ଓଡ଼ିଶାର ମୁଖ୍ୟମନ୍ତ୍ରୀମୋହନ ଚରଣ ମାଝୀଗୁରୁବାର ନୂଆଦିଲ୍ଲୀରେ ବିଜେପିର ଜାତୀୟ ଅଧ୍ୟକ୍ଷନିତିନ ନବୀନଙ୍କୁସାକ୍ଷାତ କରିଛନ୍ତି। ଉଭୟ ନେତା ରାଜ୍ୟର ବିକାଶ, ସାଂଗଠନିକ ସୁଦୃଢ଼ୀକରଣ ଓ ଆଗାମୀ ରାଜନୈତିକ କାର୍ଯ୍ୟଯୋଜନା ସମ୍ପର୍କରେ ବିସ୍ତୃତ ଆଲୋଚନା କରିଥିବା ସୂଚନା ମିଳିଛି।

ମୁଖ୍ୟମନ୍ତ୍ରୀ ଏହି ବୈଠକର ଫଟୋ ସୋସିଆଲ ମିଡିଆ ପ୍ଲାଟଫର୍ମ'X'ରେ ଶେୟାର କରିଥିଲେ। ସୂଚନା ଅନୁଯାୟୀ, ବୈଠକରେ ପ୍ରଧାନମନ୍ତ୍ରୀନରେନ୍ଦ୍ର ମୋଦୀଙ୍କ‘ସମୃଦ୍ଧ ଓଡ଼ିଶା’ଓ‘ବିକଶିତ ଭାରତ’ଲକ୍ଷ୍ୟକୁ ସାକାର କରିବା ପାଇଁ ଆବଶ୍ୟକ ରଣନୀତି ଉପରେ ଆଲୋଚନା ହୋଇଥିଲା।

ତେବେ ଏହି ବୈଠକ ପରେ ଓଡ଼ିଶା ମନ୍ତ୍ରିମଣ୍ଡଳ ସମ୍ପ୍ରସାରଣକୁ ନେଇ ରାଜନୈତିକ ମହଲରେ ଚର୍ଚ୍ଚା ବଢ଼ିଛି। ବର୍ତ୍ତମାନ ରାଜ୍ୟ ମନ୍ତ୍ରିମଣ୍ଡଳର୬ଟି ମନ୍ତ୍ରୀ ପଦ ଖାଲିରହିଛି। ଏହି ପଦଗୁଡ଼ିକ ପୂରଣକୁ ନେଇ ଦିଲ୍ଲୀରେ ଲଗାତାର ଉଚ୍ଚସ୍ତରୀୟ ଆଲୋଚନା ଚାଲିଥିବା ଚର୍ଚ୍ଚା ହେଉଛି।

ମୁଖ୍ୟମନ୍ତ୍ରୀଙ୍କ ଏକ ଦିନିଆ ଦିଲ୍ଲୀ ଗସ୍ତ ଏବଂ ପରଦିନ ସକାଳେ ଓଡ଼ିଶା ଫେରି ଆସିବା ମଧ୍ୟ ଏହି ଚର୍ଚ୍ଚାକୁ ଆହୁରି ଜୋରଦାର କରିଛି। କିଛି ରାଜନୈତିକ ପର୍ଯ୍ୟବେକ୍ଷକଙ୍କ ମତରେ ଖାଲି ମନ୍ତ୍ରୀ ପଦ ପାଇଁ ନାମ ଚୂଡ଼ାନ୍ତ କରିବା ଉଦ୍ଦେଶ୍ୟରେ ଏହି ଗସ୍ତ ହୋଇଥାଇପାରେ।

ତେବେମୁଖ୍ୟମନ୍ତ୍ରୀ ମୋହନ ଚରଣ ମାଝୀକିମ୍ବାବିଜେପି ଜାତୀୟ ଅଧ୍ୟକ୍ଷ ନିତିନ ନବୀନଙ୍କ ପକ୍ଷରୁ ମନ୍ତ୍ରିମଣ୍ଡଳ ସମ୍ପ୍ରସାରଣ ସମ୍ପର୍କରେ କୌଣସି ସରକାରୀ ଘୋଷଣା କରାଯାଇନାହିଁ। ତେଣୁ ଏହାକୁ ନେଇ ଚାଲିଥିବା ସମସ୍ତ ଆଲୋଚନା ଏପର୍ଯ୍ୟନ୍ତ କେବଳ ରାଜନୈତିକ କଳ୍ପନା ଓ ଚର୍ଚ୍ଚା ମଧ୍ୟରେ ସୀମିତ ରହିଛି।