ଜିଲ୍ଲାସ୍ତରରେ ଦଳୀୟ କର୍ମୀମାନଙ୍କ ନେତୃତ୍ୱ ଦକ୍ଷତା ବିକାଶ ଓ ସଂଗଠନକୁ ଆହୁରି ସୁଦୃଢ଼ କରିବା ଲକ୍ଷ୍ୟରେ କେନ୍ଦ୍ରାପଡ଼ା ଜିଲ୍ଲା ବିଜେପି ପକ୍ଷରୁ ମଙ୍ଗଳବାର ଦୁଇଦିନିଆ ପଣ୍ଡିତ ଦୀନଦୟାଳ ଉପାଧ୍ୟାୟ ପ୍ରଶିକ୍ଷଣ ଶିବିର ଆୟୋଜିତ ହୋଇଥିଲା।
ଅଙ୍ଗୁଳାଇ ସ୍ଥିତ ଲୋଟସ୍ ମଣ୍ଡପରେ ଆୟୋଜିତ ଏହି ପ୍ରଶିକ୍ଷଣ ଶିବିରରେ ବିଜେପିର ବରିଷ୍ଠ ନେତା, ପଦାଧିକାରୀ ଓ ବହୁ ସଂଖ୍ୟକ କର୍ମୀ ଯୋଗଦେଇଥିଲେ।
କାର୍ଯ୍ୟକ୍ରମରେ ବିଜେପି ଓଡ଼ିଶା ପ୍ରଭାରୀ ବିଜୟପାଲ ସିଂହ ତୋମର ଏବଂ ବିଜେପିର ଜାତୀୟ ଉପାଧ୍ୟକ୍ଷ ତଥା କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇଥିଲେ। ସେମାନେ କର୍ମୀମାନଙ୍କୁ ସମ୍ବୋଧନ କରି ସଂଗଠନର ଆଦର୍ଶ, ଦଳୀୟ କାର୍ଯ୍ୟପଦ୍ଧତି ଓ ତୃଣମୂଳ ସ୍ତରରେ ଦଳକୁ ଆହୁରି ଶକ୍ତିଶାଳୀ କରିବା ଉପରେ ଗୁରୁତ୍ୱ ଦେଇଥିଲେ।
ଏହି ଶିବିରରେ ରାଜ୍ୟ ବିଜେପି ଉପାଧ୍ୟକ୍ଷ ଅଶୋକ ମିଶ୍ର ଓ ମହାକାଳପଡ଼ା ବିଧାୟକ ଦୁର୍ଗା ପ୍ରସନ୍ନ ନାୟକଙ୍କ ସମେତ ଅନ୍ୟାନ୍ୟ ବରିଷ୍ଠ ନେତାମାନେ ମଧ୍ୟ ଉପସ୍ଥିତ ଥିଲେ। ସେମାନେ କର୍ମୀମାନଙ୍କ ସହ ଆଲୋଚନା କରି ଆଗାମୀ ଦିନରେ ସଂଗଠନକୁ ଆହୁରି ଗତିଶୀଳ କରିବା ପାଇଁ ବିଭିନ୍ନ କୌଶଳ ନେଇ ମତବିନିମୟ କରିଥିଲେ।
ମହାକାଳପଡ଼ା ବିଧାୟକ ଦୁର୍ଗା ପ୍ରସନ୍ନ ନାୟକ କହିଛନ୍ତି, “କେନ୍ଦ୍ରାପଡ଼ା ଜିଲ୍ଲାରେ ପଣ୍ଡିତ ଦୀନଦୟାଳ ଉପାଧ୍ୟାୟ ପ୍ରଶିକ୍ଷଣ ଶିବିର ଦୁଇଦିନ ଧରି ଆୟୋଜିତ ହୋଇଥିଲା। ବିଜେପି ଓଡ଼ିଶା ପ୍ରଭାରୀ ବିଜୟପାଲ ସିଂହ ତୋମର କର୍ମୀମାନଙ୍କୁ ପ୍ରଶିକ୍ଷଣ ଦେଇଥିଲେ। ସାଂସଦ ବୈଜୟନ୍ତ ପଣ୍ଡା ମଧ୍ୟ ଏହି ଶିବିରରେ ଯୋଗଦେଇ କର୍ମୀମାନଙ୍କୁ ସମ୍ବୋଧନ କରିଥିଲେ।”
ଏହି ପ୍ରଶିକ୍ଷଣ ଶିବିର ମାଧ୍ୟମରେ ଜିଲ୍ଲାସ୍ତରରେ ଦଳୀୟ କର୍ମୀମାନଙ୍କୁ ଆଗାମୀ ରାଜନୈତିକ ଓ ସଂଗଠନାତ୍ମକ କାର୍ଯ୍ୟପାଇଁ ପ୍ରସ୍ତୁତ କରିବା ସହ ଦଳୀୟ ଆଦର୍ଶ ଓ ନେତୃତ୍ୱ ଗୁଣାବଳୀ ବିକାଶ କରାଯାଇଥିବା ଜଣାପଡ଼ିଛି।
ଏୟାର ମାର୍ଶାଲ ଜିତେନ୍ଦ୍ର ମିଶ୍ରଙ୍କୁ ରାମ ଜନ୍ମଭୂମି ଟ୍ରଷ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଦାର୍ଜିଲିଂର ଐତିହାସିକ ଟୟ ଟ୍ରେନ୍‌ ଲୋକୋସେଡ୍‌...
ପଞ୍ଜାବର ଜେଲ୍‌ଗୁଡ଼ିକରେ ନିଶାସକ୍ତିର ଚିତ୍ର ଚିନ୍ତା...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ରକ୍ଷାବନ୍ଧନର ଖୁସି ମୁହୂର୍ତ୍ତ ଉତ୍ତରପ୍ରଦେଶର ଝାନ୍ସୀରେ ଶ...
