ଚୀନ୍ର ହୁବେଇ ପ୍ରଦେଶରେ ସୋମବାର ସନ୍ଧ୍ୟାରେ ହୋଇଥିବା ଭୟଙ୍କର ଝଡ଼, ବଜ୍ରପାତ ଏବଂ ପ୍ରବଳ ବର୍ଷା ଯୋଗୁଁ ବଡ଼ ଧରଣର କ୍ଷୟକ୍ଷତି ଘଟିଛି। ସ୍ଥାନୀୟ କର୍ତ୍ତୃପକ୍ଷ ଓ ରାଜ୍ୟ ଗଣମାଧ୍ୟମ ଅନୁଯାୟୀ, ଏହି ପ୍ରାକୃତିକ ବିପର୍ଯ୍ୟୟରେ ଅତି କମରେ୧୦ ଜଣଙ୍କର ମୃତ୍ୟୁଘଟିଥିବାବେଳେ୨୮୫ ଜଣ ଆହତହୋଇଛନ୍ତି।

ହୁବେଇର ଜରୁରୀକାଳୀନ ପରିଚାଳନା ବିଭାଗ କହିଛି ଯେ, ଝଡ଼ଟି ଏତେ ଶକ୍ତିଶାଳୀ ଥିଲା ଯେ କେବଳ କିଛି ଘଣ୍ଟା ମଧ୍ୟରେ ସାଧାରଣ ଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇଯାଇଥିଲା।

ରାଜ୍ୟ ଗଣମାଧ୍ୟମଜିନହୁଆର ସୂଚନା ଅନୁଯାୟୀ, ମାତ୍ର ଚାରି ଘଣ୍ଟା ମଧ୍ୟରେ ହୁବେଇର ବିଭିନ୍ନ ସହରରେ ଘଣ୍ଟା ପ୍ରତି୧୪୯ କିଲୋମିଟର ବେଗରେପବନ ବହିଥିଲା। ଏହାର ପ୍ରଭାବରେ ହୁଆଙ୍ଗସି, ହୁଆଙ୍ଗଗାଙ୍ଗ, ଏଜୋଉ ଓ ଜିଆନିଙ୍ଗ୍ ସହରରେ ବ୍ୟାପକ କ୍ଷତି ଘଟିଛି।

ଶହ ଶହ ଗଛ ଉପୁଡ଼ି ପଡ଼ିଥିବାବେଳେ ବିଦ୍ୟୁତ୍ ଭିତ୍ତିଭୂମି କ୍ଷତିଗ୍ରସ୍ତ ହୋଇଛି। ଅନେକ ଘରର ଛାତ ଉଡ଼ିଯାଇଥିବାରୁ ହଜାର ହଜାର ଲୋକ ପ୍ରଭାବିତ ହୋଇଛନ୍ତି। ଉଦ୍ଧାର ଓ ରିଲିଫ୍ କାର୍ଯ୍ୟ ଜାରି ରହିଥିଲେ ମଧ୍ୟ ଖରାପ ପାଗ କାର୍ଯ୍ୟରେ ବାଧା ସୃଷ୍ଟି କରୁଛି।

ଚୀନ୍ର ଜାତୀୟ ପାଣିପାଗ କେନ୍ଦ୍ର ସତର୍କ କରିଛି ଯେ ବିପଦ ଏପର୍ଯ୍ୟନ୍ତ ଟଳିନାହିଁ। ଆଗାମୀ ୨୪ ଘଣ୍ଟା ମଧ୍ୟରେ ଦକ୍ଷିଣ-ପୂର୍ବ ଗୁଆଙ୍ଗସି, ଜିଆଙ୍ଗସୁ ଓ ଶାଣ୍ଡୋଙ୍ଗର କିଛି ଅଞ୍ଚଳରେ୨୬୦ ମିଲିମିଟର ପର୍ଯ୍ୟନ୍ତ ବର୍ଷାହୋଇପାରେ। ଏହା ଫଳରେ ସହରାଞ୍ଚଳରେ ବନ୍ୟା ଏବଂ ପାର୍ବତ୍ୟ ଅଞ୍ଚଳରେ ଭୂସ୍ଖଳନର ଆଶଙ୍କା ରହିଛି।

ଏପଟେ ପ୍ରଶାନ୍ତ ମହାସାଗରରେ ସୃଷ୍ଟି ହୋଇଥିବାସୁପର ଟାଇଫୁନ୍ ‘ବାଭି’ତାଇୱାନ ଆଡ଼କୁ ଦ୍ରୁତ ଗତିରେ ଅଗ୍ରସର ହେଉଛି। ଆମେରିକାର ଜାତୀୟ ପାଣିପାଗ ସେବା ଅନୁଯାୟୀ, ଏହି ଘୂର୍ଣ୍ଣିଝଡ଼ ଘଣ୍ଟା ପ୍ରତି୧୮୦ କିଲୋମିଟର ବେଗରେଗତି କରୁଛି। ଗୁଆମ୍, ଟିନିଆନ୍, ସାଇପାନ୍ ଓ ରୋଟା ଦ୍ୱୀପପୁଞ୍ଜରେ ଏହା ପୂର୍ବରୁ ପ୍ରଭାବ ପକାଇଥିବାବେଳେ ତାଇୱାନରେ ମଧ୍ୟ ହାଇ ଆଲର୍ଟ ଜାରି କରାଯାଇଛି।

ହୁବେଇ ଓ ଶାଣ୍ଡୋଙ୍ଗ ଚୀନ୍ର ପ୍ରମୁଖ କୃଷି ଅଞ୍ଚଳ ହୋଇଥିବାରୁ ଏହି ପ୍ରବଳ ବର୍ଷା ଏବଂ ସମ୍ଭାବ୍ୟ ଘୂର୍ଣ୍ଣିଝଡ଼ ମକା, ବାଦାମ ଓ ପନିପରିବା ଫସଲକୁ ବ୍ୟାପକ କ୍ଷତି ପହଞ୍ଚାଇପାରେ। ପାଣିପାଗ ବିଶେଷଜ୍ଞମାନଙ୍କ ମତରେ, ଏଭଳି ଚରମ ପାଣିପାଗ ଘଟଣା ଜଳବାୟୁ ପରିବର୍ତ୍ତନର ପ୍ରଭାବକୁ ସୂଚାଉଛି।