ପ୍ରବଳ ପବନ ଯୋଗୁଁ ପାଞ୍ଚରୁ ଅଧିକ ବିଦ୍ୟୁତ୍ ଟ୍ରାନ୍ସଫର୍ମର କ୍ଷତିଗ୍ରସ୍ତ ହୋଇଥିବା ବେଳେ ଶତାଧିକ ବିଦ୍ୟୁତ୍ ଖୁମ୍ବ ଉପୁଡ଼ି ପଡ଼ିଛି। ବିଦ୍ୟୁତ୍ ବ୍ୟବସ୍ଥା ଭାଙ୍ଗିପଡ଼ିବା ପରେ ବହୁ ଅଞ୍ଚଳରେ ବିଦ୍ୟୁତ୍ ସରବରାହ ବନ୍ଦ ରହିଛି। ବିଦ୍ୟୁତ୍ ଉପରେ ନିର୍ଭର କରୁଥିବା ପାଣି ଯୋଗାଣ ବ୍ୟବସ୍ଥା ମଧ୍ୟ ପ୍ରଭାବିତ ହୋଇଥିବାରୁ ପାନୀୟ ଜଳ ସରବରାହ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି।
ଅନେକ ସ୍ଥାନରେ ବଡ଼ ବଡ଼ ଗଛ ଉପୁଡ଼ି ପଡ଼ି ମୋଟରସାଇକେଲ୍, କାର୍ ଓ ଜେସିବି ମେସିନ୍ ଉପରେ କ୍ଷତି ସୃଷ୍ଟି କରିଛି। ବଣାଇ ଉପ-ଜିଲ୍ଲାପାଳଙ୍କ ନିବାସ ସମ୍ମୁଖରେ ଏକ ବଡ଼ ଗଛ ମୁଖ୍ୟ ରାସ୍ତା ଉପରେ ପଡ଼ିଯାଇଥିବାରୁ ଯାତାୟାତ ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା।
ସ୍ଥାନୀୟ ଲୋକମାନଙ୍କ କହିବା ଅନୁସାରେ, ଝଡ଼ର ତୀବ୍ରତା ଏତେ ଅଧିକ ଥିଲା ଯେ କଚ୍ଚା ଘରର ଛାତ ଉଡ଼ିଯାଇଥିଲା। ବିଦ୍ୟୁତ୍ ଖୁମ୍ବ, ଗଛ ଓ ଟ୍ରାନ୍ସଫର୍ମର ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ବୁଧବାର ରାତି ପ୍ରାୟ ୩ଟାରୁ ଅନେକ ଅଞ୍ଚଳରେ ବିଦ୍ୟୁତ୍ ଓ ପାଣି ସରବରାହ ବନ୍ଦ ରହିଛି।
ଫାୟାର ସର୍ଭିସ୍, ବିଦ୍ୟୁତ୍ ବିଭାଗ ଓ ପ୍ରଶାସନର ଟିମ୍ମାନେ ରାତିରୁ ଉଦ୍ଧାର ଓ ମରାମତି କାମରେ ଲାଗିପଡ଼ିଛନ୍ତି। ରାସ୍ତା ଉପରେ ପଡ଼ିଥିବା ଗଛଗୁଡ଼ିକୁ ହଟାଇବା କାମ ଚାଲିଥିବା ବେଳେ ଅନେକ ସ୍ଥାନରେ ଏବେ ମଧ୍ୟ ଯାତାୟାତ ପ୍ରଭାବିତ ରହିଛି।
ବଣାଇ ଉପ-ଜିଲ୍ଲାପାଳ ଅଶୋକ ଦାସ କହିଛନ୍ତି ଯେ, ପରିସ୍ଥିତିକୁ ନେଇ ଜିଲ୍ଲାପାଳ ଓ ଏଡିଏମ୍ଙ୍କ ସହ ଆଲୋଚନା ହୋଇଛି। ଓଡ୍ରାଫ୍ ଟିମ୍ ରାସ୍ତା ଅବରୋଧ ହଟାଇବା କାମରେ ଲାଗିଥିବା ବେଳେ ବିଦ୍ୟୁତ୍ ସରବରାହ ସ୍ୱାଭାବିକ ହେବାକୁ ଆହୁରି କିଛି ସମୟ ଲାଗିପାରେ।
ସେ ଆହୁରି କହିଛନ୍ତି ଯେ, ତାଙ୍କ ସରକାରୀ ନିବାସ, ଗେଟ୍, ବାଉଣ୍ଡାରୀ ୱାଲ୍ ଓ ଅନେକ ଗଛ ମଧ୍ୟ ଝଡ଼ରେ କ୍ଷତିଗ୍ରସ୍ତ ହୋଇଛି। ପରିସ୍ଥିତିର ତଦାରଖ କରିବା ପାଇଁ ସେ ପାଦେ ପାଦେ ଘୁରି କାମ ନିରୀକ୍ଷଣ କରିଥିବା କହିଛନ୍ତି।
ଖବର ଲେଖାଯାଉଥିବା ସମୟରେ ଝାରସୁଗୁଡ଼ାରୁ ଓଡ୍ରାଫ୍ ଟିମ୍ ବଣାଇ ପହଞ୍ଚି ଉଦ୍ଧାର, ରାସ୍ତା ସଫା ଓ ପୁନରୁଦ୍ଧାର କାର୍ଯ୍ୟରେ ସହଯୋଗ କରୁଥିଲା।
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ଦେଶର ସଡ଼କ ଭିତ୍ତିଭୂମି ବିକାଶକୁ ଆହୁରି ଗତିଶୀଳ କରିବା ଲକ...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ପରେ ଜୁନ୍ ୨୧ରେ...
ନିଟ୍-ୟୁଜି ୨୦୨୬ ପ୍ରଶ୍ନପତ୍ର ଲିକ୍ ବିବାଦ ଏବଂ ପରୀକ୍ଷା ବ...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ଭାରତୀୟ ମୂଳର ମହିଳା ବର୍ଷା ଗୋହିଲଙ୍କ ଦୀର୍ଘ ୨୩ ବର୍ଷର ଆଇ...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
