ଉତ୍ତର ଓ ଉପକୂଳ ଓଡ଼ିଶାରେ ପୁଣି ଫେରିଛି ବନ୍ୟାର ଭୟ। ବିଭିନ୍ନ ନଦୀର ଜଳସ୍ତର ବଢ଼ିବାରୁ ଅନେକ ଜିଲ୍ଲାରେ ଚାଷଜମି, ତଳିଆ ଅଞ୍ଚଳ, ରାସ୍ତା ଓ ଗାଁ ଜଳମଗ୍ନ ହୋଇଛି। ଫଳରେ ସାଧାରଣ ଜନଜୀବନ ପୁଣିଥରେ ପ୍ରଭାବିତ ହୋଇଛି।
ଭଦ୍ରକ ଜିଲ୍ଲା ବାସୁଦେବପୁରରେ ବନ୍ୟା ପାଣି ହ୍ରାସ ପାଇବାର ନାଁ ନେଉନାହିଁ। କାଂସବାଂଶ ଓ ଗମେଇ ନଦୀର ଜଳସ୍ତର ବଢ଼ିବାରୁ ଅଞ୍ଚଳରେ ପୁଣି ବନ୍ୟା ସ୍ଥିତି ଦେଖାଦେଇଛି। ତୃତୀୟ ଥର ବନ୍ୟାର ପାଣି ସମ୍ପୂର୍ଣ୍ଣ ହ୍ରାସ ପାଇବା ପୂର୍ବରୁ ପୁଣି ହଜାର ହଜାର ହେକ୍ଟର ଚାଷଜମି ପାଣିରେ ବୁଡ଼ିଯାଇଛି। ଏଥିରେ ଧାନ ଓ ପନିପରିବା ଫସଲ କ୍ଷତିଗ୍ରସ୍ତ ହୋଇଥିବାରୁ ଚାଷୀଙ୍କ ଚିନ୍ତା ବଢ଼ିଛି।
ବାସୁଦେବପୁର ବ୍ଲକ୍ର ସୁଦର୍ଶନପୁର, ବରଣ୍ଡୁଆ, ଜଗନ୍ନାଥପ୍ରସାଦ ଓ ଲୁଙ୍ଗା ପଞ୍ଚାୟତର ଅନେକ ଗାଁ ଏବେବି ବନ୍ୟା ପାଣି ଘେରରେ ରହିଛି। ଅନେକ ଚାଷଜମି ମଧ୍ୟ ପାଣି ତଳେ ରହିଛି।
ଏପଟେ କେନ୍ଦୁଝର ଜିଲ୍ଲା ଆନନ୍ଦପୁରରେ ବୈତରଣୀ ନଦୀ ତୃତୀୟ ଥର ପାଇଁ ବିପଦସଙ୍କେତ ଉପରେ ପ୍ରବାହିତ ହେଉଛି। ନଦୀର ଜଳସ୍ତର ପୁଣି ବଢ଼ିବାରୁ ବନ୍ୟା ପ୍ରଭାବିତ ଅଞ୍ଚଳର ଲୋକଙ୍କ ସମସ୍ୟା ବଢ଼ିଛି।
ଆନନ୍ଦପୁର ପୌରପାଳିକାର ୫ ଓ ୬ ନମ୍ବର ୱାର୍ଡର ତଳିଆ ଅଞ୍ଚଳରେ ବନ୍ୟା ପାଣି ପ୍ରବେଶ କରିବା ଆରମ୍ଭ କରିଛି। ପରିସ୍ଥିତି ଉପରେ ଆନନ୍ଦପୁର ଉପଜିଲ୍ଲାପାଳ ନଜର ରଖିଛନ୍ତି।
ସେହିପରି ଢେଙ୍କାନାଳ ଜିଲ୍ଲାର କରମୂଳ ପଞ୍ଚାୟତର ଦାଉଦେଶ୍ୱର ମନ୍ଦିରକୁ ମଧ୍ୟ ବ୍ରାହ୍ମଣୀ ନଦୀର ବନ୍ୟା ପାଣି ପ୍ରବେଶ କରିଛି। ମନ୍ଦିର ବେଢ଼ା ଉପରେ ପାଣି ପ୍ରବାହିତ ହେଉଥିବା ବେଳେ ମନ୍ଦିରକୁ ସଂଯୋଗ କରୁଥିବା ରାସ୍ତା ମଧ୍ୟ ପାଣିରେ ବୁଡ଼ିଯାଇଛି।
ଉତ୍ତର ଓ ଉପକୂଳ ଓଡ଼ିଶାରେ ବନ୍ୟା ସ୍ଥିତି ଜଟିଳ ହେଉଥିବାରୁ ପ୍ରଭାବିତ ଅଞ୍ଚଳର ଲୋକଙ୍କ ମଧ୍ୟରେ ଚିନ୍ତା ବଢ଼ିଛି।
ଇଣ୍ଡୋନେସିଆର ଫ୍ଲୋରେସ୍‌ ଦ୍ୱୀପରେ ଶନିବାର ସକାଳେ ଘଟ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ଓଡ଼ିଶା ଉପରେ ପୁଣି ବର୍ଷା ବିପଦ। ବଙ୍ଗୋପସାଗରରେ ସୃଷ୍ଟ ଲଘ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ କ୍ଷେତ...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ରାଜକୁମାର ସନ୍ତୋଷୀ ଓ ସନି ଦେଓଲଙ୍କ ଯୋଡ଼ି ‘ଘାୟଲ&r...
‘KGF: Chapter 2’ ପରେ ପ୍ରାୟ ଚାରି ବର୍ଷ ଧ...
ପ୍ରାୟ ଦୁଇ ଦଶନ୍ଧି ପରେ ପୁଣିଥରେ ପରଦାକୁ ଫେରିଛନ୍ତି ଇମ୍ର...
ପାନ୍ ମସଲା ସହ ସଂଯୁକ୍ତ ଏକ ଚୁଇଂ ଏଲାଇଚି ବ୍ରାଣ୍ଡର ବିଜ୍ଞ...
ଓଡ଼ିଶାରେ ପୁଣି ଥରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଭା...
