ଚୌଦ୍ୱାର ସର୍କଲ ଜେଲରୁ ଦୁଇ ଜଣ ବନ୍ଦୀ ଫେରାର ଘଟଣା ପୁଣିଥରେ ଚର୍ଚ୍ଚାରେ ଆସିଛି। ରାଜ୍ୟସଭା ସାଂସଦ ସୁଜିତ କୁମାର ଏହି ମାମଲାରେ କାରାଗାର ମହାନିର୍ଦ୍ଦେଶକ (ଡିଜି) ସୁଶାନ୍ତ କୁମାର ନାଥ ଏବଂ ଚୌଦ୍ୱାର ସର୍କଲ ଜେଲ୍ ସୁପରିଣ୍ଟେଣ୍ଡେଣ୍ଟ ସୁଜିତ କୁମାର ରାଉଳଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି।
ସାଂସଦଙ୍କ ଅଭିଯୋଗ ଅନୁସାରେ, ଉଭୟ ଅଧିକାରୀ ବନ୍ଦୀ ଫେରାର ଘଟଣାରେ ପରୋକ୍ଷ ଭାବେ ସହଯୋଗ କରିଥିଲେ ଏବଂ ପରେ ଘଟଣାକୁ ଚାପି ଦେବା ପାଇଁ ସରକାରୀ ଦସ୍ତାବିଜରେ କାରସାଦି କରିଥିଲେ।
ସେ ଆହୁରି ଅଭିଯୋଗ କରିଛନ୍ତି ଯେ, ଘଟଣା ପରେ କିଛି ସରକାରୀ ରେକର୍ଡରେ ଜାଲି ଦସ୍ତଖତ ବ୍ୟବହାର କରାଯାଇଥିଲା ଏବଂ ପ୍ରକୃତ ତଥ୍ୟକୁ ଲୁଚାଇବା ପାଇଁ ଦସ୍ତାବିଜରେ ପରିବର୍ତ୍ତନ କରାଯାଇଥିଲା।
ଏହି ମାମଲାରେ ସାଂସଦ ସୁଜିତ କୁମାର ଚୌଦ୍ୱାର ଥାନାରେ ଅନଲାଇନ୍ ମାଧ୍ୟମରେ ଲିଖିତ ଅଭିଯୋଗ ଦାଖଲ କରି ତଦନ୍ତ ଏବଂ ଆବଶ୍ୟକ ଆଇନଗତ ପଦକ୍ଷେପ ନେବାକୁ ଦାବି କରିଛନ୍ତି।
ଦଶହରା ସମୟରେ ହୋଇଥିଲା ଫେରାର ଘଟଣା
୨୦୨୫ ଅକ୍ଟୋବର ୩ ତାରିଖରେ ଦଶହରା ପର୍ବ ସମୟରେ ବିହାରର ଦୁଇ ଅପରାଧୀ ରାଜା ସାହାନୀ ଓ ମଧୁକାନ୍ତ ଚୌଦ୍ୱାର ସର୍କଲ ଜେଲରୁ ଫେରାର ହୋଇଥିଲେ। ଏହି ଘଟଣା ରାଜ୍ୟବ୍ୟାପୀ ଚର୍ଚ୍ଚାର ବିଷୟ ହୋଇଥିଲା।
ପୂର୍ବ ଅଭିଯୋଗକୁ ନେଇ ପୁଣି ତେଜିଲା ବିବାଦ
ଏହାପୂର୍ବରୁ ତତ୍କାଳୀନ ଜେଲର ସନ୍ତୋଷିନୀ ଦାସ ମଧ୍ୟ ଚୌଦ୍ୱାର ଥାନାରେ ଲିଖିତ ଅଭିଯୋଗ କରି ଜେଲ୍ ସୁପରିଣ୍ଟେଣ୍ଡେଣ୍ଟଙ୍କ ବିରୋଧରେ ସରକାରୀ ଦସ୍ତାବିଜ ଜାଲିଆତି କରିଥିବା ଅଭିଯୋଗ ଆଣିଥିଲେ।
ଏବେ ସାଂସଦଙ୍କ ଅଭିଯୋଗ ପରେ ଘଟଣାଟି ପୁଣି ନୂଆ ମୋଡ଼ ନେଇଛି। ତେବେ ଖବର ଲେଖାଯିବା ସୁଦ୍ଧା କାରାଗାର ଡିଜି, ଜେଲ୍ ସୁପରିଣ୍ଟେଣ୍ଡେଣ୍ଟ କିମ୍ବା ପୁଲିସ ପକ୍ଷରୁ ଏହି ଅଭିଯୋଗ ଉପରେ କୌଣସି ପ୍ରତିକ୍ରିୟା ମିଳିନଥିଲା।
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଅଷ୍ଟ୍ରେଲିଆ ଏ’ ବିପକ୍ଷରେ ଆସନ୍ତା ଘରୋଇ ସିରିଜ୍ ପା...
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
କନିଷ୍ଠ ଏସିଆ କପ୍‌ ହକିରେ ଭାରତୀୟ ଯୁବ ଦଳର ଦମଦାର ପ...
ପାକିସ୍ତାନ କ୍ରିକେଟ୍‌ ଟିମ୍‌ର ଖରାପ ପ୍ରଦର୍ଶନ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ଭାରତୀୟ କ୍ରିକେଟ୍‌ ଟିମ୍‌ ସହ ଯୋଡ଼ିହୋଇଛି ୩ଟି...
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
