ବାଲେଶ୍ୱର ଜିଲ୍ଲାରଜଳେଶ୍ୱରଅଞ୍ଚଳରୁ ନିଖୋଜ ହୋଇଥିବା ୪ ଜଣ ନାବାଳିକାଙ୍କୁ ପଶ୍ଚିମବଙ୍ଗରଗୋପୀବଲ୍ଲଭପୁରଅଞ୍ଚଳରୁ ସୁରକ୍ଷିତ ଭାବେ ଉଦ୍ଧାର କରିଛି ଜଳେଶ୍ୱର ପୁଲିସ। ଏହି ଘଟଣାରେ ପୁଲିସ ଜଣେ ମହିଳାଙ୍କୁ ଅଟକ ରଖି ପଚରାଉଚରା କରୁଛି।

ସୂଚନା ଅନୁସାରେ, ୪ ଜଣ ନାବାଳିକା ଘରକୁ ଫେରିନଥିବାରୁ ସେମାନଙ୍କ ପରିବାର ସଦସ୍ୟ ଜଳେଶ୍ୱର ଥାନାରେ ନିଖୋଜ ଅଭିଯୋଗ ଦାଖଲ କରିଥିଲେ।

ଅଭିଯୋଗ ପାଇବା ପରେ ଜଳେଶ୍ୱର ଉପଖଣ୍ଡ ପୁଲିସ ଅଧିକାରୀ (SDPO) ଏବଂ ଥାନା ଅଧିକାରୀ (IIC)ଙ୍କ ତତ୍ତ୍ୱାବଧାନରେ ଏକ ସ୍ୱତନ୍ତ୍ର ପୁଲିସ ଟିମ୍ ଗଠନ କରାଯାଇଥିଲା। ତଦନ୍ତ ସମୟରେ ପୁଲିସ ସେମାନଙ୍କ ଗତିବିଧିକୁ ଅନୁସରଣ କରି ପଶ୍ଚିମବଙ୍ଗର ଗୋପୀବଲ୍ଲଭପୁରରେ ପହଞ୍ଚିଥିଲା।

ସ୍ଥାନୀୟ ପୁଲିସର ସହଯୋଗରେ ଚଢ଼ାଉ କରି ୪ ଜଣ ନାବାଳିକାଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା।

ଘଟଣାରେ ଅଟକ ଥିବା ମହିଳାଙ୍କୁ ପୁଲିସ ଜେରା କରୁଛି। ଏହା ମାନବ ଚାଲାଣ ରାକେଟ୍ର ଅଂଶ ନା ଏହା ପଛରେ ଅନ୍ୟ କୌଣସି ଅପରାଧିକ ଷଡ଼ଯନ୍ତ୍ର ରହିଛି, ସେନେଇ ତଦନ୍ତ ଚାଲିଛି।

ବରିଷ୍ଠ ପୁଲିସ ଅଧିକାରୀଙ୍କ ସୂଚନା ଅନୁସାରେ, ଉଦ୍ଧାର ହୋଇଥିବା ୪ ଜଣ ନାବାଳିକାଙ୍କ ବୟାନ ମାଜିଷ୍ଟ୍ରେଟଙ୍କ ସମ୍ମୁଖରେ ରେକର୍ଡ କରାଯିବ। ସେମାନଙ୍କ ବୟାନ ଆଧାରରେ ପରବର୍ତ୍ତୀ ଆଇନଗତ ପଦକ୍ଷେପ ଗ୍ରହଣ କରାଯିବ ବୋଲି ପୁଲିସ ପକ୍ଷରୁ କୁହାଯାଇଛି।