ଦିଲ୍ଲୀର ଜନ୍ତର-ମନ୍ତରରେ ସମ୍ପ୍ରତି ଆୟୋଜିତ ସିଜେପିର‘ଚଲୋ ସଂସଦ’ବିରୋଧ ପ୍ରଦର୍ଶନକୁ ନେଇ ରାଜନୈତିକ ଓ ଆଇନଗତ ଚର୍ଚ୍ଚା ତୀବ୍ର ହୋଇଛି। ଏହି ଘଟଣାକୁ ନେଇ ଦିଲ୍ଲୀ ହାଇକୋର୍ଟରେ ଦାଖଲ ହୋଇଥିବା ଏକ ଜନସ୍ୱାର୍ଥ ଆବେଦନ (PIL)ରେ ବିଦେଶୀ ପାଣ୍ଠି ଓ ବଡ଼ ଷଡଯନ୍ତ୍ର ସମ୍ପର୍କରେ ଗୁରୁତର ଅଭିଯୋଗ କରାଯାଇଛି।

ସୂଚନା ଅନୁଯାୟୀ, ନିଟ୍ ପ୍ରଶ୍ନପତ୍ର ଲିକ୍ ମାମଲାକୁ ନେଇ ଛାତ୍ରଛାତ୍ରୀମାନେ ଶାନ୍ତିପୂର୍ଣ୍ଣ ଭାବେ ‘ଚଲୋ ସଂସଦ’ ପଦଯାତ୍ରା କରୁଥିବା ବେଳେ ପୁଲିସ ସହ ସଂଘର୍ଷ ହୋଇଥିଲା। ଏଥିରେ ଅନେକ ଛାତ୍ରଛାତ୍ରୀ ଓ ପୁଲିସ କର୍ମଚାରୀ ଆହତ ହୋଇଥିବା ଅଭିଯୋଗ ହୋଇଛି।

ଜନସ୍ୱାର୍ଥ ଆବେଦନରେ ଦାବି କରାଯାଇଛି ଯେ, ଏହି ବିରୋଧ ପ୍ରଦର୍ଶନ ପଛରେ ବିଦେଶରୁ ପାଣ୍ଠି ପାଉଥିବା କିଛି ସଂଗଠନ ଏବଂ କିଛି ରାଜନୈତିକ ସ୍ୱାର୍ଥ ଜଡ଼ିତ ଥିଲା। ସେହିପରି ଏହି ଘଟଣାରେଏନ୍ଆଇଏ (NIA)ତଦନ୍ତ ଦାବି ମଧ୍ୟ କରାଯାଇଛି।

ଆବେଦନରେ ଆହୁରି ଅଭିଯୋଗ କରାଯାଇଛି ଯେ, ପଦଯାତ୍ରା ସମୟରେ ହିଂସାକାଣ୍ଡ ଘଟିଥିଲା, ସାଧାରଣ ଜନଜୀବନ ବାଧାପ୍ରାପ୍ତ ହୋଇଥିଲା, ସାମ୍ବାଦିକଙ୍କ ଉପରେ ଆକ୍ରମଣ ହୋଇଥିଲା ଏବଂ ସରକାରୀ ଓ ବେସରକାରୀ ସମ୍ପତ୍ତିର କ୍ଷତି ଘଟିଥିଲା। ଏଥିସହ ସଂସଦର ସୁରକ୍ଷା ବଳୟ ଭେଦ କରିବାକୁ ଚେଷ୍ଟା ଏବଂ ପୁଲିସ କର୍ମଚାରୀଙ୍କୁ ଆକ୍ରମଣ କରାଯାଇଥିବା କଥା ମଧ୍ୟ ଉଲ୍ଲେଖ କରାଯାଇଛି।

ଏହି ଜନସ୍ୱାର୍ଥ ଆବେଦନସତୀଶ କୁମାର ଅଗ୍ରୱାଲଙ୍କ ପକ୍ଷରୁ ଦାଖଲ କରାଯାଇଛି। ଦିଲ୍ଲୀ ହାଇକୋର୍ଟ ଜୁଲାଇ ୨୪ରେ ଏହି ମାମଲାର ଶୁଣାଣି କରିବେ।