାରୁ ଏହା ପୋଲିସ ପାଇଁ ଏକ ନୂଆ ଚ୍ୟାଲେଞ୍ଜ ଥିଲା।
ଗୁପ୍ତ ସୂଚନା ଆଧାରରେ ପୋଲିସ ଅଭିଯୁକ୍ତମାନଙ୍କ ଗତିବିଧି ଉପରେ ନଜର ରଖିଥିଲା। ପରେ ଦୁଇଟି ଗାଡ଼ିରେ ଯାଉଥିବା ଅଭିଯୁକ୍ତମାନଙ୍କୁ ଅଟକାଇ ଯାଞ୍ଚ କରାଯାଇଥିଲା।
ଏହି ଅଭିଯାନରେ ଏକ ହୁଣ୍ଡାଇ କ୍ରେଟା ଏବଂ ଏକ ମାରୁତି ସୁଜୁକି ସ୍ୱିଫ୍ଟ ଡିଜାୟାର୍ ଜବତ ହୋଇଛି। ୧୦ଟି ବକ୍ସରୁ ମୋଟ ୧୧୩ କେଜି ଗଞ୍ଜେଇ ଉଦ୍ଧାର କରାଯାଇଛି।
ମାମଲାରେ ୭ ଜଣଙ୍କୁ ଗିରଫ କରାଯାଇଥିବା ବେଳେ, ସମ୍ପୃକ୍ତ ଇ-କମର୍ସ କମ୍ପାନୀର ରାଜ୍ୟ ମୁଖ୍ୟଙ୍କୁ ପୋଲିସ ନୋଟିସ୍ ଜାରି କରିଛି। କନସାଇନମେଣ୍ଟ ଏବଂ ଅଭିଯୁକ୍ତମାନଙ୍କ ରେଜିଷ୍ଟ୍ରେସନ ସମ୍ପର୍କରେ ତଥ୍ୟ ମଗାଯାଇଛି। ଘଟଣାର ଅଧିକ ତଦନ୍ତ ଜାରି ରହିଛି।
ପ୍ରଭାସଙ୍କ ଫ୍ୟାନ୍ମାନଙ୍କ ପାଇଁ ‘Kalki 2898 AD 2...
ଦାର୍ଜିଲିଂର ଐତିହାସିକ ଟୟ ଟ୍ରେନ୍‌ ଲୋକୋସେଡ୍‌...
ଅକ୍ଷୟ କୁମାରଙ୍କ ଆଗାମୀ ସାଇନ୍ସ-ଫିକ୍ସନ୍ ଥ୍ରିଲର‘S...
ରକ୍ଷାବନ୍ଧନର ଖୁସି ମୁହୂର୍ତ୍ତ ଉତ୍ତରପ୍ରଦେଶର ଝାନ୍ସୀରେ ଶ...
ଥଳପତି ବିଜୟଙ୍କ‘GOAT’ଓ ରକିଂ ଷ୍ଟାର୍ ୟଶଙ୍କ...
ପଞ୍ଜାବର ଜେଲ୍‌ଗୁଡ଼ିକରେ ନିଶାସକ୍ତିର ଚିତ୍ର ଚିନ୍ତା...
ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ରାମ ଜନ୍ମଭୂମି ଟ୍ରଷ...
ଅଭିନେତ୍ରୀରଶ୍ମିକା ମନ୍ଦାନାନିକଟରେ ହୋଇଥିବା ତାଙ୍କ ହିପ୍...
