ଭୁବନେଶ୍ୱରର ବାରମୁଣ୍ଡା ଅଞ୍ଚଳରେ ଗୁରୁବାର ଦେରରାତିରେ ଘଟିଥିବା ଏକ ଲୁଟ୍ ଉଦ୍ୟମ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଥିଲା। ସୂଚନା ଅନୁଯାୟୀ, ରାତି ପ୍ରାୟ ୧୧ଟା ସମୟରେ ବାରମୁଣ୍ଡା ଓଭରବ୍ରିଜ୍ ନିକଟରେ ଜଣେ ମୋବାଇଲ୍ ଲୁଟେରା ଜଣେ ମହିଳାଙ୍କୁ ବନ୍ଧୁକ ଦେଖାଇ ଲୁଟ୍ କରିବାକୁ ଚେଷ୍ଟା କରିଥିଲା।
ତେବେ ଘଟଣାସ୍ଥଳରେ ଥିବା ସ୍ଥାନୀୟ ଲୋକେ ତୁରନ୍ତ ସଚେତନ ହୋଇ ଅଭିଯୁକ୍ତଙ୍କୁ କାବୁ କରିଥିଲେ। ପରେ ତାଙ୍କୁ ପୁଲିସଙ୍କ ହାତରେ ସମର୍ପଣ କରାଯାଇଥିଲା। ପୁଲିସ ଅଭିଯୁକ୍ତଙ୍କ ନିକଟରୁ ୧୯ଟି ମୋବାଇଲ୍ ଫୋନ୍ ଜବତ କରିଥିବା ବେଳେ ସେ ସହରର ବିଭିନ୍ନ ସ୍ଥାନରେ ଘଟିଥିବା ଚୋରି ଓ ମୋବାଇଲ୍ ଛିନତାଇ ଘଟଣାରେ ସମ୍ପୃକ୍ତ ଥିବା ସନ୍ଦେହ କରାଯାଉଛି।
ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି ଯେ, ଅଭିଯୁକ୍ତ ବାରମୁଣ୍ଡା ବସ୍ଷ୍ଟାଣ୍ଡ ଓ ବସ୍ ଭିତରେ ଯାତ୍ରୀମାନଙ୍କୁ ଟାର୍ଗେଟ୍ କରି ଯୋଜନାବଦ୍ଧ ଭାବେ ମୋବାଇଲ୍ ଚୋରି ଓ ଛିନତାଇ କରୁଥିଲେ।
ବର୍ତ୍ତମାନ ପୁଲିସ ଅଭିଯୁକ୍ତଙ୍କୁ ହିରାସତରେ ରଖି ତାଙ୍କ ଅପରାଧିକ ପୃଷ୍ଠଭୂମି ଓ ପୂର୍ବ ଘଟଣା ସମ୍ପର୍କରେ ପଚରାଉଚରା କରୁଛି। ଏହାସହ ଏହି ଘଟଣା ପଛରେ ଏକ ବଡ଼ ଗ୍ୟାଙ୍ଗ୍ କାର୍ଯ୍ୟ କରୁଥିବା ସନ୍ଦେହ ମଧ୍ୟ କରାଯାଉଛି।
ସ୍ଥାନୀୟ ଲୋକଙ୍କ ତୁରନ୍ତ ସଚେତନତା ଓ ସାହସିକ ପଦକ୍ଷେପ ଯୋଗୁଁ ବନ୍ଧୁକ ଦେଖାଇ ଲୁଟ୍ ଉଦ୍ୟମ ବିଫଳ ହୋଇଥିବା ବେଳେ ପୁଲିସ ଜଣେ ସନ୍ଦିଗ୍ଧ ମୋବାଇଲ୍ ଲୁଟେରାଙ୍କୁ ଗିରଫ କରିବାରେ ସଫଳ ହୋଇଛି।
ଦିଲ୍ଲୀ ଜଳ ବୋର୍ଡ (DJB)ର ସିୱେଜ୍ ଟ୍ରିଟମେଣ୍ଟ ପ୍ଲାଣ୍ଟ ପ...
କୋଲକାତାର କ୍ୟାମାକ୍ ଷ୍ଟ୍ରିଟ୍‌ରେ ଥିବା ତୃଣମୂଳ କଂଗ...
ଜମ୍ମୁ-କଶ୍ମୀରରେ କଶ୍ମୀରୀ ପଣ୍ଡିତ କର୍ମଚାରୀଙ୍କୁ ଧମକ ମିଳ...
ଜେଲ୍‌ରେ ଥିବା ଜମ୍ମୁ-କଶ୍ମୀର ଲିବରେସନ୍ ଫ୍ରଣ୍ଟ (JK...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
