ବ୍ରହ୍ମପୁର ସହରର ବ୍ୟସ୍ତବହୁଳ ଗେଟ୍ ବଜାର ଛକରେ ଶୁକ୍ରବାର ଏକ ହାଇଡ୍ରାମା ଦେଖିବାକୁ ମିଳିଛି। ଜଣେ ମହିଳା ଟ୍ରାଫିକ ପୋଲିସ ଗାଡ଼ିକୁ ଅଟକାଇ ଦୀର୍ଘ ସମୟ ଧରି ପୋଲିସ କର୍ମଚାରୀଙ୍କ ସହ ଉଚ୍ଚସ୍ୱରରେ ବଚସା କରିଥିବା ଅଭିଯୋଗ ହୋଇଛି। ଏହି ଘଟଣା ଫଳରେ ଛକରେ ଭୟଙ୍କର ଟ୍ରାଫିକ ଜାମ୍ ସୃଷ୍ଟି ହୋଇ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଥିଲେ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ମହିଳାଜଣକ ଟ୍ରାଫିକ ପୋଲିସ ଗାଡ଼ି ସାମ୍ନାରେ ଠିଆ ହୋଇ ଗାଡ଼ି ଚଳାଚଳକୁ ଅଟକାଇ ଦେଇଥିଲେ। ସେ ପୋଲିସଙ୍କ ନିୟମ ପ୍ରୟୋଗକୁ ନେଇ ଅସନ୍ତୋଷ ପ୍ରକାଶ କରିଥିବାବେଳେ ପ୍ରାୟ ଅଧ ଘଣ୍ଟା ଧରି ବାକ୍ବିତଣ୍ଡା ଚାଲିଥିଲା।
ଘଟଣା ସମୟରେ ମହିଳା ଜଣକ ପୋଲିସ କର୍ମଚାରୀଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ଅଭିଯୋଗ ମଧ୍ୟ ହୋଇଛି। ଏହି ହଙ୍ଗାମା ମଧ୍ୟରେ ଜଣେ ମହିଳା କନଷ୍ଟେବଳଙ୍କୁ ଧକ୍କାମାଡ଼ ହୋଇଥିବା ସୂଚନା ମିଳିଛି।
ପରେ ଅନ୍ୟ ମହିଳା ପୋଲିସ କର୍ମଚାରୀମାନେ ଘଟଣାସ୍ଥଳକୁ ପହଞ୍ଚି ପରିସ୍ଥିତିକୁ ସାନ୍ତ କରିବାକୁ ଚେଷ୍ଟା କରିଥିଲେ। ତେବେ ମହିଳା ଜଣକ ଶାନ୍ତ ହୋଇନଥିବାରୁ ଶେଷରେ ତାଙ୍କୁ ବଳପୂର୍ବକ ଟାଉନ୍ ଥାନାକୁ ନେଇଯାଇଥିଲା।
ଖବର ଲେଖାଯିବା ସୁଦ୍ଧା ପୋଲିସ ପକ୍ଷରୁ ଘଟଣା ସମ୍ପର୍କରେ କୌଣସି ସରକାରୀ ପ୍ରତିକ୍ରିୟା ମିଳିନଥିଲା। ତେବେ ଘଟଣାର ପ୍ରକୃତ କାରଣ ଓ ପୋଲିସ କର୍ମଚାରୀଙ୍କୁ ଆକ୍ରମଣ ଅଭିଯୋଗକୁ ନେଇ ଅଧିକ ତଦନ୍ତ ହେବ ବୋଲି ସୂଚନା ମିଳିଛି।
Nitesh Tiwariଙ୍କ ମହାକାଙ୍କ୍ଷୀ ଚଳଚ୍ଚିତ୍ର ‘Rama...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଭାରତୀୟ Mixed Martial Arts (MMA) ଜଗତରେ Matrix Fight...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ନିଜ ଜୀବନର ଏକ କଷ୍ଟଦାୟ...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
ୟଶଙ୍କ ଅପେକ୍ଷିତ ଚଳଚ୍ଚିତ୍ର ‘Toxic: A Fairytale...
