ଆୟର୍ଲାଣ୍ଡ ଓ ଇଂଲଣ୍ଡ ଗସ୍ତରେ ଟିମ୍ ଇଣ୍ଡିଆର ନିରାଶାଜନକ ପ୍ରଦର୍ଶନ ପରେଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ (BCCI)ଦଳର ପ୍ରଦର୍ଶନକୁ ନେଇ ସମୀକ୍ଷା କରିବାକୁ ଯାଉଛି। ଏହା ସହିତ ଜାତୀୟ ସ୍ତରର ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ଭାରତୀୟ କୋଚିଂ ଷ୍ଟାଫ୍ର ଜଣେ ପ୍ରମୁଖ ସଦସ୍ୟ ପଦ ଛାଡ଼ିପାରନ୍ତି ବୋଲି ଚର୍ଚ୍ଚା ହେଉଛି।

ବିସିସିଆଇ ସମ୍ପାଦକଦେବଜିତ ସାଇକିଆକହିଛନ୍ତି ଯେ, ଆୟର୍ଲାଣ୍ଡ ଓ ଇଂଲଣ୍ଡ ବିପକ୍ଷ ଟ୍ବେଣ୍ଟି-୨୦ ଶୃଙ୍ଖଳାରେ ଭାରତର ପ୍ରଦର୍ଶନକୁ ବୋର୍ଡ ଗୁରୁତ୍ୱର ସହ ନଜର ରଖିଛି। ଜୁଲାଇ ୧୯ରେ ଗସ୍ତ ଶେଷ କରି ଦଳ ଫେରିବା ପରେ ବିସ୍ତୃତ ସମୀକ୍ଷା କରାଯିବ।

ବିସିସିଆଇ ପକ୍ଷରୁ ସୂଚନା ମିଳିଛି ଯେ, ଦଳର କେତେକ ପ୍ରମୁଖ ସଦସ୍ୟଙ୍କ ପ୍ରଦର୍ଶନକୁ ନେଇ ଆଲୋଚନା ହେବ। ତେବେ ତୁରନ୍ତ କୌଣସି କଠୋର ପଦକ୍ଷେପ ନିଆଯିବ ନାହିଁ ବୋଲି ବୋର୍ଡ ସ୍ପଷ୍ଟ କରିଛି।

ବୋର୍ଡର ମତ ଅନୁଯାୟୀ, ଅନ୍ତର୍ଜାତୀୟ କ୍ରିକେଟ୍ରେ ଏପରି ଖରାପ ସମୟ ଆସିଥାଏ ଏବଂ ଏହାକୁ ଦଳର ଏକ ସାମୟିକ ପର୍ଯ୍ୟାୟ ଭାବେ ଦେଖାଯାଉଛି।

ଆୟର୍ଲାଣ୍ଡ ବିପକ୍ଷରେ୦-୨ରେ ଟି-୨୦ ଶୃଙ୍ଖଳା ପରାଜୟପରେ ଇଂଲଣ୍ଡ ଗସ୍ତରେ ମଧ୍ୟ ଦଳ ଆଶାନୁରୂପ ପ୍ରଦର୍ଶନ କରିପାରିନଥିଲା। ବିଶେଷକରି ବ୍ୟାଟିଂ ଓ ବୋଲିଂ ବିଭାଗ ଉଭୟର ପ୍ରଦର୍ଶନ ନିରାଶାଜନକ ରହିଥିଲା।

ତେବେ ବିସିସିଆଇ ଆଶା ପ୍ରକାଶ କରିଛି ଯେ, ଆଗାମୀ ଦିନିକିଆ ଶୃଙ୍ଖଳାରେ ଟିମ୍ ଇଣ୍ଡିଆ ଭଲ ପ୍ରଦର୍ଶନ କରି ଦମଦାର ପ୍ରତ୍ୟାବର୍ତ୍ତନ କରିବ।