ମୁମ୍ବାଇ:ବଲିଉଡ୍ର ଲୋକପ୍ରିୟ ଅଭିନେତା ଇମ୍ରାନ ହାଶମୀ ଏବେ ତାଙ୍କ ଆଗାମୀ ଫିଲ୍ମଗୁଡ଼ିକୁ ନେଇ ଚର୍ଚ୍ଚାରେ। ଦୀର୍ଘ ସମୟ ପରେ ତାଙ୍କ ଫ୍ୟାନ୍ସଙ୍କ ପାଇଁ ଏକାଧିକ ଭିନ୍ନ ଜୋନର ଫିଲ୍ମ ଆସୁଛି।

‘ଆୱାରାପନ୍ ୨’

ସବୁଠାରୁ ଅଧିକ ଚର୍ଚ୍ଚାରେ ରହିଛି ୨୦୦୭ର କଲ୍ଟ ଫିଲ୍ମ ‘ଆୱାରାପନ୍’ର ସିକ୍ୱେଲ୍ ‘ଆୱାରାପନ୍ ୨’। ଇମ୍ରାନ ହାଶମୀ ପୁଣିଥରେଶିବମ୍ ପଣ୍ଡିତଭୂମିକାରେ ଫେରିଛନ୍ତି। ଫିଲ୍ମରେ ତାଙ୍କ ସହ ଦିଶା ପାଟନୀ ଓ ଶବାନା ଆଜମୀ ମଧ୍ୟ ଅଛନ୍ତି। ନିତିନ କକ୍କର ନିର୍ଦ୍ଦେଶିତ ଏହି ଫିଲ୍ମ୧୪ ଅଗଷ୍ଟ ୨୦୨୬ରେ ରିଲିଜ୍ ହେବ।

ଅଗଷ୍ଟ ୬ରେ ଟ୍ରେଲର ରିଲିଜ୍ ପରେ ଇମ୍ରାନଙ୍କ ସ୍କ୍ରିନ୍ ପ୍ରେଜେନ୍ସକୁ ନେଇ ସୋସିଆଲ ମିଡିଆରେ ପ୍ରଶଂସା ମିଳୁଛି।

‘G2’

ଇମ୍ରାନ ହାଶମୀ ତେଲୁଗୁ ସ୍ପାଇ ଥ୍ରିଲର୍ ‘ଗୁଡାଚାରୀ’ର ସିକ୍ୱେଲ୍ ‘G2’ରେ ମଧ୍ୟ ନଜର ଆସିବେ। ଏଥିରେ ଆକ୍ସନ୍, ସସ୍ପେନ୍ସ ଓ ଜାସୁସୀ କାହାଣୀର ମିଶ୍ରଣ ରହିବ। ଅଦିଭି ଶେଷ ମଧ୍ୟ ଫିଲ୍ମର ମୁଖ୍ୟ ଅଂଶ।

‘ଗନମାଷ୍ଟର G9’

ଆକ୍ସନ୍ ଓ କମେଡିର ମିଶ୍ରଣ ଥିବା ‘ଗନମାଷ୍ଟର G9’ ମଧ୍ୟ ଇମ୍ରାନଙ୍କ ଆଗାମୀ ପ୍ରୋଜେକ୍ଟ ମଧ୍ୟରେ ରହିଛି। ଏଥିରେ ଜେନେଲିଆ ଦେଶମୁଖ ଓ ଅପାରଶକ୍ତି ଖୁରାନାଙ୍କ ସହ ଇମ୍ରାନଙ୍କୁ ଦେଖିବାକୁ ମିଳିବ।

‘ରୁହ୍’

ହରର୍ ଜୋନରେ ମଧ୍ୟ ଇମ୍ରାନ ପୁଣିଥରେ ଫେରୁଛନ୍ତି। ‘ରୁହ୍’ ଏକ ମ୍ୟୁଜିକାଲ୍ ହରର୍ ପ୍ରୋଜେକ୍ଟ ଭାବେ ଚର୍ଚ୍ଚାରେ ରହିଛି ଏବଂ ୨୦୨୭ରେ ରିଲିଜ୍ ହେବା ନେଇ ଖବର ରହିଛି।

ଏହି ଚାରିଟି ପ୍ରୋଜେକ୍ଟ ମାଧ୍ୟମରେ ଇମ୍ରାନ ହାଶମୀ ଆକ୍ସନ୍, ରୋମାନ୍ସ, ସ୍ପାଇ ଥ୍ରିଲର୍ ଓ ହରର୍—ବିଭିନ୍ନ ଜୋନରେ ଦର୍ଶକଙ୍କୁ ମନୋରଞ୍ଜନ ଦେବାକୁ ପ୍ରସ୍ତୁତ।