ନୂଆଦିଲ୍ଲୀରେ ଶନିବାରଠାରୁ ଆରମ୍ଭ ହୋଇଥିବା୧୮ତମ BRICS ଶିଖର ସମ୍ମିଳନୀଭାରତ ପାଇଁ ଏକ ବଡ଼ କୂଟନୈତିକ ପରୀକ୍ଷା ପାଲଟିଥିଲା। ବିଶେଷକରି ପଶ୍ଚିମ ଏସିଆରେ ଚାଲିଥିବା ସଂଘର୍ଷକୁ ନେଇ BRICSର ସଦସ୍ୟ ଇରାନ ଓ ୟୁଏଇର ଭିନ୍ନ ଆଭିମୁଖ୍ୟ ଯୋଗୁଁ ଯୁଗ୍ମ ଘୋଷଣା ନେଇ ଅନିଶ୍ଚିତତା ରହିଥିଲା।

ତେବେ ଭାରତର ଦୀର୍ଘ କୂଟନୈତିକ ଆଲୋଚନା ଓ ସମନ୍ୱୟ ପରେBRICS ଆଲୋଚନାକାରୀମାନେ ଯୁଗ୍ମ ଘୋଷଣା ଉପରେ ସହମତିରେ ପହଞ୍ଚିଛନ୍ତି। ଏହି ଘୋଷଣାରେ କୌଣସି ନିର୍ଦ୍ଦିଷ୍ଟ ଦେଶର ନାମ ନ ନେଇ ଯେକୌଣସି ଦେଶର ଏକପାଖିଆ ଆକ୍ରମଣ କିମ୍ବା ଯୁଦ୍ଧକୁ ନିନ୍ଦା କରିବା ଭଳି ସନ୍ତୁଳିତ ଭାଷା ବ୍ୟବହାର କରାଯିବାର ସମ୍ଭାବନା ରହିଛି।

ଏହି ସହମତିକୁ ଭାରତରବଡ଼ କୂଟନୈତିକ ସଫଳତାଭାବେ ଦେଖାଯାଉଛି। କାରଣ, ଇରାନ ଓ ୟୁଏଇ ପଶ୍ଚିମ ଏସିଆ ସଂଘର୍ଷକୁ ନେଇ ବିପରୀତ ଶିବିରରେ ରହିଛନ୍ତି। ଏଭଳି ପରିସ୍ଥିତିରେ ସମସ୍ତ ସଦସ୍ୟଙ୍କ ପାଇଁ ଗ୍ରହଣୀୟ ଭାଷା ପ୍ରସ୍ତୁତ କରିବା ଭାରତ ପାଇଁ ସହଜ ନଥିଲା।

BRICS ଘୋଷଣାରେଆତଙ୍କବାଦ ବିରୋଧରେ ଦୃଢ଼ ଆଭିମୁଖ୍ୟ, ବିଶ୍ୱ ଶାସନ ବ୍ୟବସ୍ଥାରେ ସଂସ୍କାର, ବହୁପକ୍ଷୀୟତାକୁ ମଜବୁତ କରିବାଏବଂ ଭାରତର ଜାତିସଂଘ ସୁରକ୍ଷା ପରିଷଦର ସ୍ଥାୟୀ ସଦସ୍ୟତା ଦାବି ପ୍ରତି ସମର୍ଥନ ଭଳି ପ୍ରସଙ୍ଗ ସ୍ଥାନ ପାଇବାର ଆଶା ରହିଛି।

ଭାରତର ଆଭିମୁଖ୍ୟ ହେଉଛି BRICSକୁ କୌଣସି ଏକ ଶକ୍ତି ବିରୋଧୀ ମଞ୍ଚ ଭାବେ ନୁହେଁ, ବରଂଗ୍ଲୋବାଲ୍ ସାଉଥ୍ର ସ୍ୱରକୁ ମଜବୁତ କରୁଥିବା ଏକ ବହୁପକ୍ଷୀୟ ମଞ୍ଚଭାବେ ଆଗକୁ ନେବା। ଏହା ସହିତ ଭାରତକୁ ଆମେରିକା ସହ ସମ୍ପର୍କ ଏବଂ ରୁଷ-ଚୀନ ସହ ରଣନୈତିକ ସମ୍ପର୍କ ମଧ୍ୟରେ ସନ୍ତୁଳନ ରକ୍ଷା କରିବାକୁ ପଡ଼ୁଛି।