ମୁମ୍ବାଇ:ଓଡ଼ିଆ ସିନେମା ପାଇଁ ଏକ ଐତିହାସିକ ମୁହୂର୍ତ୍ତ ସୃଷ୍ଟି କରିଛି ବ୍ଲକବଷ୍ଟର ଫିଲ୍ମ‘ବୌ ବୁଟୁ ଭୂତ’। ମୁମ୍ବାଇରେ ଆୟୋଜିତ୨୦୨୬ ଇନ୍କା ଆୱାର୍ଡସ୍ (Indian National Cine Awards)ଅନୁଷ୍ଠାନରେ ଫିଲ୍ମଟି ବଡ଼ ସଫଳତା ହାସଲ କରି ଓଡ଼ିଆ ଚଳଚ୍ଚିତ୍ରକୁ ଜାତୀୟ ମଞ୍ଚରେ ଦୃଢ଼ ଭାବେ ପ୍ରତିଷ୍ଠା କରିଛି।

ଏହି ଅବସରରେ ‘ବୌ ବୁଟୁ ଭୂତ’ଶ୍ରେଷ୍ଠ ଫିଲ୍ମ (ଓଡ଼ିଆ)ପୁରସ୍କାର ହାସଲ କରିଛି। ଏହା ଓଡ଼ିଆ ସିନେମା ପାଇଁ ଗର୍ବର ବିଷୟ ହେବା ସହ ଆଗାମୀ ଦିନରେ ଆଞ୍ଚଳିକ ଚଳଚ୍ଚିତ୍ରର ବୃଦ୍ଧିଶୀଳ ପ୍ରଭାବକୁ ଉଜାଗର କରିଛି।

ଫିଲ୍ମର ନାୟକବବୁଶାନ ମୋହାନ୍ତିଓ ନାୟିକାଅର୍ଚ୍ଚିତା ସାହୁତାଙ୍କର ଦମଦାର ଅଭିନୟ ପାଇଁ ଶ୍ରେଷ୍ଠ ସମ୍ମାନ ପାଇଛନ୍ତି। ବବୁଶାନଙ୍କୁଶ୍ରେଷ୍ଠ ଅଭିନେତା (ଓଡ଼ିଆ)ଏବଂ ଅର୍ଚ୍ଚିତାଙ୍କୁଶ୍ରେଷ୍ଠ ଅଭିନେତ୍ରୀ (ଓଡ଼ିଆ)ପୁରସ୍କାର ପ୍ରଦାନ କରାଯାଇଛି। ଦୁହେଁଙ୍କର ଅଭିନୟକୁ ଦର୍ଶକ ଓ ସମାଲୋଚକମାନେ ଭାବନାପ୍ରବଣତା ଓ ଶକ୍ତିଶାଳୀ ପ୍ରଦର୍ଶନ ପାଇଁ ବେଶ ପ୍ରଶଂସା କରିଛନ୍ତି।

ଅନ୍ୟ ଏକ ବଡ଼ ଉପଲବ୍ଧି ଭାବେ ଫିଲ୍ମଟି୨୦୨୫ର ଭାରତର ଶ୍ରେଷ୍ଠ ୧୦ଟି ଫିଲ୍ମତାଲିକାରେ ମଧ୍ୟ ସ୍ଥାନ ପାଇଛି। ଏହା ଓଡ଼ିଆ କାହାଣୀ ଓ ସୃଜନଶୀଳତା ଜାତୀୟ ସ୍ତରରେ ସ୍ୱୀକୃତି ପାଉଥିବାର ଏକ ଶକ୍ତିଶାଳୀ ପ୍ରମାଣ।

ଫିଲ୍ମଟି୨୦୨୫ରେ ମୁକ୍ତିଲାଭ କରିବକ୍ସଅଫିସରେ ବିପୁଳ ସଫଳତା ହାସଲ କରିଥିଲା ଏବଂ ଓଡ଼ିଆ ସିନେମା ଇତିହାସର ସର୍ବାଧିକ ଆୟକରୁଥିବା ଚଳଚ୍ଚିତ୍ରମାନଙ୍କ ମଧ୍ୟରେ ଗଣନା ହୋଇଥିଲା।

ଏହାସହ ଫିଲ୍ମଟିର ସଫଳତାକୁ ଆଉ ଏକ ପଦକ୍ଷେପ ଆଗକୁ ନେଇ, ଖବର ଅନୁଯାୟୀକରଣ ଜୋହରଙ୍କ ଧର୍ମା ପ୍ରଡକ୍ସନ୍ସଏହାର ହିନ୍ଦୀ ରିମେକ୍ ଅଧିକାର କ୍ରୟ କରିଛି। ଏହି ଘଟଣା ଓଡ଼ିଆ ସିନେମା ପାଇଁ ବଡ଼ ସୁଯୋଗ ସୃଷ୍ଟି କରିବା ସହ ଆଞ୍ଚଳିକ ଫିଲ୍ମଗୁଡ଼ିକ ଜାତୀୟ ଧାରାରେ ସ୍ଥାନ ନେଉଥିବାର ସଙ୍କେତ ଦେଇଛି।

ଫିଲ୍ମର ପ୍ରଯୋଜକତ୍ରିପ୍ତି ସତପଥୀଙ୍କୁ ମଧ୍ୟ ଏହି ସଫଳତା ପାଇଁ ସୋସିଆଲ ମିଡିଆରେ ବ୍ୟାପକ ଭାବେ ସମ୍ମାନ ଓ ପ୍ରଶଂସା ମିଳୁଛି।

ପ୍ରୋଡ୍ୟୁସର୍ସ ଗିଲ୍ଡ ଅଫ୍ ଇଣ୍ଡିଆ ଆୟୋଜିତ ଏହି ଆୱାର୍ଡସ୍ ଅନୁଷ୍ଠାନରେ ‘ବୌ ବୁଟୁ ଭୂତ’ର ବିଜୟ ଓଡ଼ିଆ ସିନେମା ପାଇଁ ଏକ ନୂଆ ଯୁଗର ଆରମ୍ଭ ଭାବେ ଦେଖାଯାଉଛି।