କଟକ ସହରରେ ଏକ ବଡ଼ ଲୁଟ୍ ଘଟଣା ସାମ୍ନାକୁ ଆସିଛି। ଶନିବାର ରାତିରେ ତାଳଦଣ୍ଡା ରୋଡ୍ର ସମ୍ରାଟ ହଲ୍ ନିକଟରେ ଜଣେ ମହିଳାଙ୍କୁ ଆକ୍ରମଣ କରି ତାଙ୍କଠାରୁ୩୬ ଲକ୍ଷ ଟଙ୍କା ନଗଦଲୁଟି ନେଇଛନ୍ତି ଦୁଇ ଅଜଣା ଦୁର୍ବୃତ୍ତ।
ସୂଚନା ଅନୁଯାୟୀ, ପୀଡ଼ିତା କଟକ ହାଇକୋର୍ଟ ଛକ ନିକଟରେ ଏକ ଗହଣା ଦୋକାନର ମାଲିକା। ସୁନା କିଣିବା ଉଦ୍ଦେଶ୍ୟରେ ସେ କୋଲକାତା ଯିବାକୁ ଯୋଜନା କରିଥିଲେ। ଏଥିପାଇଁ ସେ ୩୬ ଲକ୍ଷ ଟଙ୍କା ନଗଦ ନେଇ ନିଜ ଭାଇଙ୍କ ସହ ଓଏମ୍ପି ଛକ ଅଭିମୁଖେ ଯାଉଥିଲେ, ଯେଉଁଠାରୁ ସେମାନେ କୋଲକାତା ଯିବାକୁ ଥିଲେ।
ତାଳଦଣ୍ଡା ରୋଡ୍ର ସମ୍ରାଟ ହଲ୍ ନିକଟରେ ପହଞ୍ଚିବା ପରେ ଦୁଇ ଜଣ ଅଜଣା ଦୁର୍ବୃତ୍ତ ସେମାନଙ୍କୁ ଅଟକାଇ ଆକ୍ରମଣ କରିଥିଲେ। ପରେ ସେମାନଙ୍କ ପାଖରେ ଥିବା ନଗଦ ଟଙ୍କା ଭର୍ତ୍ତି ବ୍ୟାଗ୍ଟି ଛଡ଼ାଇ ନେଇ ମୁହୂର୍ତ୍ତକ ମଧ୍ୟରେ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ଘଟଣାର ସୂଚନା ପାଇବା ପରେ ମଧୁପାଟଣା ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଲୁଟେରାଙ୍କ ପରିଚୟ ଜାଣିବା ସହ ଘଟଣାର ସମସ୍ତ ଦିଗକୁ ନେଇ ତଦନ୍ତ କରାଯାଉଛି।
ପୋଲିସ ଏହି ସମ୍ଭାବନାକୁ ମଧ୍ୟ ଖତିଆନ କରୁଛି ଯେ, ଦୁର୍ବୃତ୍ତମାନଙ୍କ ପାଖରେ ପୂର୍ବରୁ ମହିଳାଙ୍କ ଯାତ୍ରା ଯୋଜନା ଏବଂ ତାଙ୍କ ପାଖରେ ଏତେ ପରିମାଣର ନଗଦ ଥିବା ସମ୍ପର୍କରେ ସୂଚନା ଥିଲା କି ନାହିଁ। ଆବଶ୍ୟକ ସିସିଟିଭି ଫୁଟେଜ୍ ଯାଞ୍ଚ ସହ ବିଭିନ୍ନ ଦିଗରୁ ତଦନ୍ତ ଜାରି ରହିଛି।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ନୂଆଦିଲ୍ଲୀ:ଭାରତର ଏୟାରପୋର୍ଟ ଓ ବିମାନ ଭିତ୍ତିଭୂମି କ୍ଷେତ...
ନୂଆଦିଲ୍ଲୀ:Air Indiaରେ ଆହୁରି ପୁଞ୍ଜି ନିବେଶ କରିବା ପୂର...
ନୂଆଦିଲ୍ଲୀ:ବିମାନ ଯାତ୍ରୀଙ୍କ ପାଇଁ ଆସିଛି ଚିନ୍ତାଜନକ ଖବର...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ନୂଆଦିଲ୍ଲୀ:କ୍ୟାରିୟରର ପ୍ରଥମ ପାହାଚ ଜୀବନର ଶେଷ ଗନ୍ତବ୍ୟ...
