ନୂଆଦିଲ୍ଲୀ: ନ୍ୟାୟିକ ହେପାଜତରୁ ମୁକ୍ତି ପାଇବାର ଦିନକ ପରେ କକ୍ରୋଚ୍ ଜନତା ପାର୍ଟି (CJP) ନେତା ସୌରଭ ଦାସ ଓ ଆଶୁତୋଷ ରଙ୍କାଙ୍କୁ ଦିଲ୍ଲୀ ପୁଲିସର କ୍ରାଇମ୍ ବ୍ରାଞ୍ଚ ସମନ କରିଛି। ଗୁରୁବାର ରାଜୌରୀ ଗାର୍ଡେନ୍ ସ୍ଥିତ କ୍ରାଇମ୍ ବ୍ରାଞ୍ଚ କାର୍ଯ୍ୟାଳୟରେ ଉଭୟଙ୍କୁ ହାଜର ହେବାକୁ କୁହାଯାଇଛି।
ଏହାର ଠିକ୍ ଗୋଟିଏ ଦିନ ପୂର୍ବରୁ ଏକ Special Executive Magistrate (SEM) କୋର୍ଟ ଉଭୟଙ୍କ ବ୍ୟକ୍ତିଗତ ଓ ଜାମିନଦାର ବଣ୍ଡ ଗ୍ରହଣ କରିବା ସହ ଶାନ୍ତି ବଜାୟ ରଖିବା ଓ ଆଇନ ପାଳନ କରିବା ନେଇ ସେମାନଙ୍କ ଲିଖିତ ପ୍ରତିଶ୍ରୁତି ରେକର୍ଡ କରିଥିଲେ। ଏହାପରେ ଉଭୟଙ୍କୁ ନ୍ୟାୟିକ ହେପାଜତରୁ ମୁକ୍ତ କରାଯାଇଥିଲା।
SEM ଋତୁ ରାଜ୍ ଉଭୟ ନେତାଙ୍କୁ ₹୫୦,୦୦୦ ଲେଖାଏଁ ବ୍ୟକ୍ତିଗତ ଓ ଜାମିନଦାର ବଣ୍ଡ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ। ତଦନ୍ତ ଶେଷ ହେବା ପର୍ଯ୍ୟନ୍ତ ଏହି ବଣ୍ଡ ବଳବତ୍ତର ରହିବ।
ଏହା ସହ ଉଭୟଙ୍କୁ ପ୍ରତ୍ୟେକ ଶୁଣାଣି ତାରିଖରେ ହାଜର ହେବା ଏବଂ ବଣ୍ଡ ଓ ଲିଖିତ ପ୍ରତିଶ୍ରୁତିରେ ଥିବା ସର୍ତ୍ତଗୁଡ଼ିକ ପାଳନ କରିବାକୁ କୁହାଯାଇଛି।
ନିଜ ଲିଖିତ ପ୍ରତିଶ୍ରୁତିରେ ସୌରଭ ଦାସ ଓ ଆଶୁତୋଷ ରଙ୍କା ଶାନ୍ତି ଭଙ୍ଗ କିମ୍ବା ସାର୍ବଜନୀନ ଶାନ୍ତି ବିଘ୍ନିତ ନକରିବାକୁ କହିଛନ୍ତି।
ଏଥିସହ ଆଇନ ଅନୁଯାୟୀ ଜନ୍ତର ମନ୍ତରକୁ ପ୍ରତିବାଦ ସ୍ଥଳ ଭାବେ ଡିନୋଟିଫାଏ କରାଯିବା ପର୍ଯ୍ୟନ୍ତ ସେଠାରେ ପ୍ରତିବାଦ ପାଇଁ ଆହ୍ୱାନ ନକରିବାକୁ ସେମାନେ ପ୍ରତିଶ୍ରୁତି ଦେଇଛନ୍ତି। ଭବିଷ୍ୟତରେ କୌଣସି ପ୍ରତିବାଦ କରାଗଲେ ତାହା ସାମ୍ବିଧାନିକ ଢାଞ୍ଚା ମଧ୍ୟରେ ରହି କରାଯିବ ବୋଲି ମଧ୍ୟ କହିଛନ୍ତି।
ଏହା ପୂର୍ବରୁ ଦିଲ୍ଲୀ ପୁଲିସ ଉଭୟ ନେତାଙ୍କ ନ୍ୟାୟିକ ହେପାଜତକୁ ଆଉ ତିନି ଦିନ ବଢ଼ାଇବାକୁ ଅନୁରୋଧ କରିଥିଲା। ପୁଲିସ ପକ୍ଷରୁ ସମ୍ଭାବ୍ୟ ଶାନ୍ତିଭଙ୍ଗ ଏବଂ ଆଇନଶୃଙ୍ଖଳା ସମସ୍ୟାକୁ ନେଇ ଚିନ୍ତା ପ୍ରକାଶ କରାଯାଇଥିଲା।
ପୁଲିସ ଉଭୟଙ୍କ ବୟାନ ମଧ୍ୟରେ କଥିତ ପାର୍ଥକ୍ୟ ଥିବା ନେଇ ମଧ୍ୟ ଯୁକ୍ତି ଦେଇଥିଲା। ତେବେ SEM କୋର୍ଟ ବ୍ୟକ୍ତିଗତ ଓ ଜାମିନଦାର ବଣ୍ଡ ଏବଂ ଲିଖିତ ପ୍ରତିଶ୍ରୁତି ରେକର୍ଡ କରିବା ପରେ ଉଭୟଙ୍କୁ ମୁକ୍ତ କରିଥିଲେ।
ଏବେ ମୁକ୍ତିର ଦିନକ ପରେ କ୍ରାଇମ୍ ବ୍ରାଞ୍ଚର ସମନ ମିଳିଥିବାରୁ ଏହି ମାମଲାରେ ଆଗାମୀ ତଦନ୍ତ ଓ ଆଇନଗତ ପ୍ରକ୍ରିୟା ଉପରେ ନଜର ରହିଛି।
ପୁରୁଷଙ୍କୁ କାହିଁକି ହୋଇପାରେ ବ୍ରେଷ୍ଟ କ୍ୟାନସର? ପୁରୁ...
ଦିଲ୍ଲୀରେ ଶୀତ ଆସିବା ପୂର୍ବରୁ ହିଁ ବାୟୁ ପ୍ରଦୂଷଣକୁ ନେଇ...
ଶୁକ୍ର ବକ୍ରୀକୁ ନେଇ କ’ଣ କୁହୁଛି ଜ୍ୟୋତିଷ? ଜ୍ୟ...
କାହିଁକି ୪୦ ପରେ ହାଡ଼ ପାଇଁ ଅଧିକ ସତର୍କତା? ହାଡ଼ ଏକ...
ଭାରତ ପାଇଁ କାହିଁକି ଗୁରୁତ୍ୱପୂର୍ଣ୍ଣ? ଏହି ତଥ୍ୟ ଭାରତ...
ମୁମ୍ବାଇର ଧୀରୁଭାଇ ଅମ୍ବାନୀ ଇଣ୍ଟରନ୍ୟାସନାଲ୍‌ ସ୍କୁ...
କ୍ୟାନସର ଔଷଧର ଅଧିକ ଟ୍ରେଡ୍ ମାର୍ଜିନ୍କୁ ନିୟନ୍ତ୍ରଣ କରିବ...
ପୁଅର ଡାକ୍ତର ହେବା ସ୍ୱପ୍ନ ପାଇଁ ବଡ଼ ତ୍ୟାଗ ଆର୍ଥିକ ଅ...
