ନବରଙ୍ଗପୁର ଜିଲ୍ଲା ସୀମାନ୍ତ ଛତିଶଗଡ଼ରକାଙ୍କେର ଜିଲ୍ଲାର ମାର୍କାଟୋଲା ଗ୍ରାମରେଘଟିଛି ଏକ ହୃଦୟବିଦାରକ ଘଟଣା। ଏକ ଆକ୍ରାମକ ମାଈ ଭାଲୁର ଆକ୍ରମଣରେ ଜଣେ ଯୁବକ ଓ ତାଙ୍କ ଭଉଣୀଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଭଉଣୀ ଗୁରୁତର ଆହତ ହୋଇଛନ୍ତି।

ମୃତକ ଦୁଇଜଣ ହେଲେହଲାଲଖୋର ଜୁରିଏବଂ ତାଙ୍କ ଭଉଣୀଚାମାରୋନ ବାଇ। ଗୁରୁତର ଆହତଖୋରୀନବାଈଙ୍କୁ ପ୍ରଥମେ କାଙ୍କେର ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ଗୁରୁତର ହେବାରୁ ତାଙ୍କୁ ରାୟପୁରକୁ ସ୍ଥାନାନ୍ତର କରାଯାଇଛି।

ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟାରୁ ଭାଲୁଟି ଅତ୍ୟନ୍ତ ଆକ୍ରାମକ ହୋଇପଡ଼ିଥିଲା। ପ୍ରଥମେ ଜଙ୍ଗଲରେ ଏକ ଭାଲୁ ଛୁଆକୁ ମାରିଦେଇଥିଲା। ବୁଧବାର ସକାଳେ ଜଙ୍ଗଲ ନିକଟସ୍ଥ ଚାଷଜମିରେ କାମ କରୁଥିବା ହଲାଲଖୋର ଜୁରିଙ୍କ ଉପରେ ହଠାତ୍ ଆକ୍ରମଣ କରିଥିଲା।

ଭାଇଙ୍କୁ ବଞ୍ଚାଇବା ପାଇଁ ତାଙ୍କ ଭଉଣୀ ଚାମାରୋନ ବାଇ ଧାଇଁ ଆସିଥିଲେ। କିନ୍ତୁ ଭାଲୁଟି ଉଭୟଙ୍କୁ ନିର୍ମମ ଭାବେ ଆକ୍ରମଣ କରିଥିଲା। ଘଟଣାସ୍ଥଳରେ ହିଁ ଦୁହେଁଙ୍କର ମୃତ୍ୟୁ ଘଟିଥିଲା।

ଘଟଣା ପରେ ଭାଲୁଟି ମୃତଦେହ ଦୁଇଟିକୁ ନିଜ କବଜାରେ ରଖିଥିବାରୁ ବନ ବିଭାଗ ଓ ଗ୍ରାମବାସୀ ନିକଟକୁ ଯାଇପାରିନଥିଲେ। ପ୍ରାୟ୪ ଘଣ୍ଟା ଧରିଉଦ୍ଧାର କାର୍ଯ୍ୟ ବନ୍ଦ ରହିଥିଲା।

ପରେ ରାୟପୁରରୁ ଏକ ସ୍ୱତନ୍ତ୍ର ବନ ବିଭାଗ ଟିମ୍ ପହଞ୍ଚି ଟ୍ରାଙ୍କୁଲାଇଜର ସାହାଯ୍ୟରେ ଭାଲୁକୁ ଅଚେତ କରିଥିଲେ। ଏହାପରେ ମୃତଦେହ ଦୁଇଟିକୁ ଉଦ୍ଧାର କରାଯାଇଥିଲା।

ପରିବାରର ଦୁଇଜଣ ସଦସ୍ୟଙ୍କ ମୃତ୍ୟୁରେ ଉତ୍ତ୍ୟକ୍ତ ହୋଇ କିଛି ଗ୍ରାମବାସୀ ଅଚେତ ଭାଲୁକୁ ମଧ୍ୟ ମାଡ଼ ମାରିଥିବା ସୂଚନା ମିଳିଛି। ଏହି ଘଟଣା ପରେ ସମଗ୍ର ଅଞ୍ଚଳରେ ଭୟ ଓ ଶୋକର ପରିବେଶ ସୃଷ୍ଟି ହୋଇଛି।