ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍ରେ ଧିମା ଓଭର ହାର ପାଇଁ ଇଂଲଣ୍ଡ କ୍ରିକେଟ ଦଳକୁ ଆଇସିସି ପକ୍ଷରୁ କଠୋର ଦଣ୍ଡ ମିଳିଛି। ଏହି ଉଲ୍ଲଂଘନ ପାଇଁ ଦଳର ୧୨ଟି ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ପଏଣ୍ଟ କାଟି ଦିଆଯାଇଥିବା ବେଳେ ଖେଳାଳିମାନଙ୍କ ୫୦ ପ୍ରତିଶତ ମ୍ୟାଚ୍ ଫି ମଧ୍ୟ ଜବତ କରାଯାଇଛି।
ଆଇସିସି ପକ୍ଷରୁ ଜାରି ବିବୃତି ଅନୁସାରେ, ଇଂଲଣ୍ଡ ନିର୍ଦ୍ଧାରିତ ସମୟ ମଧ୍ୟରେ ବୋଲିଂ କୋଟା ପୂରଣ କରିପାରି ନଥିଲା। ଦଳ ଧାର୍ଯ୍ୟ ସମୟ ତୁଳନାରେ ୧୨ ଓଭର ପଛୁଆ ରହିଥିଲା। ଏହା ଆଇସିସି ଆଚରଣବିଧିର ଧାରା ୨.୨୨ ଅନୁଯାୟୀ ଅପରାଧ ଭାବେ ଗଣାଯାଇଥିବାରୁ ଏହି ଦଣ୍ଡ ଲାଗୁ କରାଯାଇଛି।
ଏହି ପଏଣ୍ଟ କଟକଣା ପରେ ଇଂଲଣ୍ଡର ମୋଟ ଡବ୍ଲୁଟିସି ପଏଣ୍ଟ ୩୮କୁ ଖସି ଆସିଛି। ସେହିପରି ଦଳର ପଏଣ୍ଟ ପ୍ରତିଶତ (PCT) ୩୪.୭୨ରୁ କମି ୨୬.୩୮କୁ ଆସିଛି। ଏହା ଫଳରେ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ରେ ପହଞ୍ଚିବା ପାଇଁ ଇଂଲଣ୍ଡର ରାସ୍ତା ଅଧିକ କଠିନ ହୋଇପଡ଼ିଛି।
ଉଲ୍ଲେଖଯୋଗ୍ୟ ଯେ, ଏହି ଟେଷ୍ଟ ମ୍ୟାଚ୍ରେ ନ୍ୟୁଜିଲାଣ୍ଡ ଚମତ୍କାର ପ୍ରଦର୍ଶନ କରି ୨୫୩ ରନ୍ର ବିଶାଳ ବ୍ୟବଧାନରେ ଇଂଲଣ୍ଡକୁ ପରାସ୍ତ କରିଥିଲା। ମ୍ୟାଚ୍ ପରାଜୟ ସହ ଏବେ ପଏଣ୍ଟ କଟକଣା ଇଂଲଣ୍ଡ ପାଇଁ ଦୁଇଗୁଣା ଝଟକା ସାବ୍ୟସ୍ତ ହୋଇଛି।
କାଠଯୋଡ଼ି ନଦୀପଠାରେ ଅଭିଯୁକ୍ତଙ୍କୁ ନେଇ ତଦନ୍ତ ...
ଭୁବନେଶ୍ୱର: କୋଟିଆକୁ ନେଇ ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟର...
ରାଜଧାନୀରେ ପୁଲିସର ସୁରକ୍ଷା ବ୍ୟବସ୍ଥାକୁ ନେଇ ଏକ ଗମ୍ଭୀର...
ଆନ୍ଧ୍ରରେ NDAର ଦମ୍‌ଦାର ପ୍ରଦର୍ଶନ ଆନ୍ଧ୍ରପ୍ରଦେ...
ଆମେରିକାର ରାଜନୀତିରେ ଡୋନାଲ୍ଡ ଟ୍ରମ୍ପଙ୍କ ପାଇଁ ମଧ୍ୟବର୍ତ...
ଆମେରିକାର ମଧ୍ୟାବଧି ନିର୍ବାଚନରେ ଡେମୋକ୍ରାଟିକ୍ ପାର୍ଟିର...
କେନ୍ଦ୍ରାପଡ଼ା: ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ମାର୍ଶାଘା...
ଭୁବନେଶ୍ୱର: ଆର୍ଥିକ ଠକେଇ ମାମଲାରେ ED ଚଢ଼ାଉ ଚାଲିଥିବା ବ...
