ଭୁବନେଶ୍ୱରର ବାରମୁଣ୍ଡା ବସ୍ଷ୍ଟାଣ୍ଡ ନିକଟରେ ମିଳିଥିବା ମୁଣ୍ଡବିହୀନ ମୃତଦେହ ଘଟଣାରେ ପୋଲିସର ତଦନ୍ତ ପରେ ଚାଞ୍ଚଲ୍ୟକର ସତ୍ୟ ସାମ୍ନାକୁ ଆସିଛି। କମିଶନରେଟ୍ ପୋଲିସ ଏହାକୁ ଏକ ହିଟ୍ ଆଣ୍ଡ ରନ୍ ମାମଲା ବୋଲି ନିଶ୍ଚିତ କରିଛି।
ମୃତକଙ୍କ ପରିଚୟ ଖୋର୍ଦ୍ଧା ଜିଲ୍ଲା ବେଗୁନିଆର ମାଛ ବ୍ୟବସାୟୀ ହାଡ଼ିବନ୍ଧୁ ମଲ୍ଲିକ ଭାବେ ହୋଇଛି। ରବିବାର ସକାଳ ପ୍ରାୟ ୪ଟା ବେଳେ ବାରମୁଣ୍ଡା ନିକଟ ରାସ୍ତା କଡ଼ରୁ ତାଙ୍କର ମୃତଦେହ ଉଦ୍ଧାର ହୋଇଥିଲା।
ପୋଲିସ ତଦନ୍ତ ଅନୁସାରେ, ଶନିବାର ରାତିରେ ପ୍ରବଳ ବର୍ଷା ହେଉଥିବାବେଳେ ହାଡ଼ିବନ୍ଧୁ ମଲ୍ଲିକ ଓ କବି ମଲ୍ଲିକ ମୋଟରସାଇକେଲରେ ଯାଉଥିଲେ। ପାଣି ଜମିଥିବାରୁ ସେମାନେ ପାତ୍ରପଡ଼ା ଫୁଟ୍ଓଭର ବ୍ରିଜ୍ ନିକଟରେ ରାସ୍ତା କଡ଼ରେ ଅଟକିଥିଲେ। ଏହି ସମୟରେ ଏକ ଅଜଣା ଦ୍ରୁତଗାମୀ ଗାଡ଼ି ସେମାନଙ୍କୁ ପଛପଟୁ ଧକ୍କା ଦେଇଥିଲା।
ଏହା ପରେ କବି ମଲ୍ଲିକ ନିଜକୁ ବଞ୍ଚାଇବାରେ ସଫଳ ହୋଇଥିବାବେଳେ ହାଡ଼ିବନ୍ଧୁ ରାସ୍ତାରେ ପଡ଼ି ଅଚେତ ହୋଇଯାଇଥିଲେ। କିଛି ସମୟ ପରେ ଆଉ ଏକ ଗାଡ଼ି ତାଙ୍କ ଶରୀର ଉପରେ ଚଢ଼ି ଯାଇ ପ୍ରାୟ ୩ କିଲୋମିଟର ପର୍ଯ୍ୟନ୍ତ ଘୋଷାଡ଼ି ନେଇଥିବା ପୋଲିସ କହିଛି।
ଭୁବନେଶ୍ୱର ଡିସିପି ଜଗମୋହନ ମୀଣା କହିଛନ୍ତି ଯେ, ଘଟଣାରେ ଦୁଇଟି ଗାଡ଼ି ସଂପୃକ୍ତ ଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଘଟଣାସ୍ଥଳରୁ ସିସିଟିଭି ଫୁଟେଜ୍ ସଂଗ୍ରହ କରାଯାଉଛି ଏବଂ ଅଭିଯୁକ୍ତ ଗାଡ଼ି ଚାଳକଙ୍କୁ ଚିହ୍ନଟ କରିବା ପାଇଁ ପ୍ରୟାସ ଜାରି ରହିଛି।
ମୃତଦେହକୁ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଯାଇଛି। ଏହି ଘଟଣା ରାଜଧାନୀରେ ସଡ଼କ ସୁରକ୍ଷାକୁ ନେଇ ପୁଣିଥରେ ପ୍ରଶ୍ନ ଉଠାଇଛି।
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
ମହିଳା ଟେନିସ୍‌ରେ ନୂଆ ଇତିହାସ ରଚିଛନ୍ତି ଏଲେନା ରିବ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଭାରତୀୟ କ୍ରିକେଟର ତିଲକ ବର୍ମା ଏବେ ରେଡ୍‌-ବଲ୍&zwnj...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ (BSE) ପକ୍ଷରୁ ଓଡ଼ିଶା ଶ...
ଚେନ୍ନାଇରେ ଚାଲିଥିବା ଦୁଲୀପ ଟ୍ରଫି ୨୦୨୬ ଫାଇନାଲ୍‌ର...
ଭୁଏଲ୍ଟା ଆ ଏସ୍ପାନାରେ ଗ୍ରେଟ୍ ବ୍ରିଟେନ୍ର ଯୁବ ସାଇକ୍ଲିଷ୍...
