କର୍ମଚାରୀ ଭବିଷ୍ୟ ନିଧି ସଂଗଠନ (ଇପିଏଫ୍ଓ) ପିଏଫ୍ ଟଙ୍କା ଉଠାଣ ପ୍ରକ୍ରିୟାକୁ ଅଧିକ ଦ୍ରୁତ ଓ ସହଜ କରିବା ପାଇଁ ଏକ ନୂଆ ବ୍ୟବସ୍ଥା ଲାଗୁ କରିଛି। ଏହି ବ୍ୟବସ୍ଥା ଅନୁଯାୟୀ, ଯୋଗ୍ୟ ଆବେଦନଗୁଡ଼ିକର ନିଷ୍ପତ୍ତି ମାତ୍ର ୩ ଦିନ ମଧ୍ୟରେ କରାଯିବ।
ନୂଆ ବ୍ୟବସ୍ଥାରେ ସ୍ୱୟଂଚାଳିତ ପ୍ରକ୍ରିୟାକୁ ଅଧିକ ଗୁରୁତ୍ୱ ଦିଆଯାଇଛି। ଫଳରେ ମାନବୀୟ ହସ୍ତକ୍ଷେପ କମିବ ଏବଂ ପିଏଫ୍ ଦାବିର ଶୀଘ୍ର ସମାଧାନ ହେବ। ସମସ୍ତ କେୱାଇସି ତଥ୍ୟ ସଠିକ୍ ଓ ସମ୍ପୂର୍ଣ୍ଣ ଥିଲେ ଆବେଦନକୁ ୩ ଦିନ ମଧ୍ୟରେ ମଞ୍ଜୁର କରାଯିବ। ତେବେ ଅତିରିକ୍ତ ଯାଞ୍ଚ ଆବଶ୍ୟକ ହେଲେ ସମୟ ଅଧିକ ଲାଗିପାରେ।
ଦାବି ନିଷ୍ପତ୍ତିରେ ଅନାବଶ୍ୟକ ବିଳମ୍ବ ହେଲେ ସମ୍ପୃକ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ସହ ୨୦ ଦିନରୁ ଅଧିକ ବିଳମ୍ବ ହେଲେ ୧୨ ପ୍ରତିଶତ ସୁଧ ଦେବାକୁ ପଡ଼ିପାରେ। ଏହା ଦ୍ୱାରା ଦାବି ନିଷ୍ପତ୍ତିରେ ସ୍ୱଚ୍ଛତା ଓ ଦାୟିତ୍ୱବୋଧ ବୃଦ୍ଧି ପାଇବ ବୋଲି ଆଶା କରାଯାଉଛି।
ଇପିଏଫ୍ଓ ପୂର୍ବରୁ ସ୍ୱୟଂଚାଳିତ ଦାବି ନିଷ୍ପତ୍ତିର ସୀମା ୧ ଲକ୍ଷ ଟଙ୍କାରୁ ବଢ଼ାଇ ୫ ଲକ୍ଷ ଟଙ୍କା କରିଥିଲା। ଏହା ଫଳରେ ଅଧିକ ସଂଖ୍ୟକ ଅଗ୍ରୀମ ପିଏଫ୍ ଦାବି ମାନବୀୟ ଯାଞ୍ଚ ବିନା ଶୀଘ୍ର ମଞ୍ଜୁର ହୋଇପାରିବ।
ଏହି ସୁବିଧାର ଲାଭ ପାଇବା ପାଇଁ ସଦସ୍ୟମାନେ ନିଜର ୟୁଏଏନ୍ ସକ୍ରିୟ ରଖିବା ସହ ଆଧାର ସଂଯୋଗ, ବ୍ୟାଙ୍କ ଖାତା ତଥ୍ୟ, ପ୍ୟାନ୍ ଏବଂ କେୱାଇସି ସମ୍ପୂର୍ଣ୍ଣ କରିବା ଆବଶ୍ୟକ। ମୋବାଇଲ୍ ନମ୍ବର ମଧ୍ୟ ସକ୍ରିୟ ରହିବା ଦରକାର, ଯାହା ମାଧ୍ୟମରେ ଓଟିପି ଯାଞ୍ଚ ସହଜରେ ହୋଇପାରିବ।
ଚିକିତ୍ସା, ଉଚ୍ଚଶିକ୍ଷା, ବିବାହ, ଘର ନିର୍ମାଣ କିମ୍ବା କ୍ରୟ ଏବଂ ବେକାର ସମୟରେ ପିଏଫ୍ ଟଙ୍କା ଆବଶ୍ୟକ ହେଲେ ଏହି ନୂଆ ବ୍ୟବସ୍ଥା ଅନୁସାରେ ଅଧିକ ଶୀଘ୍ର ଟଙ୍କା ମିଳିପାରିବ।
ଇପିଏଫ୍ଓ ସ୍ପଷ୍ଟ କରିଛି ଯେ, କର୍ମଚାରୀ ଓ ନିଯୁକ୍ତିଦାତାଙ୍କ ପକ୍ଷରୁ ମୂଳ ବେତନର ୧୨ ପ୍ରତିଶତ ଲେଖାଏଁ ଅବଦାନ ପୂର୍ବପରି ଜାରି ରହିବ।
ଏହି ପରିବର୍ତ୍ତନ ଇପିଏଫ୍ଓ ୩.୦ ଡିଜିଟାଲ୍ ସଂସ୍କାର କାର୍ଯ୍ୟକ୍ରମର ଏକ ଅଂଶ। ଭବିଷ୍ୟତରେ ୟୁପିଆଇ ଓ ଏଟିଏମ୍ ମାଧ୍ୟମରେ ମଧ୍ୟ ପିଏଫ୍ ଟଙ୍କା ଉଠାଣ ସୁବିଧା ଆରମ୍ଭ କରିବାକୁ ସଂସ୍ଥା ଯୋଜନା କରୁଛି।
ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦୁଇ ଦିନିଆ ଗସ୍ତର...
ବଙ୍ଗୋପସାଗରରେ ସକ୍ରିୟ ବାତ୍ୟା ‘ମୁରାସୁ’ ଆନ...
ନୂଆଦିଲ୍ଲୀ: ଦିଲ୍ଲୀର ରାମଲୀଳା ମୈଦାନରେ ନଭେମ୍ବର ୧ରେ ଆୟୋ...
ସମ୍ଭାବ୍ୟ ବାତ୍ୟା ‘ମୁରାସୁ’ ଏବଂ ଏହାର ପ୍ରଭ...
ବିଦେଶ ଯାତ୍ରାକୁ ଅଧିକ ସହଜ ଓ ଦ୍ରୁତ କରିବା ଲକ୍ଷ୍ୟରେ ଭାର...
ନୂଆଦିଲ୍ଲୀ/ଚେନ୍ନାଇ: ଭାରତରେ ଇଲେକ୍ଟ୍ରିକ୍ ଯାନ ବଜାର ଦ୍ର...
ବଡ଼ଗାମ/ଶ୍ରୀନଗର: ଜମ୍ମୁ-କଶ୍ମୀରର ରାଜନୀତିରେ ନୂଆ ମୋଡ଼ ଆ...
ବାତ୍ୟା ‘ଅର୍ଣ୍ଣବ’ ଓ ଏହା ପରେ ହୋଇଥିବା ପ୍ର...
