ଭାରତର ସବୁଠାରୁ ଗୁରୁତ୍ୱପୂର୍ଣ୍ଣ ମାନବ ମହାକାଶ ଯାତ୍ରା ପ୍ରକଳ୍ପ‘ଗଗନଯାନ’ଏବେ କର୍ମଚାରୀ ସଙ୍କଟକୁ ସାମ୍ନା କରୁଛି। ଗତ କିଛି ମାସ ମଧ୍ୟରେ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ)ର ୧୦୦ରୁ ଅଧିକ ବୈଜ୍ଞାନିକ ଏବଂ ଇଞ୍ଜିନିୟର ଇସ୍ତଫା କିମ୍ବା ସ୍ୱେଚ୍ଛାକୃତ ଅବସର (VRS) ପାଇଁ ଆବେଦନ କରିଥିବା ସୂଚନା ମିଳିଛି।
ଏହି ପରିସ୍ଥିତି ଗଗନଯାନ ସମେତ ଅନ୍ୟାନ୍ୟ ଜାତୀୟ ଗୁରୁତ୍ୱପୂର୍ଣ୍ଣ ମହାକାଶ ପ୍ରକଳ୍ପ ଉପରେ ପ୍ରଭାବ ପକାଇପାରେ ବୋଲି ଆଶଙ୍କା କରାଯାଉଛି। ସେଥିପାଇଁ ମହାକାଶ ବିଭାଗ ପକ୍ଷରୁ ସମସ୍ତ ପ୍ରମୁଖ ଇସ୍ରୋ କେନ୍ଦ୍ରକୁ ଜରୁରୀ ନିର୍ଦ୍ଦେଶନାମା ପଠାଯାଇଛି।
ନୂଆ ନିର୍ଦ୍ଦେଶ ଅନୁଯାୟୀ, ଗ୍ରୁପ୍ ‘ଏ’ ବର୍ଗର ବୈଜ୍ଞାନିକ ଓ ବୈଷୟିକ କର୍ମଚାରୀଙ୍କ ଇସ୍ତଫା କିମ୍ବା ସ୍ୱେଚ୍ଛାକୃତ ଅବସର ଆବେଦନକୁ ଆଉ ସହଜରେ ମଞ୍ଜୁର କରାଯିବ ନାହିଁ। ପ୍ରତ୍ୟେକ ଆବେଦନ ସମ୍ବନ୍ଧିତ କେନ୍ଦ୍ରର ନିର୍ଦ୍ଦେଶକଙ୍କ ସୁପାରିଶ ସହ ସିଧାସଳଖ ମହାକାଶ ବିଭାଗକୁ ପଠାଯିବ।
ରିପୋର୍ଟ ଅନୁସାରେ, ବେଙ୍ଗାଲୁରୁରୟୁ.ଆର. ରାଓ ସାଟେଲାଇଟ୍ ସେଣ୍ଟରରୁ ପ୍ରାୟ ୮୦ ଜଣ ଏବଂ କେରଳରବିକ୍ରମ ସାରାଭାଇ ସ୍ପେସ୍ ସେଣ୍ଟରରୁ ପ୍ରାୟ ୨୦ ଜଣ ବୈଜ୍ଞାନିକ ଚାକିରି ଛାଡ଼ିବା ପାଇଁ ନୋଟିସ୍ ଦେଇଥିବା କୁହାଯାଉଛି।
ଏହି ପ୍ରସଙ୍ଗରେ ଇସ୍ରୋ ଅଧ୍ୟକ୍ଷ ଭି. ନାରାୟଣ କହିଛନ୍ତି ଯେ, କୌଣସି ସଂସ୍ଥାରେ କର୍ମଚାରୀଙ୍କ ଆସିବା-ଯିବା ଏକ ସାଧାରଣ ପ୍ରକ୍ରିୟା। ତେବେ ଦେଶର ଗୁରୁତ୍ୱପୂର୍ଣ୍ଣ ମିଶନଗୁଡ଼ିକ ଯେପରି ବାଧାପ୍ରାପ୍ତ ନହୁଅନ୍ତି, ସେଥିପାଇଁ ଆବଶ୍ୟକ ପଦକ୍ଷେପ ନିଆଯାଇଛି ଏବଂ ଦରକାର ପଡ଼ିଲେ ଅନ୍ୟ ବୈଜ୍ଞାନିକଙ୍କୁ ଦାୟିତ୍ୱ ଦିଆଯାଇ ପ୍ରକଳ୍ପ କାର୍ଯ୍ୟ ଜାରି ରଖାଯିବ।
ଓଡ଼ିଶାର ରେଳ ଯୋଗାଯୋଗ ଏବଂ ଶିଳ୍ପ ଭିତ୍ତିଭୂମିକୁ ସୁଦୃଢ଼...
ଆର୍ଜେଣ୍ଟିନାର ଷ୍ଟାର୍ ଫୁଟବଲରଲିଓନେଲ୍ ମେସିଚଳିତ ବିଶ୍ୱକପ...
ପରିଷ୍କାର ଏବଂ ନବୀକରଣଯୋଗ୍ୟ ଶକ୍ତି କ୍ଷେତ୍ରରେ ନିଜର ଉପସ୍...
ୱେଷ୍ଟଇଣ୍ଡିଜ୍ ବିପକ୍ଷ ତୃତୀୟ ଦିନିକିଆରେ ନ୍ୟୁଜିଲାଣ୍ଡ ୬...
୨୦୨୭ ଦିନିକିଆ ବିଶ୍ୱକପ୍‌କୁ ନଜରରେ ରଖି ଭାରତୀୟ କ୍ର...
ଓଡ଼ିଶାର ଲକ୍ଷାଧିକ କେନ୍ଦୁପତ୍ର ଶ୍ରମିକଙ୍କ ପାଇଁ ଖୁସି ଖବ...
ଓଡ଼ିଶାର ଗ୍ରାମୀଣ ଭିତ୍ତିଭୂମି ବିକାଶ କ୍ଷେତ୍ରରେ ଏକ ବଡ଼...
ଭାରତୀୟ କ୍ରିକେଟ୍ ଦଳର ବ୍ୟାଟିଂ କୋଚ୍ ସିତାଂଶୁ କୋଟକ ବିରା...
