ଏମ୍ବିବିଏସ୍ ଛାତ୍ରୀ ଚନ୍ଦ୍ରିକା ହେମ୍ବ୍ରମଙ୍କ ରହସ୍ୟଜନକ ମୃତ୍ୟୁ ଘଟଣାର ତଦନ୍ତ ଦିନକୁ ଦିନ ଅଧିକ ଗୁରୁତ୍ୱପୂର୍ଣ୍ଣ ମୋଡ଼ ନେଉଛି। ମଙ୍ଗଳବାର ପୁଲିସ ପକ୍ଷରୁ ସୂଚନା ମିଳିଛି ଯେ ମାମଲା ସହ ସମ୍ପୃକ୍ତ ଗୁରୁତ୍ୱପୂର୍ଣ୍ଣ ଡିଜିଟାଲ ପ୍ରମାଣ ଜବତ କରାଯାଇଛି। ଏଥିରେ ହ୍ୱାଟ୍ସଆପ୍ ଚାଟ୍, କଲ୍ ରେକର୍ଡିଂ ଓ ଅନ୍ୟାନ୍ୟ ଡିଜିଟାଲ ତଥ୍ୟ ସାମିଲ ଅଛି।
କଟକ ଡିସିପିଙ୍କ ସୂଚନା ଅନୁସାରେ, ମୟୂରଭଞ୍ଜ ଜିଲ୍ଲାର ଉଦଳାସ୍ଥିତ ଚନ୍ଦ୍ରିକାଙ୍କ ଘରୁ ଏହି ଡିଜିଟାଲ ତଥ୍ୟ ସଂଗ୍ରହ କରାଯାଇଛି। ଏହାକୁ ମାମଲାର ଏକ ପ୍ରମୁଖ ପ୍ରମାଣ ଭାବେ ଗ୍ରହଣ କରାଯାଇଛି।
ବାରଙ୍ଗ ଥାନାର ଏକ ତିନିଜଣିଆ ପୁଲିସ ଦଳ ଚନ୍ଦ୍ରିକାଙ୍କ ଘରକୁ ଯାଇ ତାଙ୍କ ମା', ଭାଇ ଓ ଅନ୍ୟ ସମ୍ପର୍କୀୟଙ୍କ ବୟାନ ରେକର୍ଡ କରିଛି। ଏହାସହ ମୃତ୍ୟୁ ପୂର୍ବରୁ ଚନ୍ଦ୍ରିକାଙ୍କ ସହ ଫୋନରେ କଥା ହୋଇଥିବା ବ୍ୟକ୍ତିମାନଙ୍କ ବୟାନ ମଧ୍ୟ ସଂଗ୍ରହ କରାଯାଇଛି।
ତଦନ୍ତକାରୀ ଦଳର ମତରେ, ଏହି ସାକ୍ଷ୍ୟ ଏବଂ ଡିଜିଟାଲ ତଥ୍ୟ ଚନ୍ଦ୍ରିକାଙ୍କ ମୃତ୍ୟୁ ପୂର୍ବର ପରିସ୍ଥିତି, ତାଙ୍କ ମାନସିକ ଅବସ୍ଥା ଓ ଘଟଣାକ୍ରମ ସ୍ପଷ୍ଟ କରିବାରେ ସହାୟକ ହେବ।
ପୁଲିସ ହାତେ ଲାଗିଥିବା ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରମାଣ ମଧ୍ୟରେ ଚନ୍ଦ୍ରିକା ଓ ତାଙ୍କ ମା'ଙ୍କ ମଧ୍ୟରେ ହୋଇଥିବା ଏକ ହ୍ୱାଟ୍ସଆପ୍ ବାର୍ତ୍ତାଳାପ ରହିଛି। ଏହି ବାର୍ତ୍ତାଳାପରେ ଚନ୍ଦ୍ରିକା ଅଭିଯୁକ୍ତ ଓଏଏସ୍ ଅଧିକାରୀ ଭୀମସେନ ଟୁଡୁଙ୍କ ଦ୍ୱାରା ମାନସିକ ଓ ଶାରୀରିକ ନିର୍ଯାତନାର ଅଭିଯୋଗ କରିଥିବା ସହ ଚରମ ପଦକ୍ଷେପ ନେବାକୁ ଚିନ୍ତା କରୁଥିବା କଥା ଉଲ୍ଲେଖ କରିଥିବା ଜଣାପଡ଼ିଛି।
ଚନ୍ଦ୍ରିକା ଭୀମସେନଙ୍କ ବିରୋଧରେ ଆଇନଗତ ପଦକ୍ଷେପ ନେବାକୁ ମଧ୍ୟ ଇଚ୍ଛା ପ୍ରକାଶ କରିଥିବା ପୁଲିସ ସୂତ୍ରରୁ ଜଣାପଡ଼ିଛି। ଏହାସହ ଭୀମସେନ ଓ ଚନ୍ଦ୍ରିକାଙ୍କ ମା'ଙ୍କ ମଧ୍ୟରେ ହୋଇଥିବା କିଛି ଅଡିଓ କଥୋପକଥନ ମଧ୍ୟ ଜବତ କରାଯାଇଛି, ଯାହାର ଫରେନ୍ସିକ୍ ପରୀକ୍ଷା ଚାଲିଛି।
ଏପରିସ୍ଥିତିରେ ଚନ୍ଦ୍ରିକାଙ୍କ ପରିବାର ତଦନ୍ତକୁ ଆହୁରି ବ୍ୟାପକ କରିବାକୁ ଦାବି କରିଛନ୍ତି। ବିଶେଷକରି ତାଙ୍କ ନିଖୋଜ ଡାଏରୀ ଓ ଲ୍ୟାପଟପ୍କୁ ତୁରନ୍ତ ଉଦ୍ଧାର କରିବାକୁ ସେମାନେ ଦାବି କରିଛନ୍ତି। ପରିବାର ପକ୍ଷରୁ ଭୀମସେନଙ୍କ ଭାଇ, ମା' ଓ ଅନ୍ୟ ସମ୍ପର୍କୀୟଙ୍କୁ ମଧ୍ୟ ତଦନ୍ତ ପରିସରକୁ ଆଣିବାକୁ ଅନୁରୋଧ କରାଯାଇଛି।
ପୁଲିସ କହିଛି ଯେ ମାମଲାର ପ୍ରତ୍ୟେକ ଦିଗକୁ ନେଇ ତଦନ୍ତ ଚାଲିଛି ଏବଂ ଆବଶ୍ୟକ ପଡ଼ିଲେ ଏଫ୍ଆଇଆର୍ରେ ନାମ ଥିବା ଅନ୍ୟ ବ୍ୟକ୍ତିଙ୍କୁ ମଧ୍ୟ ପଚରାଉଚରା କରାଯିବ। ଡିଜିଟାଲ ପ୍ରମାଣ ମାମଲାର ସତ୍ୟ ଉନ୍ମୋଚନରେ ନିର୍ଣ୍ଣାୟକ ଭୂମିକା ନେଇପାରେ ବୋଲି ପୁଲିସ ଆଶା ପ୍ରକାଶ କରିଛି।
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ମଧ୍ୟରେ ପାକିସ୍ତାନ କ୍ରିକେ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଭାରତୀୟ ଟି-୨୦ ଦଳରେ ଓପନିଂ ଯୋଡ଼ିକୁ ନେଇ ପରୀକ୍ଷା ଜାରି ର...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
