ଭୁବନେଶ୍ୱର: ସରିଲା ଶାରଦୀୟ ଦୁର୍ଗାପୂଜା। ଭକ୍ତଙ୍କ ମନରେ ଭକ୍ତି ଓ ଭାବବିହ୍ୱଳତା ଭରି ଧରାପୃଷ୍ଠରୁ ମେଲାଣି ନେଲେ ମାଆ ଦୁର୍ଗା। ବାଜା, ବାଣ ଓ ରୋଷଣୀ ସହ ମାଆଙ୍କୁ ବିଦାୟ ଦେଇଛନ୍ତି ଶ୍ରଦ୍ଧାଳୁ। ଏବେ ଭକ୍ତଙ୍କ ଅପେକ୍ଷା ଆସନ୍ତା ବର୍ଷର ଶାରଦୀୟ ଦୁର୍ଗାପୂଜାକୁ।
ରାଜଧାନୀ ଭୁବନେଶ୍ୱରର ନୂଆପଲ୍ଲୀ ମେଲଣ ପଡ଼ିଆରେ ୧୮ଟି ମେଢ ଏକାଠି ହେବା ପରେ ବାହାରିଥିଲା ବିଶାଳ ବିସର୍ଜନ ଶୋଭାଯାତ୍ରା। ପାରମ୍ପରିକ ବାଦ୍ୟ, ଲୋକନୃତ୍ୟ, ଘଣ୍ଟ ଓ ଶଙ୍ଖନାଦରେ ପ୍ରକମ୍ପିତ ହୋଇଥିଲା ପରିବେଶ।
ଶୋଭାଯାତ୍ରାରେ ପୂଜା କମିଟିର ସଦସ୍ୟ ଓ ଭକ୍ତମାନେ ମାଆଙ୍କ ମେଢକୁ ବିସର୍ଜନ ସ୍ଥଳ ଅଭିମୁଖେ ନେଇଥିଲେ। ମାଆଙ୍କୁ ଶେଷ ଥର ପାଇଁ ମନଭରି ଦର୍ଶନ କରିବା ସହ ଆଶୀର୍ବାଦ ନେବା ପାଇଁ ରାସ୍ତାର ଦୁଇ ପାର୍ଶ୍ୱରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା।
ବିସର୍ଜନ ଶୋଭାଯାତ୍ରାକୁ ଶୃଙ୍ଖଳିତ ଓ ସୁରକ୍ଷିତ କରିବା ପାଇଁ ପୁଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। ବିଭିନ୍ନ ସ୍ଥାନରେ ପୁଲିସ ମୁତୟନ ସହ ଯାତାୟାତ ନିୟନ୍ତ୍ରଣ କରାଯାଇଥିଲା।
ମାଆଙ୍କ ବିସର୍ଜନ ସହ ଶେଷ ହୋଇଛି ଏ ବର୍ଷର ଦୁର୍ଗାପୂଜା। ଭକ୍ତଙ୍କ ମୁହଁରେ ଥିଲା ଗୋଟିଏ ଆଶା—“ମାଆ ପୁଣି ଆସିବେ, ଆସନ୍ତା ବର୍ଷ ପୁଣି ହେବ ମାଆଙ୍କ ଆଗମନ।”
୧୦ ଜିଲ୍ଲାକୁ Yellow Warning ଅକ୍ଟୋବର ୨୬ ଓ ୨୭ ପାଇଁ...
ନୂଆଦିଲ୍ଲୀ: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟ...
ଗୋରଖପୁରର ଗୋରଖନାଥ ମନ୍ଦିର ନିକଟରେ ବିଜୟାଦଶମୀ ଅବସରରେ ପା...
ମୁମ୍ବାଇର ବାନ୍ଦ୍ରା ୱେଷ୍ଟ ବିଧାନସଭା ଅଞ୍ଚଳର ୱାର୍ଡ ନମ୍ବ...
ଶୁକ୍ର ବକ୍ରୀକୁ ନେଇ କ’ଣ କୁହୁଛି ଜ୍ୟୋତିଷ? ଜ୍ୟ...
ନୂଆଦିଲ୍ଲୀ: ନିର୍ବାଚନ ଆୟୋଗର ଆଭ୍ୟନ୍ତରୀଣ କାର୍ଯ୍ୟପ୍ରଣାଳ...
