ହଲିଉଡ୍‌ର ଲୋକପ୍ରିୟ ଅଭିନେତା କ୍ରିସ୍ ହେମ୍ସୱର୍ଥ ତାଙ୍କ ୧୪ ବର୍ଷୀୟ ଝିଅ ଇଣ୍ଡିଆ ରୋଜ୍‌ଙ୍କ ଏକ ବିଶେଷ ସଫଳତାକୁ ନେଇ ଗର୍ବ ପ୍ରକାଶ କରିଛନ୍ତି। ଇଣ୍ଡିଆ ଏକ All-Boys Bull Riding Competitionରେ ଅଂଶଗ୍ରହଣ କରି ବିଜୟୀ ହୋଇଛନ୍ତି। ଏହି ପ୍ରତିଯୋଗିତାରେ ସେ ଏକମାତ୍ର ଝିଅ ପ୍ରତିଯୋଗୀ ଥିଲେ। 

କ୍ରିସ୍ ହେମ୍ସୱର୍ଥ ଇନ୍‌ଷ୍ଟାଗ୍ରାମ୍‌ରେ ଇଣ୍ଡିଆଙ୍କ Bull Ridingର ଭିଡିଓ ଶେୟାର କରିଛନ୍ତି। ଭିଡିଓରେ ଇଣ୍ଡିଆଙ୍କୁ ଏକ ଦୌଡ଼ୁଥିବା ବୁଲ୍‌ ଉପରେ ଧରି ରହି ପ୍ରତିଯୋଗିତା କରୁଥିବା ଦେଖାଯାଇଛି। ଅନ୍ୟ ଏକ ଭିଡିଓରେ ବିଜୟ ପରେ କ୍ରିସ୍ ତାଙ୍କ ଝିଅକୁ ଆଲିଙ୍ଗନ କରି ଅଭିନନ୍ଦନ ଜଣାଇଛନ୍ତି। ସେ ଇଣ୍ଡିଆଙ୍କୁ “champion bull rider” ବୋଲି ମଧ୍ୟ କହିଥିଲେ। 

ପ୍ରତିଯୋଗିତା ପୂର୍ବରୁ ବାପା-ଝିଅଙ୍କ ମଧ୍ୟରେ ମଜାଦାର କଥାବାର୍ତ୍ତା ମଧ୍ୟ ହୋଇଥିଲା। କ୍ରିସ୍ ପଚାରିଥିଲେ ଇଣ୍ଡିଆ କେତେ ସମୟ ବୁଲ୍‌ ଉପରେ ରହିପାରିବେ। ସେ ୭ ସେକେଣ୍ଡ କହିବା ପରେ ଇଣ୍ଡିଆ ଏହାକୁ ସୁଧାରି ୮ ସେକେଣ୍ଡ କହିଥିଲେ। 

ଝିଅର ବିଜୟ ପରେ କ୍ରିସ୍ ତାଙ୍କ ସୋସିଆଲ ମିଡିଆ ପୋଷ୍ଟରେ ଗର୍ବ ପ୍ରକାଶ କରି ଇଣ୍ଡିଆଙ୍କୁ “savage” ବୋଲି ବର୍ଣ୍ଣନା କରିଥିଲେ। ଇଣ୍ଡିଆ ପୂର୍ବରୁ ମଧ୍ୟ ଇକ୍ୱେଷ୍ଟ୍ରିଆନ୍ ସ୍ପୋର୍ଟ୍ସ ଓ ମୋଟୋକ୍ରସ୍‌ରେ ଆଗ୍ରହ ଦେଖାଇଛନ୍ତି। 

ଇଣ୍ଡିଆ ରୋଜ୍‌ଙ୍କ ନାମର ସମ୍ପର୍କ ମଧ୍ୟ ଭାରତ ସହ ରହିଛି। କ୍ରିସ୍ ହେମ୍ସୱର୍ଥ ପୂର୍ବରୁ କହିଥିଲେ ଯେ ତାଙ୍କ ପତ୍ନୀ ଏଲ୍ସା ପାଟାକି ଭାରତରେ ଦୀର୍ଘ ସମୟ ରହିଥିବାରୁ “India” ନାମଟି ଚୟନ କରାଯାଇଥିଲା।