ଅଜୟ ଦେବଗନ ନିଶ୍ଚିତ କରିଛନ୍ତି ଯେ‘Drishyam 3’ ଏହି ଲୋକପ୍ରିୟ ଫ୍ରାଞ୍ଚାଇଜର ଶେଷ ଅଧ୍ୟାୟ ହେବ।କାହାଣୀକୁ ଅନାବଶ୍ୟକ ଭାବେ ଆଗକୁ ବଢ଼ାଇବା ବଦଳରେ ଏକ ଦମଦାର ଶେଷ ସହ ଫ୍ରାଞ୍ଚାଇଜକୁ ବିଦାୟ ଦେବାକୁ ଟିମ୍ ଚାହୁଁଛି।

ଫିଲ୍ମର ଟ୍ରେଲର ଲଞ୍ଚ ସମୟରେ ଅଜୟ କହିଥିଲେ ଯେ ‘Drishyam 2’ ପରେ କାହାଣୀକୁ ଆଗକୁ ନେବା ସହଜ ନଥିଲା। ଦର୍ଶକଙ୍କ ଆଶା, ରହସ୍ୟ ଓ ଟ୍ୱିଷ୍ଟକୁ ବଜାୟ ରଖି ଏକ ନୂଆ କାହାଣୀ ତିଆରି କରିବା ବଡ଼ ଚ୍ୟାଲେଞ୍ଜ ଥିଲା।

ଅଜୟଙ୍କ ଅନୁସାରେ, ‘Drishyam 3’ର ଧାରଣା ନିର୍ଦ୍ଦେଶକ ଅଭିଷେକ ପାଠକଙ୍କଠାରୁ ଆସିଥିଲା। ପ୍ରାୟଅଢ଼େଇ ବର୍ଷଧରି ଲେଖକମାନଙ୍କ ସହ ମିଶି ସେ ସ୍କ୍ରିପ୍ଟ ଉପରେ କାମ କରିଥିଲେ। ଅଜୟଙ୍କ ମତରେ, ସ୍କ୍ରିପ୍ଟଟି ଏତେ ଶକ୍ତିଶାଳୀ ହୋଇଛି ଯେ ଏହା ଫ୍ରାଞ୍ଚାଇଜକୁ ଆଗକୁ ନେବା ସହ ଏକ ସ୍ୱାଭାବିକ ଶେଷ ମଧ୍ୟ ଦେଇପାରିବ।

ଅଜୟ କହିଛନ୍ତି ଯେ ‘Drishyam’ ପରେ ଅଭିଷେକ ପାଠକ ଜଣେ ଫିଲ୍ମମେକର ଭାବେ ଆହୁରି ପରିପକ୍ୱ ହୋଇଛନ୍ତି ଏବଂ ଲେଖାଠାରୁ ଆରମ୍ଭ କରି ଫିଲ୍ମର ଏକ୍ସିକ୍ୟୁସନ୍ ପର୍ଯ୍ୟନ୍ତ ସେ ଭଲ କାମ କରିଛନ୍ତି।

ମୋହନଲାଲଙ୍କୁ ଫିଲ୍ମ ଦେଖାଇବାକୁ ଚାହାନ୍ତି ଅଜୟ

‘Drishyam’ର ମୂଳ ମାଲାୟାଲମ୍ ଫ୍ରାଞ୍ଚାଇଜରେମୋହନଲାଲମୁଖ୍ୟ ଭୂମିକାରେ ଅଛନ୍ତି। ଅଜୟ କହିଛନ୍ତି ଯେ ହିନ୍ଦୀ ‘Drishyam 3’ର କାହାଣୀ ମୋହନଲାଲଙ୍କ ‘Drishyam 3’ଠାରୁ ସମ୍ପୂର୍ଣ୍ଣ ଭିନ୍ନ।

ସେ ମୋହନଲାଲ ଏବଂ ତାଙ୍କ ଟିମ୍କୁ ଫିଲ୍ମଟି ଦେଖାଇବାକୁ ବହୁତ ଇଚ୍ଛୁକ। ଅଜୟଙ୍କ କହିବା ଅନୁସାରେ, ସେ ଫିଲ୍ମଟି ତାଙ୍କୁ ଦେଖାଇବା ପାଇଁ ଅପେକ୍ଷା କରୁଛନ୍ତି।

ବିଜୟ ସାଲଗାଓଁକରଙ୍କ କାହାଣୀର ଶେଷ ଅଧ୍ୟାୟ

‘Drishyam’ ଫ୍ରାଞ୍ଚାଇଜର କାହାଣୀବିଜୟ ସାଲଗାଓଁକରଏବଂ ତାଙ୍କ ପରିବାରକୁ କେନ୍ଦ୍ର କରି ଗଢ଼ିଉଠିଛି। ପରିବାରକୁ ଏକ ଅପରାଧର ପରିଣାମରୁ ବଞ୍ଚାଇବା ପାଇଁ ବିଜୟଙ୍କ ଯୋଜନା ଓ ପୁଲିସଠାରୁ ନିଜକୁ ଗୋଟିଏ ପାଦ ଆଗରେ ରଖିବାର କାହାଣୀ ଦର୍ଶକଙ୍କୁ ଆକର୍ଷିତ କରିଆସିଛି।

‘Drishyam 3’ରେ ଏହି କାହାଣୀ ଏକ ନୂଆ ରହସ୍ୟ ସହ ଆଗକୁ ବଢ଼ିବ ଏବଂ ବିଜୟ ସାଲଗାଓଁକରଙ୍କ ଦୀର୍ଘ ଯାତ୍ରାର ଅନ୍ତିମ ଅଧ୍ୟାୟ ଦେଖିବାକୁ ମିଳିବ।