ବଲିଉଡ୍ର ଆକ୍ସନ୍ ଷ୍ଟାର ସନି ଦେଓଲଙ୍କ ବହୁ ପ୍ରତୀକ୍ଷିତ ଫିଲ୍ମ 'ବଟୱାରା ୧୯୪୭'ର ଦ୍ୱିତୀୟ ଟିଜର ମୁକ୍ତିଲାଭ କରିଛି। ଦେଶ ବିଭାଜନ ସମୟର ହିଂସା, ଭୟ, ତ୍ୟାଗ ଓ ମାନବିକତାର ଭାବପ୍ରବଣ କାହାଣୀକୁ ନେଇ ନିର୍ମିତ ଏହି ଟିଜର ଦର୍ଶକଙ୍କ ମନରେ ଉତ୍ସାହ ସୃଷ୍ଟି କରିଛି।
ଟିଜରରେ ସନି ଦେଓଲ ଜଣେ ସାହସୀ ବ୍ୟକ୍ତିର ଭୂମିକାରେ ନଜର ଆସିଛନ୍ତି। ପରିବାରର ସୁରକ୍ଷା ପାଇଁ ସେ ସମସ୍ତ ବିପଦର ସାମ୍ନା କରୁଥିବା ଦେଖାଯାଇଛି। ଏଥିରେ ଅଗ୍ନିକାଣ୍ଡ, ହିଂସା, ମାରପିଟ ଓ ଅତ୍ୟାଚାରର ଦୃଶ୍ୟ ସହ ଅନେକ ଭାବପ୍ରବଣ ମୁହୂର୍ତ୍ତ ମଧ୍ୟ ସ୍ଥାନ ପାଇଛି, ଯାହା ଦର୍ଶକଙ୍କୁ ଭାବବିହ୍ୱଳ କରିପାରେ।
ଟିଜରର ଆରମ୍ଭରେ ପ୍ରୀତି ଜିଣ୍ଟା, ଅଲି ଫଜଲ ଓ ଶବାନା ଆଜମୀଙ୍କ ଚରିତ୍ର ମଧ୍ୟ ଦେଖିବାକୁ ମିଳିଛି। ଦେଶ ବିଭାଜନ ବେଳେ ସାଧାରଣ ଲୋକଙ୍କ ଯନ୍ତ୍ରଣା, ସଂଘର୍ଷ ଓ ବିସ୍ଥାପନର କାହାଣୀକୁ ଫିଲ୍ମରେ ପ୍ରାଧାନ୍ୟ ଦିଆଯାଇଛି।
ଫିଲ୍ମରେ ସନି ଦେଓଲଙ୍କ ସହ ପ୍ରୀତି ଜିଣ୍ଟା, ଶବାନା ଆଜମୀ, ଅଲି ଫଜଲ, କରଣ ଦେଓଲ ଓ ଅଭିମନ୍ୟୁ ସିଂହ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ପ୍ରାୟ ତିନି ଦଶନ୍ଧି ପରେ ନିର୍ଦ୍ଦେଶକ ରାଜକୁମାର ସନ୍ତୋଷୀ ଓ ସନି ଦେଓଲଙ୍କ ଯୋଡ଼ି ପୁଣିଥର ପାଇଁ ବଡ଼ ପରଦାରେ ଏକାଠି କାମ କରିଛନ୍ତି। ଆମିର ଖାନ ପ୍ରଡକ୍ସନ୍ସ ବ୍ୟାନରରେ ନିର୍ମିତ ଏହି ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଏ.ଆର୍. ରହମାନ ଓ ଗୀତ ରଚନା କରିଛନ୍ତି ଜାଭେଦ ଅଖତର।
ସ୍ୱାଧୀନତା ଦିବସ ପୂର୍ବରୁ, ଆସନ୍ତା ୧୪ ଅଗଷ୍ଟ ୨୦୨୬ରେ 'ବଟୱାରା ୧୯୪୭' ବିଶ୍ୱବ୍ୟାପୀ ପ୍ରେକ୍ଷାଳୟରେ ମୁକ୍ତିଲାଭ କରିବ। ଫିଲ୍ମଟି ଦେଶ ବିଭାଜନର ଐତିହାସିକ ଓ ମାନବିକ ଦିଗକୁ ଏକ ନୂଆ ଦୃଷ୍ଟିକୋଣରୁ ଉପସ୍ଥାପନ କରିବ ବୋଲି ଆଶା କରାଯାଉଛି।
ଛତିଶଗଡ଼ର ରାୟପୁର ସ୍ଥିତ ସଞ୍ଜୟ ନଗର ଅଞ୍ଚଳରେ ଶନିବାର ଭୋର...
ବୌଦ୍ଧ ଜିଲ୍ଲା ପୁଲିସ ବିଭାଗରେ ଏକ ଚର୍ଚ୍ଚିତ ଘଟଣା ସାମ୍ନା...
କାନାଡାରେ ଲାଗିଥିବା ଭୟାବହ ଜଙ୍ଗଲ ନିଆଁର ଧୂଆଁ ଆମେରିକାର...
ଖୋର୍ଦ୍ଧାରେ ଅବୈଧ ନିଶା କାରବାର ବିରୋଧରେ ପୋଲିସର ଅଭିଯାନ...
ରୁଷ୍-ୟୁକ୍ରେନ୍ ଯୁଦ୍ଧ ପୁଣିଥରେ ଉଗ୍ର ରୂପ ନେଇଛି। ୟୁକ୍ରେ...
ଇରାନ-ଆମେରିକା ମଧ୍ୟରେ ଚାଲିଥିବା ସଂଘର୍ଷ ଶନିବାର ଆହୁରି ତ...
ଛତ୍ରପୁରରେ ପୁଲିସ ବିଭାଗ ସହ ଜଡିତ ଏକ ସମ୍ବେଦନଶୀଳ ମାମଲା...
ହର୍ମୁଜ୍ ପ୍ରଣାଳୀରେ ଲାଗି ରହିଥିବା ସଙ୍କଟ ମଧ୍ୟରେ ଇରାକ ଆ...
