ସରକାରୀ କାର୍ଯ୍ୟକ୍ରମରେ ଜାତୀୟ ସଙ୍ଗୀତ ଓ ଜାତୀୟ ଗୀତ ପରିବେଷଣକୁ ନେଇ ଥିବା ଦ୍ୱନ୍ଦ୍ୱକୁ ଦୂର କରିବା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଏକ ସ୍ପଷ୍ଟ ନିର୍ଦ୍ଦେଶାବଳୀ (Guidelines) ଜାରି କରାଯାଇଛି। ଏହି ନିର୍ଦ୍ଦେଶାବଳୀ ସମସ୍ତ ରାଜ୍ୟର ମୁଖ୍ୟ ଶାସନ ସଚିବ, ପ୍ରଶାସକ ଓ କେନ୍ଦ୍ରୀୟ ସଚିବମାନଙ୍କୁ ପଠାଯାଇଛି।
ନୂଆ ଗାଇଡଲାଇନ୍ ଅନୁଯାୟୀ, ଯେଉଁ ସରକାରୀ କାର୍ଯ୍ୟକ୍ରମରେଜାତୀୟ ଗୀତ ‘ବନ୍ଦେ ମାତରମ୍’ଓଜାତୀୟ ସଙ୍ଗୀତ ‘ଜନ ଗଣ ମନ’ଉଭୟ ପରିବେଷଣ କରାଯିବ, ସେଠାରେ ପ୍ରଥମେ‘ବନ୍ଦେ ମାତରମ୍’ଗାନ କରାଯିବ ଏବଂ ତାହା ପରେ‘ଜନ ଗଣ ମନ’ପରିବେଷଣ କରାଯିବ।
ଗୃହ ମନ୍ତ୍ରଣାଳୟ ସ୍ପଷ୍ଟ କରିଛି ଯେ, ଯେଉଁ ରାଜ୍ୟଗୁଡ଼ିକର ନିଜସ୍ୱରାଜ୍ୟ ସଙ୍ଗୀତରହିଛି, ସେଠାରେ ମଧ୍ୟ ଏହି ନିୟମ ପ୍ରଯୁଜ୍ୟ ହେବ। କୌଣସି କାର୍ଯ୍ୟକ୍ରମରେ ରାଜ୍ୟ ସଙ୍ଗୀତ ସହ ଜାତୀୟ ଗୀତ ଓ ଜାତୀୟ ସଙ୍ଗୀତ ପରିବେଷଣ କରାଯାଇଥିଲେ,‘ବନ୍ଦେ ମାତରମ୍’ପ୍ରଥମେ ଏବଂ‘ଜନ ଗଣ ମନ’ପରେ ଗାନ କରାଯିବ।
ମନ୍ତ୍ରଣାଳୟ ନିର୍ଦ୍ଦେଶ ଦେଇଛି ଯେ, ଜାତୀୟ ଗୀତ ଓ ଜାତୀୟ ସଙ୍ଗୀତ ପରିବେଷଣ ସମୟରେ ସଠିକ୍ ଶବ୍ଦାବଳୀ, ଶୁଦ୍ଧ ଉଚ୍ଚାରଣ, ନିର୍ଦ୍ଧାରିତ ସ୍ୱର ଓ ନିୟମ ପାଳନ କରିବା ଆବଶ୍ୟକ। ଏଥିରେ କୌଣସି ପ୍ରକାରର ତ୍ରୁଟି ଗ୍ରହଣୀୟ ହେବ ନାହିଁ।
କେଉଁ କ୍ଷେତ୍ରରେ ଜାତୀୟ ଗୀତ ଓ ଜାତୀୟ ସଙ୍ଗୀତ ପରିବେଷଣ ବାଧ୍ୟତାମୂଳକ ଏବଂ କେଉଁଠି ଇଚ୍ଛାଧୀନ, ସେନେଇ ମଧ୍ୟ ଏକ ବିସ୍ତୃତ ତାଲିକା ଜାରି କରାଯାଇଛି। ସମସ୍ତ ରାଜ୍ୟ ସରକାର, କେନ୍ଦ୍ରୀୟ ମନ୍ତ୍ରଣାଳୟ, ଶିକ୍ଷାନୁଷ୍ଠାନ ଓ ସରକାରୀ ସଂସ୍ଥାଗୁଡ଼ିକୁ ଏହି ନୂଆ ନିୟମ ତୁରନ୍ତ କାର୍ଯ୍ୟକାରୀ କରିବାକୁ କୁହାଯାଇଛି।
ମହାରାଷ୍ଟ୍ରର ପୁଣେ ଓ ପିମ୍ପ୍ରି-ଚିଞ୍ଚୱାଡ ଅଞ୍ଚଳରେ ରବିବା...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଖେଳାଳିଏସ୍. ବଦ୍ରିନାଥଭ...
ଦିଲ୍ଲୀର ସତ୍ୟ ନିକେତନରେ ‘Hostel Daze’ ନା...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ମଧ୍ୟପ୍ରଦେଶର ସାଗର ଜିଲ୍ଲାରେ କଥିତ ଭାବେ ବିଷାକ୍ତ ମଦ ପିଇ...
ପାକିସ୍ତାନ କ୍ରିକେଟ୍ ବୋର୍ଡ (PCB) ଏବେ ଦଳର ଚୟନ କମିଟି ଏ...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
