ଭୁବନେଶ୍ୱରର ରାଜମହଲ ଅଞ୍ଚଳରେ ଅଲ୍ ଓଡ଼ିଶା ଗିଗ୍ ୱର୍କର୍ସ ୟୁନିଅନ୍ର ଅଧ୍ୟକ୍ଷ ବିଜୟ ମହାପାତ୍ରଙ୍କ ଉପରେ ହୋଇଥିବା ଖଣ୍ଡା ଆକ୍ରମଣ ଘଟଣାରେ କମିଶନରେଟ୍ ପୁଲିସ ବୁଧବାର ୩ ଜଣ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଏସ୍କେ ସାମସଦ, ଦୁର୍ଗା ମଲାଲ ଓ ସିପୁନ ଗୁରୁ।
ପୁଲିସ ସେମାନଙ୍କ ପାଖରୁ ଏକ ଖଣ୍ଡା, ୩ଟି ମୋବାଇଲ୍ ଫୋନ୍ ଓ ଏକ ଚାରିଚକିଆ ଗାଡ଼ି ଜବତ କରିଛି। ସୂଚନା ଅନୁସାରେ, ମଙ୍ଗଳବାର ରାତିରେ ଗାଡ଼ି ଓଭରଟେକ୍କୁ ନେଇ ସାମାନ୍ୟ ବଚସା ପରେ ଏହି ଆକ୍ରମଣ ଘଟିଥିଲା।
ଅଭିଯୋଗ ଅନୁଯାୟୀ, ଅଭିଯୁକ୍ତମାନେ ଏକ କଳା ଚାରିଚକିଆ ଗାଡ଼ିରେ ଆସି ବିଜୟ ମହାପାତ୍ରଙ୍କୁ ଖଣ୍ଡାରେ ଆକ୍ରମଣ କରିଥିଲେ। ଏହି ଆକ୍ରମଣରେ ବିଜୟଙ୍କ ହାତରେ ଗୁରୁତର ଆଘାତ ଲାଗିଥିବା ଜଣାପଡ଼ିଛି।
ବୁଧବାର ସକାଳେ କ୍ୟାପିଟାଲ ଥାନାରେ ଅଭିଯୋଗ ଦାଖଲ ହେବା ପରେ ପୁଲିସ ମାତ୍ର ୬ ଘଣ୍ଟା ମଧ୍ୟରେ ଅଭିଯୁକ୍ତଙ୍କୁ ଗିରଫ କରିଥିଲା। ତଦନ୍ତ ସମୟରେ ପୁଲିସ ସିସିଟିଭି ଫୁଟେଜ୍ ଯାଞ୍ଚ କରିବା ସହ ଅଭିଯୁକ୍ତମାନଙ୍କ ଗତିବିଧିକୁ ଟ୍ରାକ୍ କରିଥିଲା।
ଖବର ଅନୁଯାୟୀ, ଘଟଣାରେ ବ୍ୟବହୃତ ଚାରିଚକିଆ ଗାଡ଼ିଟିକୁ ଓଡ଼ିଶା ବାହାରକୁ ତୀବ୍ର ଗତିରେ ନେଇଯାଉଥିବା ବେଳେ ପୁଲିସ ଅଟକାଇଥିଲା।
ପୁଲିସ ଆକ୍ରମଣରେ ବ୍ୟବହୃତ ଖଣ୍ଡା, ମୋବାଇଲ୍ ଫୋନ୍ ଓ ଗାଡ଼ିକୁ ଜବତ କରିଛି। ସୂତ୍ର ଅନୁସାରେ, ଗିରଫ ୩ ଅଭିଯୁକ୍ତଙ୍କ ବିରୋଧରେ ପୂର୍ବରୁ ମଧ୍ୟ ଏକାଧିକ ମାମଲା ରହିଛି।
AI ଦ୍ୱାରା ତିଆରିDeepfakeଓ ମର୍ଫଡ୍ ଫଟୋ-ଭିଡିଓର ଅନଧିକୃତ...
ଲିଓନେଲ ମେସି ଓ ଆର୍ଜେଣ୍ଟିନାର କାହାଣୀ ସାଧାରଣ ଫୁଟବଲ୍&zw...
ୟୁକ୍ରେନ୍ର କିଭ୍ ଅଞ୍ଚଳର ବୁଚା ଜିଲ୍ଲାର ମାଇଲା ଗାଁରେ ଶୁକ...
ଭାରତୀୟ ବଜାରରେ ମିଳୁଥିବା ଅନେକ ପ୍ରସିଦ୍ଧ ଗ୍ଲୋବାଲ୍ ବ୍ରା...
‘KGF’ ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ସମର୍ଥ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ସୋସିଆଲ୍ ମିଡିଆରେ‘Hanuman Ansh’ଫିଲ୍ମକୁ ନ...
ମନୋଜ ବାଜପେୟୀଙ୍କ ଆଗାମୀ ଫିଲ୍ମ **‘Last Man in T...
