ଦେଶବ୍ୟାପୀ ଆଜି ବ୍ୟାଙ୍କ ଧର୍ମଘଟ। ବିଭିନ୍ନ ଦାବି ପୂରଣ ହେଉନଥିବା ଅଭିଯୋଗରେ ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିୟନ (UFBU) ପକ୍ଷରୁ ଏହି ଦିନିକିଆ ଧର୍ମଘଟ ଡାକରା ଦିଆଯାଇଛି। ଧର୍ମଘଟ ଯୋଗୁଁ ବ୍ୟାଙ୍କ ଗ୍ରାହକମାନେ ଶାଖାସ୍ତରୀୟ ସେବା ପାଇବାରେ ଅସୁବିଧାର ସମ୍ମୁଖୀନ ହୋଇପାରନ୍ତି।
ବ୍ୟାଙ୍କ କର୍ମଚାରୀ ସଂଗଠନଗୁଡ଼ିକର ଅଭିଯୋଗ ଅନୁସାରେ, ପାଞ୍ଚଦିନିଆ କାର୍ଯ୍ୟ ସପ୍ତାହ ଲାଗୁ କରିବାରେ ବିଳମ୍ବ, ପ୍ରଦର୍ଶନ ଆଧାରିତ ପ୍ରୋତ୍ସାହନ ସ୍କିମ୍କୁ ନେଇ ମତଭେଦ ସମେତ ବିଭିନ୍ନ ଦାବି ଉପରେ ସମାଧାନ ନ ହେବାରୁ ସଂଗଠନଗୁଡ଼ିକ ଆନ୍ଦୋଳନକୁ ଓହ୍ଲାଇଛନ୍ତି।
ଧର୍ମଘଟ ପରେ ଆସନ୍ତାକାଲି ଦ୍ୱିତୀୟ ଶନିବାର, ତା’ପରେ ରବିବାର ଛୁଟି ରହିଛି। ସେହିପରି ସୋମବାର ଗଣେଶ ପୂଜା ଅବସରରେ ମଧ୍ୟ ବ୍ୟାଙ୍କ ବନ୍ଦ ରହିବ। ତେଣୁ ଧର୍ମଘଟକୁ ମିଶାଇ ଲଗାତାର ୪ ଦିନ ବ୍ୟାଙ୍କର ସାଧାରଣ ସେବା ପ୍ରଭାବିତ ହୋଇପାରେ।
ଏହି ଧର୍ମଘଟର ପ୍ରଭାବ ମୁଖ୍ୟତଃ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକରେ ଦେଖାଦେଇପାରେ। ଓଡ଼ିଶାରୁ ପ୍ରାୟ ୭୦ ହଜାର ବ୍ୟାଙ୍କ କର୍ମଚାରୀ ଧର୍ମଘଟରେ ସାମିଲ ହେଉଥିବା ସୂଚନା ମିଳିଛି।
ତେବେ ଏହା ପରେ ମଧ୍ୟ ଯଦି ଦାବିଗୁଡ଼ିକର ସମାଧାନ ନ ହୁଏ, ଆହୁରି ବଡ଼ ଆନ୍ଦୋଳନ ପାଇଁ UFBU ପକ୍ଷରୁ ଚେତାବନୀ ଦିଆଯାଇଛି। ସଂଗଠନର ଚେତାବନୀ ଅନୁସାରେ, ଚଳିତ ମାସ ୨୮ରୁ ୩୦ ତାରିଖ ପର୍ଯ୍ୟନ୍ତ ଧର୍ମଘଟ କରାଯାଇପାରେ। ଏହା ପରେ ଅକ୍ଟୋବର ୨୬ରୁ ଆମରଣ ଅନଶନ କରାଯିବ ବୋଲି ସଂଗଠନ ପକ୍ଷରୁ କୁହାଯାଇଛି।
ଭୁବନେଶ୍ୱର: ଓଡ଼ିଶାର ବିଭିନ୍ନ ଅଞ୍ଚଳରେ ପ୍ରବଳ ବର୍ଷା ଜାର...
କଟକ: ଓଡ଼ିଶାରେ ଦୁଇ ଉପମୁଖ୍ୟମନ୍ତ୍ରୀଙ୍କ ନିଯୁକ୍ତିର ସାମ୍...
ଭୁବନେଶ୍ୱର: ଚଳିତବର୍ଷ ଓଡ଼ିଶାରେ ଖରାଦିନ ଆଗୁଆ ଆରମ୍ଭ ହୋଇ...
ତେଲେଙ୍ଗାନାରେBRS ଓ କଂଗ୍ରେସ ମଧ୍ୟରେ ରାଜନୈତିକ ବିବାଦଆହୁ...
ଜଗତସିଂହପୁର:ଜଗତସିଂହପୁର ଜିଲ୍ଲା ସିଆଳି ବେଳାଭୂମି ଅଞ୍ଚଳର...
ବଲିଉଡ୍‌ର ଦୁଇ କିମ୍ବଦନ୍ତୀ ଅଭିନେତା ଅମିତାଭ ବଚ୍ଚନ...
ପଞ୍ଜାବରସାଙ୍ଗରୁର ଗୁଲଜାର ସିଂହ ଆତ୍ମହତ୍ୟା ମାମଲାରେ ନୂଆ...
ଟେଲିଭିଜନ ଅଭିନେତାରୋହିତ ଚନ୍ଦେଲଙ୍କୁ POCSO ମାମଲାରେ ଜାମ...
ଭୁବନେଶ୍ୱର:ଓଡ଼ିଶାରେ ପୁଣି ସକ୍ରିୟ ହୋଇଛି ମୌସୁମୀ ବର୍ଷା।...
ବଲିଉଡ୍‌ର ୯୦ ଦଶକର ଦୁଇ ଲୋକପ୍ରିୟ ତାରକା ଅକ୍ଷୟ କୁମ...
ଅନୀତ ପଡ୍ଡାଙ୍କ ଆଗାମୀ ୱେବ୍ ସିରିଜ୍ **‘Hunkkaar:...
