ନୂଆପଡ଼ା ଜିଲ୍ଲାର ଖଡ଼ିଆଳ ଏନ୍ଏସି ଏବେ ବିଜେପି ଦଖଲରେ ଆସିଛି। ପୂର୍ବରୁ କଂଗ୍ରେସ ନିୟନ୍ତ୍ରଣରେ ଥିବା ଖଡ଼ିଆଳ ଏନ୍ଏସିରେ ରାଜନୈତିକ ସମୀକରଣ ବଦଳିଛି।
ଗତ ୧୭ ତାରିଖରେ ଖଡ଼ିଆଳ ନଗରପାଳ ଉଜ୍ଜ୍ୱଳ ଗୁପ୍ତାଙ୍କ ସହ ବିଜେଡି ଓ କଂଗ୍ରେସର ୮ ଜଣ କାଉନସିଲର ବିଜେପିରେ ଯୋଗ ଦେବା ପରେ ଏନ୍ଏସିରେ ବିଜେପି ସଂଖ୍ୟାଗରିଷ୍ଠ ହୋଇଛି।
ଗତ ନିର୍ବାଚନରେ ଖଡ଼ିଆଳ ଏନ୍ଏସିରେ କଂଗ୍ରେସରୁ ଉଜ୍ଜ୍ୱଳ ଗୁପ୍ତା ନଗରପାଳ ଭାବେ ବିଜୟୀ ହୋଇଥିଲେ। ସେତେବେଳେ ବିଜେପିର ୨ ଜଣ, ବିଜେଡିର ୫ ଜଣ ଏବଂ କଂଗ୍ରେସର ୬ ଜଣ କାଉନସିଲର ନିର୍ବାଚିତ ହୋଇଥିଲେ।
ତେବେ ଏବେ କଂଗ୍ରେସର ୫ ଜଣ ଓ ବିଜେଡିର ୩ ଜଣ କାଉନସିଲର ବିଜେପିରେ ସାମିଲ ହେବା ପରେ ବିଜେପି କାଉନସିଲର ସଂଖ୍ୟା ୧୦କୁ ବୃଦ୍ଧି ପାଇଛି।
ବିଜେପିରେ ଯୋଗଦେଇଥିବା ନଗରପାଳ ଓ କାଉନସିଲରମାନେ ଖଡ଼ିଆଳରେ ପହଞ୍ଚିବା ପରେ ଦଳୀୟ କର୍ମୀମାନେ ସେମାନଙ୍କୁ ଭବ୍ୟ ସ୍ୱାଗତ କରିଥିଲେ। ଏହା ସହ ବିଜେପି ପକ୍ଷରୁ ବିଜୟ ଉତ୍ସବ ପାଳନ କରାଯାଇଥିଲା।
ଆଗାମୀ ଦିନରେ ଖଡ଼ିଆଳ ଅଞ୍ଚଳର ବିକାଶ ପାଇଁ ସମସ୍ତ ପ୍ରକାର ପଦକ୍ଷେପ ନିଆଯିବ ବୋଲି ନଗରପାଳ ଉଜ୍ଜ୍ୱଳ ଗୁପ୍ତା କହିଛନ୍ତି।
CAT 2026 ପାଇଁ ପ୍ରସ୍ତୁତି ନେଉଥିବା MBA ଆଶାୟୀଙ୍କ ପାଇଁ...
ପଶ୍ଚିମ ଓଡ଼ିଶାର ପ୍ରମୁଖ ଚିକିତ୍ସା ପ୍ରତିଷ୍ଠାନ ବୁର୍ଲା ଭ...
FIFA ସଭାପତି ଜିଆନି ଇନ୍ଫାଣ୍ଟିନୋ ନିଜ ପଦରୁ ଇସ୍ତଫା ଦେବା...
ଡର୍ମାଟୋଲୋଜିଷ୍ଟ ଡା. ଜୁଶ୍ୟା ଭାଟିଆ ସରିନ୍ ଭାରତୀୟ ତ୍ୱଚା...
ବିଦେଶରେ ପଢ଼ିବା ନେଇ ଭାରତୀୟ ଛାତ୍ରଛାତ୍ରୀଙ୍କ ଚିନ୍ତାଧାର...
Mumbai Indiansର ନୂଆ ମୁଖ୍ୟ କୋଚ୍ ଭାବେ ଦାୟିତ୍ୱ ନେବା ପ...
ହସ୍ପିଟାଲଗୁଡ଼ିକରେ ଥରେ ବ୍ୟବହାର ପାଇଁ ଉଦ୍ଦିଷ୍ଟ ମେଡିକାଲ...
କ୍ରାଇଷ୍ଟଚର୍ଚ୍ଚରେ ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ T20Iରେ...
