ପରୀକ୍ଷା ପ୍ରଶ୍ନପତ୍ର ଲିକ୍ ବିରୋଧୀ ଆନ୍ଦୋଳନ ମାଧ୍ୟମରେ ଜାତୀୟ ସ୍ତରରେ ଚର୍ଚ୍ଚାକୁ ଆସିଥିବାକକରୋଚ୍ ଜନତା ପାର୍ଟି (CJP)ଏବେ ସମଗ୍ର ଦେଶରେ ନିଜର ସଂଗଠନ ବିସ୍ତାର କରିବାକୁ ପ୍ରସ୍ତୁତ ହୋଇଛି। ମହାରାଷ୍ଟ୍ରର ଛତ୍ରପତି ସମ୍ଭାଜୀନଗରରେ ସଂଗଠନର ପ୍ରତିଷ୍ଠାତାଅଭିଜିତ ଦିପକେଙ୍କ ବାସଭବନରେ ପ୍ରାୟ ୭ ଘଣ୍ଟା ଧରି ଏକ ରଣନୀତିକ ବୈଠକ ଅନୁଷ୍ଠିତ ହୋଇଥିଲା।

ଏହି ବୈଠକରେ ଦେଶବ୍ୟାପୀ ଛାତ୍ର ସଂଗଠନ ସହ ସମନ୍ୱୟ ସ୍ଥାପନ, ବିଭିନ୍ନ ରାଜ୍ୟରେ ପରୀକ୍ଷା ସମ୍ପର୍କିତ ଆନ୍ଦୋଳନକୁ ସମର୍ଥନ ଓ ଜାତୀୟ ନେଟୱର୍କ ଗଠନ ଉପରେ ଆଲୋଚନା କରାଯାଇଥିଲା।

ସଂଗଠନ ପକ୍ଷରୁ ସ୍ପଷ୍ଟ କରାଯାଇଛି ଯେ, ସେମାନେ କୌଣସି ରାଜନୈତିକ ଦଳ ଗଠନ କରିବେ ନାହିଁ। ବରଂ ଛାତ୍ର ଓ ଶିକ୍ଷା ସମ୍ପର୍କିତ ପ୍ରସଙ୍ଗରେ ଏକପ୍ରେସର ଗ୍ରୁପ୍ଭାବେ କାର୍ଯ୍ୟ କରିବେ।

ଅଭିଜିତ ଦିପକେ କହିଛନ୍ତି, ଦେଶର ଯେଉଁଠି ଛାତ୍ରମାନେ ନିଜ ଅଧିକାର ପାଇଁ ଆନ୍ଦୋଳନ କରୁଛନ୍ତି, ସେଠାରେ ସିଜେପି ସେମାନଙ୍କ ସହ ରହିବ। ଝାରଖଣ୍ଡ, ଛତିଶଗଡ଼ ସହ ଅନ୍ୟ ରାଜ୍ୟରେ ମଧ୍ୟ ସଂଗଠନର କାର୍ଯ୍ୟକଳାପ ବଢ଼ାଯିବ।

ବୈଠକରେ ପରୀକ୍ଷା ବ୍ୟବସ୍ଥାରେ ସ୍ୱଚ୍ଛତା, ଶିକ୍ଷା ସଂସ୍କାର, ଛାତ୍ର କଲ୍ୟାଣ, ଜବାବଦେହିତା ଓ ଶିକ୍ଷା ପ୍ରଣାଳୀର ସୁଧାରକୁ ସଂଗଠନର ମୁଖ୍ୟ ଲକ୍ଷ୍ୟ କରାଯାଇଛି।

ସଂଗଠନ ମହାତ୍ମା ଗାନ୍ଧୀ ଓ ଡଃ ବି.ଆର୍. ଆମ୍ବେଦକରଙ୍କ ଆଦର୍ଶକୁ ଅନୁସରଣ କରି ଅହିଂସା ଓ ଗଣତାନ୍ତ୍ରିକ ଉପାୟରେ ଆନ୍ଦୋଳନ ଜାରି ରଖିବ ବୋଲି ନେତୃତ୍ୱ ସୂଚନା ଦେଇଛି।